E家D細路係咁樣

金盞花 發表於 2011-7-15 00:11
乜當年d細路都講要死, 我以為近呢10年先有呢d事情發生

我朋友個女2年前(宜家約10歲)都有寫張字條 ...

我估有部份學返黎 有D係自細習慣 大人習慣用一樣野換來自己的安樂 D細路知道 久而久之原來咁係可以控制大人
但我果女唔同 我一向冇咁做 佢好細就反叛 歲幾就用唔食飯來反抗 事因我唔記得啦 佢唔食我米收碗囉
講明一陣佢肚餓有餅乾面包都唔會俾佢食 餓一餐又唔會死人 之後佢點都唔會用唔食飯黎玩反叛

講起我果女細果D事 一日一夜都講唔哂 幼稚園 小學 中學 年年有新野出 唔知D人以為我縱壞佢

記得讀幼稚園時好多時放學會買嘢食, 當有一日唔買呢我就喺屋企樓下攬住條樓梯螺住喊住唔肯上樓, 但當我媽唔肯就範要上樓關門, 我咪驚死立即跟住上樓.  

自己都做過細路仔, 有時我都會想番自己細個點樣, 宜家就用嚟對付番朋友d仔女

金盞花 發表於 2011-7-15 00:35
記得讀幼稚園時好多時放學會買嘢食, 當有一日唔買呢我就喺屋企樓下攬住條樓梯螺住喊住唔肯上樓, 但當我媽唔 ...

我就唔識樓計 屋企又冇錢 而且我係拉女又係獨女 好多野一定係俾我先

回  031504  係囉,唔知點解d小朋友咁唔中意食飯,,,  
可能佢地以為你驚餓親佢 D大人會心痛 因為佢地一出世就只係食同訓

cookie20002005 發表於 2011-7-15 09:25
而家ｄ小朋友就係知道ｄ大人鍚佢哋，就算唔食飯都一定有其他野食，變相ｄ小朋友未養成偏食囉，我識得有個 ...

我朋友都係咁架,不停食零食,正餐就食唔落,跟住10點幾又食過,涼都未沖,第日仲要返學,晚晚攪到過11點幾12點先瞓,第日返學唔願起身,仲要發大人脾氣架,你話死唔死得呀,成日仲要架校車等埋佢先開車走,放學返嚟第一時間就上網打機睇電視,仲叻到擺晒d功課係書檯,見d大人放工返嚟啦,就即刻衝入書房扮做功課,你話d小朋友幾叻呀

KOOKOO 發表於 2011-7-15 00:53
回  031504  係囉,唔知點解d小朋友咁唔中意食飯,,,  
可能佢地以為你驚餓親佢 D大人會心痛 因為佢地一出世 ...

而家ｄ小朋友就係知道ｄ大人鍚佢哋，就算唔食飯都一定有其他野食，變相ｄ小朋友未養成偏食囉，我識得有個朋友，佢個小朋友好多時正餐都食好少，一係就唔食，因為佢日日放學都會有個麥記餐，成４點幾先食，夜晚又點會食得落正餐呀，一係就因為偏食，ｄ野唔啱食未唔食囉，但係佢唔洗驚架，因為自然會有其他人再整野佢食，放假就掛住上網打機／睇電視唔食野，叫佢出去食都懶去架，仲要ｄ大人買埋返嚟比佢食架，佢咁樣縱ｄ小朋友，點會唔變壞呀，真係遲早問題咋．

claudiatang 發表於 2011-7-15 13:40
動物都能知道教牠什麼能做，什麼不能做。孩子是自己生出來的，怎麼可能教唔到﹗可惜現在社會全部都轉型。 ...

最慘係自己唔捨得教. 人哋教吓/話吓佢個仔又唔鐘意. 所以真係呀, 有因必有果.

cookie20002005 發表於 2011-7-15 13:49
哩d家長我都見唔少呀,而家好多小朋友都唔識咩叫禮貌架,因為d大人都冇灌輸佢哋一d正確嘅觀念,剩係單單你話 ...

上樑不正下樑歪。

性格係天生難改D  品行就後天可以補求 (人品)
人就好似草木 你打理得好自然有好花開 唔打理佢就亂草從生

claudiatang 發表於 2011-7-15 14:18
上樑不正下樑歪。

個大人教d乜,做d乜,個小朋友就會學到d乜,所以正確嘅教育觀念係好緊要架

有次朋友帶2個6-8歲仔女上另一朋友家食飯, 晚飯時有d餸菜已上枱, 仲有餸菜主人家仲喺廚房煮緊, 但客人朋友已急不及待夾餸俾仔女叫食, 而主人家個女又食緊, 我就借機話佢等齊人等埋媽咪先,  起初都全部停手, 之後主人家拎埋d餸出嚟叫食唔駛等, 客人朋友話"係啦, 肚餓啦"~~~我會覺得人哋客氣, 你都要俾d禮貌.

試問一個人仔已食咗1個巴芙做下午茶, 又點會咁快肚餓

我呢個朋友喺教仔女上仲有好多問題, 真係怪獸家長

rrr888 發表於 2011-7-14 17:55
如果話唔听, 鬧唔听, 體罰係應該架. 但係大前題係, 嗰啲成日冇家長喺身邊教, 只係得工人湊, 俾人縱壞, 又或 ...

動物都能知道教牠什麼能做，什麼不能做。孩子是自己生出來的，怎麼可能教唔到﹗可惜現在社會全部都轉型。真是講到牙出血都講不完。總之一句，有因就有果...............

金盞花 發表於 2011-7-15 12:53
有次朋友帶2個6-8歲仔女上另一朋友家食飯, 晚飯時有d餸菜已上枱, 仲有餸菜主人家仲喺廚房煮緊, 但客人朋友 ...

哩d家長我都見唔少呀,而家好多小朋友都唔識咩叫禮貌架,因為d大人都冇灌輸佢哋一d正確嘅觀念,剩係單單你話食飯唔等齊人哩樣野,我身邊大把朋友嘅仔女都係咁呀,我試過開口話過我朋友個仔,我話食飯要等齊人架,點可以自己食先架,個小朋友仲答我,平時佢哋都係咁架啦,你話聽到係唔係火都嚟埋呀,做錯野仲要駁咀,個大人仲覺得佢哋係小朋友啫,問題唔大,就係因為小朋友先要教,唔係等幾時教呀,等到佢哋大個仔大個女先教呀,到時彩你都傻啦

有個媽媽的言論," 我一日得幾個鐘見到啲仔女, 我唔想做魔鬼, 費事啲小朋友憎佢"
所以佢絶少打罵佢啲小朋友

andyman 發表於 2011-7-17 08:54
有個媽媽的言論," 我一日得幾個鐘見到啲仔女, 我唔想做魔鬼, 費事啲小朋友憎佢"
所以佢絶少打罵佢啲小朋 ...

Then her kids will be DEVIL in future.  

SSL200507 發表於 2011-7-17 18:05
Then her kids will be DEVIL in future.

Good luck for them.