水母diy - 橄欖角鯊烯保濕面霜 (乾性皮膚)

～橄欖角鯊烯保濕面霜 (乾性皮膚)～
繼左旋C 推介後又一分享：

試了幾個星期, 配方調整了幾次, 滿意了才公報給大家分享和討論~
diy 自己的護膚品，很易作，既good fit 自己的膚質，又低成本高效益!! 哈哈哈~~~　

這個配方攺良自台灣人氣diy 護膚作家牛爾先生．
適合乾性皮膚，易出乾紋，面缺水缺油，但又很易起油脂粒的花友．

用具：
量匙（有cc 個種，分 5cc tsp, 2.5 tsp, 1 tsp, 1/2 tsp, 和 1/4 tsp）或咖啡小茶匙
潤膚樽仔
木籤／玻璃棒

配方：
金盞花浸泡橄欖油　5cc / 1 tsp / 2 unit 咖啡小茶匙（我用organic Extra virgin cold pressed olive oil ）
簡易乳化劑（冷製法） 3-4 drops 　（我用乳木果天然乳化劑，品質好會貴ｄ．）
甘油　2.5cc / 1/2 tsp / 1 unit 咖啡小茶匙　（葯房有售，細支裝$10左右）
純水或純露　20cc / 4 匙 5cc tsp / 10 unit  咖啡小茶匙 (我下了 22.5cc 玫瑰純露，質地清爽又補濕)
西柚籽粹液　2 - 3 drops
Vit. E 油 　　 2 drops
羅馬洋甘菊 essential oil (3% in jojoba oil)   1/4 tsp / 1  unit 咖啡小茶匙
橄欖提取植物角鯊烯 / Squalene   2.5cc  / 1/2 tsp / 1 unit 咖啡小茶匙
（我在批發買美國出的角鯊烯，平過某女星牌子很多很多，但呢樣唔好貪平，質地效果可以差好多）

程序：
１．把所有油和角鯊烯倒入潤膚樽仔，攪混．
２．加純水，最後加乳化劑，由於不同出廠的乳化劑遇上不同油的用量不同，建議乳化劑續滴加入，每加一滴，攪數十下，直至油水乳化成膏狀．緊記乳化劑下得多不一定是好事．
３．最後加西柚籽粹液，再不停攪多幾百下，直至完全勻衡．完成．

note:
１．植物角鯊烯可以不加，加左會令皮膚很滑，有助減淡細紋．相關資料可看以下的link:
http://www.botani.com.hk/cn/olive_squalene.php
http://hk.myblog.yahoo.com/jw!ld ... g--/article?mid=324

２．用這乳霜前，我會先用左旋C精華，再拍上透明質酸花水．（不能再懶了，否則老得很快～）

３．essential oil 可以因應個人喜好攺動，但要留意用量和效用．

４．手頭上有紫草當歸浸泡麻油，水母貪過癮加了２滴入潤膚霜，攪幾下，顏色變了粉紅，很美啊～


看看相片，下多一兩滴紫草油，膏就越紅，效用方面，點都有些消炎防敏成份，不過我較留意那令人喜悅的顏色～



水母是新仔第一次發表面霜diy，講下少少個人經歷引起今時今日diy 的念頭，希望幫助大家日後打理自己．
水母皮膚是乾性，滿臉雀斑，暗瘡不常出，很懶護膚．貪方便，body lotion 搽面，眼... 最多都係用幾十元的eye gel.

早兩年媽媽過身後，皮膚狀況直線下滑，２年前試過嚴重濕疹，開始留意自己健康和皮膚問題．

上年（２０１０）年初還是用body lotion或朋友送的試用裝面霜搽面（因為我孤寒），反而好勤力幾乎日日body lotion搽身（因為怕濕疹番發～ )．

年中，面上乾紋越來嚴重，特別是眼邊的乾紋，七月遠行表演，和隊友影了很多相，雖說大家都周居勞頓，但相比自己個樣好殘，好多乾紋，其他隊友也沒有那麼殘！　個下真係好驚．

回港後，落本買口碑好的護膚品，eye gel + serum + moisturiser，乖乖的早晚搽面，勤力地每個月做facial．
錢是付了，可惜情況不見有大攺善，難道我真的老了??   
以前一支body lotion 用２年都用唔晒，現在一樽潤面霜三四個月就用完，原來我皮膚那麼乾．
個多月前買了樽潤面霜，七百多元（專櫃姐姐說已經打了七折！！），很肉痛，用了半個月，乾紋情況好了點，但真係好肉痛，要我三幾個月大出血買護膚品，還要不時去做facial，但效果一般，全部都是錢！錢！　我捐左去可能無咁肉痛！

