E家D細路係咁樣

大埔超級城無禮小學雞當街鬧父母!!!!!!!!!!!!!!!!
http://www.youtube.com/watch?v=nURQCKqdXSE&feature=aso
大埔超級城無禮小學雞當街鬧父母!!!!!!!!!!!字幕版.m4v
http://www.youtube.com/watch?v=bzlyhOsF2Xc&feature=aso

上咗蘋果頭版, 咁細個人仔佢就威威啦

金盞花 發表於 2011-7-14 15:21
上咗蘋果頭版, 咁細個人仔佢就威威啦

D大人係米怕俾人告 所以對小朋友從小唔敢打唔敢鬧 (可憐香港父母心)
唔怪得E家D人養寵物好過養人仔

生小朋友唔單止要"錢"去栽培佢地
仲要識"教育"佢
唔係點解比人話"無家教"會係一個大侮辱呢又~

個細路可能有過度活躍症, 現在好多小朋友有呢個病, 係天生的, IQ正常但情緒好易失控. 父母都會好頭痛.
真係慘, 家事俾人放上頭條. 佢父母一定好大壓力. 希望佢地正面d 解釋呢件事.

宜家d細路唔驚大人架, 就連父母 外人都係咁話, 你話佢唔會怕你.

就最近搭地鐵見一印傭帶住個超齡幼稚園肥仔(有6-7歲高度, 似內地樣), 肥仔拎住把直傘動作大大又聲大大企近門口, 初時冇理佢.  當將要落車企近門口至知個肥仔蝦工人, 用把遮又用腳踩工人, 我哋睇唔過眼立即捉住佢隻好有力嘅肥手, 警告佢再係咁就報警拉佢.  佢唔驚仲不斷動手動腳想蝦工人, 仲話返去稟告俾媽咪知.  

佢咩人都唔驚, 企旁邊有個男人都合力捉住佢都仲係咁惡, 你話呢d死仔飽....真係想,,,,, "中"佢  可憐工人瘦奀奀....

補充:  個死仔飽喺人多多車廂內舞把遮. 你話死唔死.  都唔知個工人喺屋企點頂

管教嚴D可能變虐兒
親身經驗 教子女唔聽 打佢幾下 (佢話打電話俾警察告我虐待兒童)  好多年前的往事
果時岩岩開始有父母被告虐待兒童 (我答唔教好你我寧願去坐牢)

之後佢地冇我付

金盞花 發表於 2011-7-14 15:50
宜家d細路唔驚大人架, 就連父母 外人都係咁話, 你話佢唔會怕你.

就最近搭地鐵見一印傭帶住個超齡幼稚園肥 ...

做得好！

jellyfishy 發表於 2011-7-14 15:36
個細路可能有過度活躍症, 現在好多小朋友有呢個病, 係天生的, IQ正常但情緒好易失控. 父母都會好頭痛.
真 ...

如果有病係一回事, 但講粗口又點解釋?! 總之父母責任最大, 冇得抵賴

玉不琢，不成器。出爐鐵，唔打唔得靚。做父母的教出這樣的孩子不單自食其果。社會日後又多件垃圾。現在不時有因不讓玩game、不給錢而遭忤逆子打的消息。這總不能怪老師或政府吧？

養不教,父之過

現今家長個個都把小孩當作如珠如寶~
剛剛和朋友吃午餐都有講起~
朋友係教畫的~佢果到有位小朋友好曳
但事出必有因,,,因為果位小朋友的家長要佢學11樣野~~係11樣,,,
又大提琴,小提琴,鋼琴,英文,普通話,數學,畫畫,,,,,等等

我覺得太誇張啦現今的家長,,,,,,基本上我覺得最大責任一定是家長
雖然可能現今好多家長雙方都要出去返工
無時間陪小朋友~只能用物質滿足他們,,,,有心教也不用這樣吧,,,

