四角豆有豆啦...

新年係清邁買既種子....(其他瓜豆都發晒芽...佢就乜鬼都無...田主仲以為種子失效添)
種左係田...一直都觀葉....好唔容易見佢出花(人地D豆角係咁收...佢先開始出花)....但一直只見花不見豆...

終於....哈..哈...見到豆喇....興奮到我丫....

因為農莊只有我種四角豆....種到出黎梗係開心.....

剛上資料話四角豆好多部份都食得....食嫰芽...嫰葉可以滾湯...食豆....塊根好似薯仔咁又食得...仲講到好有益添....聽日攞個袋罩住依枝第一水豆豆留種先....

我諗可能佢中意熱...我太早下種...氣溫唔識合...所以咁耐先發到芽...

同場加映其他植物


係...藤三七最好春天種....不過因為第一次種..唔識野..用左20CM盆...生得太樣衰...所以挖出黎換個大盆種....佢開始爬喇..


版聚分享既人參菜苗長左新葉囉...


紅鳳菜種得密但生得幾好


\
白鳳菜...人家比我既...兩棵苗種生左一棵...依家培繁殖緊...要夠數量先有得食


今個星期既收成...


個日兩個農友黎參觀...摘左藤三七都唔好意思攞晒走....怕乜呀...我屋企仲有嘛...睇下...又夠我食喇...

好有型呀佢,希望佢出多啲你食完話我地知咩味道啦!

你係咪講依棵呀?

依棵係珍珠菜呀....





我怕攪錯...係網上搵過圖片對過喎...
網上圖片既人參菜...枝莖係綠色架喎....
人參菜

cklife 發表於 2011-6-14 13:28
你係咪講依棵呀?

依棵係珍珠菜呀....

噢,原來我果棵係   花旗參菜