睇完呢套MV，聽埋首歌，真係好想去睇埋套戲

就係"那些年，我們一起追的女孩"
那些年，我們一起追的女孩

你好後生啊！

那些年，我只追功課！:-)

八王爺 發表於 2011-10-17 07:13
你好後生啊！

那些年，我只追功課！:-)

後咩生吖，小弟只係同海馬公園差唔多年紀。

今年必睇之作~~~~~~~~~~~~~~

睇埋書會仲想去

我想去台灣睇，因為香港應該 Cut 唔小﹗
不過，應該都會今個星期六睇早場。

那些年我只吃喝玩樂,,,,,

好多人都話睇戲好正,,,不過我就興趣不大,,要我睇哩d咁青春ge片真係會死]
事關睇完一定好後悔好多野無做,,,=_=

那些年，我已經要養家

那些年，我成日去打波﹗哈哈。

今個星期六睇早場，40蚊張飛﹗睇睇張飛，原來部戲嘅英文名係 "You are the apple of my eye"﹗

真係好好睇，竟然會睇到全場拍手掌﹗

我買o左飛聽日睇.....不過係睇"作死不離三兄弟"。
下星期先睇"那些年，我們一起追的女孩"，如果有時間既話呀...

monstergary 發表於 2011-10-23 01:49
我買o左飛聽日睇.....不過係睇"作死不離三兄弟"。
下星期先睇"那些年，我們一起追的女孩"，如果有時間既話 ...

作死不離三兄弟我睇左,,,,(不過唔係入戲院睇
我覺得ok ge~~不過d人ge評語太誇張,,,

同埋我唔建議入戲院睇,,,哩d劇情片入戲院睇好易miss左d字幕,,
就算無miss到都無時間去諗

031504 發表於 2011-10-23 03:38
作死不離三兄弟我睇左,,,,(不過唔係入戲院睇
我覺得ok ge~~不過d人ge評語太誇張,,,

尋日睇完，171分鐘不經不過就過o左，冇乜冷場，都值得睇。
而且我追得切字幕，所以知講乜啦。

仲有既係印度女人出嫁既嫁妝係女家出晒既，所以女家無錢都唔駛望點有人要。仲有既係佢o地都幾講地位稼。

作死... 我睇左喇, 真係有笑有淚, 今年全力推介之一部好戲! 第一首歌加導演功力, 已令我感動落淚了.

那些年... 仲未有動力, 聽過少少劇情, 唔覺得有乜特別, 乜小時候唔係個個都咁架? 我... 其實我呢... 可能我個中學生活... 即係咁... 呀... 唔... 中一已經有男友仔... 中七已經有追唔到我既男仔向我求婚... 好激烈架... 不過都係以前的事了~

我覺如果你係海洋公園咁既年紀, 就啱啱好係大男女主角幾年, 完全啱feel...因為有個個年代既gap....真係好應..
我星期日睇都睇到拍晒手掌(有d位真係好無線但好鬼好笑架)...但最后我又睇到有d感慨

jellyfishy 發表於 2011-10-24 23:16
作死... 我睇左喇, 真係有笑有淚, 今年全力推介之一部好戲! 第一首歌加導演功力, 已令我感動落淚了.

那些 ...

中一就而經有男朋友!!!!!!?   乜果個年代d初中生就而經咁啦咩XD?

不過我都無咩動力去睇,,,,,,因為我學生時期真係無咩朋友,,無咩特別,,,日日返學等放學,,放學就返屋企
完全代入唔到套戲,,,,我驚我會愈睇愈嬲XD

031504 發表於 2011-10-24 23:41
中一就而經有男朋友!!!!!!?   乜果個年代d初中生就而經咁啦咩XD?

不過我都無咩動力去睇,,,,,,因為我學生 ...

我小時候無心向學, 掛住拍拖和玩課外活動...

仲記得初中有日行路上學, 半路發現有個好高大的男仔跟住我, 我好驚, 快步諗住衝入學校, 入校門時, 那男仔又跑來追住我, 我個下好驚即刻望實佢... 佢叫我全名, 我那時都好懞, 淨係識驚, 佢成六尺高又靚仔, 佢話佢唔見左我電話, 昨日見到我上學, 所以今日等我... 講左幾句, 我先記得佢係我小學同學.

