止咳有良方 (前名: 中藥)

pkq 發表於 2011-4-20 15:59
你小心變咗氣管敏感, 到時手尾長.

都有機會變慢性支氣管炎....

大家有無試下咸柑桔呀........

pkq 發表於 2011-4-20 16:30
瞓得小, 身體仲差d. 如果一瞓響樹就咳, 醫學角度應該係鼻水倒流. 爬響樹/整高個pillow睇瞓得好唔好d.  ...

我鼻水倒流都係咁....家下個中醫一聽我話喉痛...咳...就先幫我收左鼻水先....

prodorothyhkg 發表於 2011-4-20 16:34
講咳..............................................我一咳要3個月到100日先好到

百日咳?

咸柑桔醫百日咳喎...

我都有氣管敏感,天氣一轉就咳,早幾年咳,睇極醫生(西醫)食氣管敏感藥都冇用,食藥食到人都呆晒,都係要咳返個幾月,介晒口等自己好,勁慘!
每個人體質都唔同,要搵到一個同自己夾得來的醫生真唔容易,但近來我轉咗醫生,一咳就去睇,touch wood食藥就好快止到咳,但副作用就係個人勁呆,一定要休息.

西醫無分寒定熱,咳水作用係麻醉條氣管而令到你無咁敏感=止咳
如果大至上黎睇:乾咳,痰少,無乜脷胎,應屬燥/熱咳
有白痰,喉嚨痕屬寒咳
首領你睇中醫時問下個中醫你係寒定熱,唔好估估下

比得大帝 發表於 2011-4-20 16:10
依家最慘係唔敢瞓覺
我係寒底, 一瞓就咳到死, 唯有沖定杯彊茶, 飲咗好似好少少, 估計哩兩個禮拜每日都係瞓 ...

可以试试浸会大学中医, 有分科, 都几专业及有效, 当然是以家人试过的来说.
最重要是可以代你煎药, 几剂煎好真空包装, 回来要喝时加热就是
http://scm.hkbu.edu.hk/filemanag ... logo_chinesemed.gif

cklife 發表於 2011-4-20 16:43
都有機會變慢性支氣管炎....

大家有無試下咸柑桔呀........

果時海馬, 冬蟲草, 川貝........好多都試過, 睇中/西醫10幾次, 都唔得, 最後先知攪到係氣管敏感. 果時好唔開心, 唔係我唔去睇醫生, 係d醫生唔店. 發現時已經太遲.   

後生果陣平均一年咳一至2次,而家約1.5年至兩年會咳一次
以前咳只係食西藥,止d唔止d咁,藥力過左咳餐死,真係辛苦足3個月
我而家咳就中西藥一齊,食左西藥2個鐘可飲中藥
因為中藥一日一劑,所以通常上午11點飲中藥,下午2點零鍾飲咳水(藥丸),之後每4-6個鐘都係食西藥,咁就有效止咳,唔使成日咳到肺都甩埋
不過咁樣輕輕鬆鬆咳都係3個月先好~

cklife 發表於 2011-4-20 16:46
百日咳?

咸柑桔醫百日咳喎...

我脾虛,食咸桔(皮)會肚痾

回復 prodorothyhkg 的帖子

唔駛佢話我寒, 我都知自已寒啦
講個笑話你知啦, 我十幾歲開始胃痛, 成日頂住, 痛到典床典席, 睇咗十幾年醫生都醫唔好, 我果時又唔信中醫, 成日認為打吓脈知乜病係呃人嘅, 但胃痛咗十幾年, 即本去試一下中醫, 個醫生一打就話[細路, 你胃寒], 執咗劑藥, 真係一劑就掂, 好嘢, 我睇吓張藥方, 其中一味係胡椒根, 我明嘞, 因為我完來食辣嘢就掂, 於是由一點辣嘢都唔食, 食到依家可以飲辣椒油.  由唔食榴槤變到好鐘食.   真的, 幾十年未胃痛過.

講起, 今晚買個榴槤食睇吓會唔會好D

比得大帝 發表於 2011-4-20 16:59
回復 prodorothyhkg 的帖子

唔駛佢話我寒, 我都知自已寒啦

寒同燥會隨時間及體質而變架
我以前都係寒底,但呢10年已經轉左燥底啦

回復 prodorothyhkg 的帖子

你食得補品多啫

就係我成日咳,睇左咁多中醫,自己又買左中醫藥圖譜,草藥xxx ?策,連本草網目都有呀,大陸同香港出版既都有,咪左一大輪,所以人地講中藥都可以答得一兩咀

比得大帝 發表於 2011-4-20 17:07
回復 prodorothyhkg 的帖子

你食得補品多啫

我除左花旗参,燕窩同虫草之外,其他唔食不滯~全部都係和氣清熱潤肺~
而家d虫草咁貴,都冇得食添,燕窩又話有激素,都少食左
其實你可以花旗参燉燕窩,應該有效,我食佢條氣管會順好多

比得大帝 發表於 2011-4-20 16:59
回復 prodorothyhkg 的帖子

唔駛佢話我寒, 我都知自已寒啦

食榴槤.... 你個中醫冇叫你介口... 你千其唔好吃... 吃咗你知錯..

如你今次最初係睇西醫.. 你的脈象會被西藥攪到亂哂 "龍".... 要找個有經驗的中醫 & 夾你先得.. 所以睇 1, 2 次未必得

同埋家下d 菌已變種 & 天氣反常.. 之前吃中藥 1, 2 次便冇事.. 但家下要吃足成個星期...

家下嘅感冒即古時的春瘟...

prodorothyhkg 發表於 2011-4-20 17:10
我除左花旗参,燕窩同虫草之外,其他唔食不滯~全部都係和氣清熱潤肺~
而家d虫草咁貴,都冇得食添,燕窩又話有 ...

花旗参燉燕窩... 有感冒不能吃.... 有機會傳裡.. 手尾長...

小白講得o岩呀,榴槤糖份高,"野"痰呀,平時都唔好食咁多添

小白 發表於 2011-4-20 17:20
花旗参燉燕窩... 有感冒不能吃.... 有機會傳裡.. 手尾長...

呢個可以呀,花旗参係可治感冒,它是清熱,但不寒涼
呢個係長久咳出黎既經驗+咪書+問過中醫 先咁肯定

pkq 發表於 2011-4-20 16:25
如果咳咗一個月都唔好, 快d轉睇專料, 唔好拖, 手尾長, 好咗先去睇中醫慢慢調理.   ...

咳睇咩專科?睇政府果度佢淨係開藥俾我食,又冇話照肺,可能我冇氣喘,有個醫生聽左,可能冇雜聲又冇喘.個肺冇事掛,但臨天光又咳,日頭間中又咳,煩到死,工都返唔到

prodorothyhkg 發表於 2011-4-20 17:23
呢個可以呀,花旗参係可治感冒,它是清熱,但不寒涼
呢個係長久咳出黎既經驗+咪書+問過中醫 先咁肯定  ...

咁都要睇寒咳定熱咳..