香港哩個社會實在好有問題,,,,,

都唔知係佢地自己咁 定係學返黎
事因佢唔聽話我訓佢係露台思過 點知佢話唔放佢入廳就開窗跳落街 好彩當時窗上左鎖
第日同D C奶講我個女咁咁咁 佢地話得了概 下次再聽到D細路講跳樓 一於打到佢唔敢再講呢句說話
再黎米就打到佢唔講 之後佢話告我虐待兒童 我冇佢付同佢鬥惡 沖口而出講我寧願去坐牢

其實身教係好重要，個小朋友講粗口，好可能佢父母本身都有講。

有時啲父母真係好奇怪，有個朋友話比我聽，佢有個教幼稚園嘅朋友話，K1嘅男同學，十個有七八個係坐响到weewee，啲家長話，企响到weewee 應該由學校老師教。我聽完真係O咀，乜家吓啲父母真係...

我都有個仔，引以為鑑...

如果話唔听, 鬧唔听, 體罰係應該架. 但係大前題係, 嗰啲成日冇家長喺身邊教, 只係得工人湊, 俾人縱壞, 又或者學埋哂電視啲衰嘢, 好嘅又唔見佢學, 已經變咗「怪獸兒童」, 當佢哋發作嘅時候, 體罰係最適合架. 但係就唔好打頭打面呢啲咁侮辱嘅打法, 罰唔俾佢食飯, 罰佢企, 都算係體罰嚟.

好似我隻貓咁, 佢小時候, 我都用咗好時間去教佢. 唔准入廚房, 入房, 跳上梳化, 抓嘢, 佢一做就話佢, 甚至打佢, 教得幾次就听喇! 一個幾歲人仔, 其實咪又係好似一隻動物咁, 只不過係佢識听人話, 可以同佢講吓道理! 試問冇家長喺佢身邊循循善誘又點得呢? 其實而家啲父母要一齊出去搵錢先可以有保障嘅生活, 冇人可以在家教仔, 某程度上, 都係政府嘅錯.

rrr888 發表於 2011-7-14 17:55
如果話唔听, 鬧唔听, 體罰係應該架. 但係大前題係, 嗰啲成日冇家長喺身邊教, 只係得工人湊, 俾人縱壞, 又或 ...

其實可能果細路講出佢心聲 大人唔知佢需要咩 冇細心聽佢講野
比如在家時間少 人在家心不在兒心上 即就算在家都只係做自己野 冇同仔女玩D互動遊戲之類
有食有住有玩具有錢使 唔代表果仔開心
但如小孩有病例外啦 我果女就係天生反叛 好難教要用好多時間同耐性

KOOKOO 發表於 2011-7-14 17:48
都唔知係佢地自己咁 定係學返黎
事因佢唔聽話我訓佢係露台思過 點知佢話唔放佢入廳就開窗跳落街 好彩當時 ...

咁你個女現在幾歲?

rrr888 發表於 2011-7-14 17:55
如果話唔听, 鬧唔听, 體罰係應該架. 但係大前題係, 嗰啲成日冇家長喺身邊教, 只係得工人湊, 俾人縱壞, 又或 ...

根本係因果遁還

乜都貴生活難=啊爸啊媽都要出去搵野做=無時間陪仔女=請工人
一請工人就大獲~d小朋友就喝d工人,打d工人
搞到乜都老鳯要工人做哂咁,,咁自然對父母同所有人都係咁老鳯
d香港人又係驚死蝕底咁覺得比左錢請左個工人番黎就乜都要佢做咁

所以我表弟次次叫佢工人拎野無講唔該我都會叫佢講番
同埋有時d野應該自己做,,就好似揹書包,換校服哩d咁基本ge事

KOOKOO 發表於 2011-7-14 17:48
都唔知係佢地自己咁 定係學返黎
事因佢唔聽話我訓佢係露台思過 點知佢話唔放佢入廳就開窗跳落街 好彩當時 ...

乜當年d細路都講要死, 我以為近呢10年先有呢d事情發生

我朋友個女2年前(宜家約10歲)都有寫張字條俾佢媽咪話唔想做人,  只為一d小事, 一時情緒影響就想到去死.  好得人驚.  我朋友喊住講向我訴苦, 真係好慘.  宜家d細路個心思一d都唔細, 好難教.