小學時成班同學都知佢暗戀我, 佢阿媽都識我媽, 佢都有講佢仔响屋企有我既相~ 佢那時細粒過我, 所以我無留意佢.
誰知佢一年左右就高咁多, 六尺一! 我真係唔認得佢~~  

跟住呢... 嘻~~~ 拍左少少兩個月拖咁大把, 手都無乜拖過, 莫說錫錫喇~ 哈哈哈~~~~

點樣分手呀... 後來發現佢跟左大佬, 跟人去打交, 其實佢都有保護過我... 兩個唔同世界的人. 我對佢地個d生活全無興趣, 鍾意還鍾意, 都要講溝通架, 可惜溝通唔到. 佢大佬好唔鍾意我, 因為我把口叻過佢, 佢又無乜point又唔打得, 我話我男友不知好打過佢幾多, 我又有智慧過呢個大佬, 做乜要我聽佢話, 小男友仔唔想我"出事", 所以痛著分左手. 那時佢仲會寫情信俾我, 解釋成件事添~　

佢現在還住在我家附近，已經有一子一女，個樣蒼老左好多，有一日我走埋佢身邊，大聲叫佢xxx，佢嚇一跳，到佢完全唔認得我，仲問我：阿妹，邊位呀？

jellyfishy 發表於 2011-10-24 23:16
作死... 我睇左喇, 真係有笑有淚, 今年全力推介之一部好戲! 第一首歌加導演功力, 已令我感動落淚了.

那些 ...

我中學好似無咩特別野發生，妳當時真係多姿多姿彩﹗

妳要唔要將妳當年嘅激烈故事寫出嚟放係網上，做香港嘅 "九張刀"？

KKKK 發表於 2011-10-25 08:33
我中學好似無咩特別野發生，妳當時真係多姿多姿彩﹗

妳要唔要將妳當年嘅激烈故事寫出嚟放係網上，做香港 ...

咪玩啦~~~ 我當年太天真, 小時候有人愛錫的感覺係好好既~

最難忘是中四升中五那年暑假, 第一次, 跟演藝樂團去台灣表演, 有晚在港團練時, 無端端有個唔識的隊友走來跟我搭棚, 佢好主動, 約我食飯聽concert, 我思想簡單, 和他啱傾又有共同興趣,  當然好快俾佢攪掂左, 跟住一齊跟樂團去台灣演出, 一齊遊覽, 好開心.

點解我咁鍾意旅行, 或多或少都因為佢, 我第一次無家人陪同下的旅程, 非一般的旅行團, 好sweet, 好難忘. 之後每次自由行, 我都會不自覺想享受這種難忘, sweet, 非一般的感覺~

小男友常常帶我周圍玩, 香港島大小街仔, Cat's Street個名好得意, 山頂行落中環的小徑, 還有澳門的賊仔街, 滿是荷花的大水塘, 主教山....

佢見我成日用布袋裝書上學, 有日吃完tea, 佢無端端倒晒我布袋d書出來, 換左佢個Polo 袋俾我, 我當時好感動, 感動佢咁錫我.

熱戀的時間無停過, 一年, 還是很熱.

到我考完會考, 有晚佢和我慶祝, 然後, 佢話佢家人攪左移民, 七月要走了, 我一聽到就哭, 哭左成晚, 唔想回家, 唔想佢離開我, 佢比我老豆更錫我, 我當時好唔想佢離開我呢.

可惜, 佢始終要走.

我仲好記得, 佢走個日, 我由機場哭到回家, 不停哭到第二天早上, 無胃口, 無心機, 唔想見人, 媽咪和婆婆見到我咁樣, 都好傷心.

小男友一走, 兩年沒有回來, 那時電話費好貴, $6一分鐘, 所以我們只用寫信溝通, 佢家人移民後無錢, 小男友有時會唔搭車, 行個多小時上移民班, 我唔想佢咁辛苦, 自己走去做幾份私人補習, 儲幾千元, 就會寄票給他用.

兩年後, 又係暑假時, 當時我已有2個月無收到佢信, 心裡有所準備, 還寄了信告訴他, 不寄信給我, 不緊了, 我明白, 不用解釋, 分手不用說出口的.

誰知到我生日那天, 佢寄信來, 叫我以後不要再找他, 叫我不要死纏他, 叫我死心等等難聽的話, 我望住信箱, 奇怪佢點會寫d咁既野, 覺得好好笑, 我無把信帶回家, 看完就掉進公家垃圾桶了~

故事好長, 其實仲有d事發生, 不過算啦, 那時我都大個女lu~

王爺你係咪開心到暈呀?