講多次，水母只是護膚品diy 新仔，有乜唔啱，各大高手請教教我，多謝收看～～～

candy 真好～～～　錫錫～～～　

多謝分享...............其實你有冇搽toner的習慣呢?我d皮膚以前好油,而家好少油,加上好易敏感........有一排要用某organic牌子的treatment oil才會紅............但前陣子試用了的温泉水,好有效啊,我自己都知道皮膚多水了,連做facial姐姐也這樣說

加上枝温泉水好平,係枝treatment oil 1/16價錢,所以我現在日日用.............

candyafr 發表於 2011-1-14 22:04
多謝分享...............其實你有冇搽toner的習慣呢?我d皮膚以前好油,而家好少油,加上好易敏感........有一 ...

曾經有醫生朋友告訴我，他們這一行，接觸很多化學物質，即埋即埋，皮膚去到一定程度就會爆，開始對甚麼都敏感，所以有些皮膚科醫生會叫病人不要搽東西洗澡，不要用皂液... 不要搽咁多野在身上...

我估你個情況係咪類似呢？

我用的材料都是防敏感的，金盞花, 紫草, 洋甘菊都是消炎抗敏東西．
你可以用德國洋甘菊essential oil, 據說抗敏效果更好，我未用過，但都好想試．

多得八王爺推介，用了ND 出的organic essential oil，心理上總覺得organic 較安全．

這個diy 東西，材料幾貴都好，但可以造很多很多護膚品，搽埋頸都得．

candyafr 發表於 2011-1-14 22:09
加上枝温泉水好平,係枝treatment oil 1/16價錢,所以我現在日日用.............

咁就好喇～　溫泉水，係咪萬０有售個ｄ呀？　我都好似有喎～　好平，通常我懶唔洗面時，用來抹面～

呀～　這潤面霜，我搽到好近眼（離眼 1cm 左右啦），都無起油脂粒．

jellyfishy 發表於 2011-1-14 22:11
曾經有醫生朋友告訴我，他們這一行，接觸很多化學物質，即埋即埋，皮膚去到一定程度就會爆，開始對甚麼都 ...

化學物質,避到就避啦.............我估可能係作息唔定時,加上年紀老咗...............cream同eye cream最麻煩,宜家我對眼要塗eye jel, 再塗eye cream.........否則唔得了

jellyfishy 發表於 2011-1-14 22:13
咁就好喇～　溫泉水，係咪萬０有售個ｄ呀？　我都好似有喎～　好平，通常我懶唔洗面時，用來抹面～   ...

係啊,但有次序,要先塗toner,再噴v水,再塗eye product, serum, cream..........我呢排都懶左有家中做mask

jellyfishy 發表於 2011-1-14 22:11
曾經有醫生朋友告訴我，他們這一行，接觸很多化學物質，即埋即埋，皮膚去到一定程度就會爆，開始對甚麼都 ...

我都有興趣整diy產品,下次訂叫埋我

candyafr 發表於 2011-1-14 22:20
我都有興趣整diy產品,下次訂叫埋我

我又要

candyafr 發表於 2011-1-14 22:19
係啊,但有次序,要先塗toner,再噴v水,再塗eye product, serum, cream..........我呢排都懶左有家中做mask: ...

年紀大，無計～～ 2年前我唔洗搽眼護膚品, 前年淨係用eye gel, 上年年中開始要加serum, 現在搽透明質酸加eye cream.
做女人真係煩~~

貓后 發表於 2011-1-14 22:23
我又要

啱啱才訂完，佢地ｄ服務好好架，你訂少少野，e.g. 500ml organic 花水 + 1樽 essential oil, 佢地會送好多sample 俾你～

candyafr 發表於 2011-1-14 22:20
我都有興趣整diy產品,下次訂叫埋我

你皮膚比我油性一點，如果自己diy，可能要落少ｄ油或轉用jojoba oil ，清爽ｄ．
我都係睇書睇番來，睇下有無高手指導下～～

貓后血氣唔好，可以用一些幫助血氣的東西．

jellyfishy 發表於 2011-1-14 22:31
啱啱才訂完，佢地ｄ服務好好架，你訂少少野，e.g. 500ml organic 花水 + 1樽 essential oil, 佢地會送好 ...

最少訂幾$$?

jellyfishy 發表於 2011-1-14 22:33
你皮膚比我油性一點，如果自己diy，可能要落少ｄ油或轉用jojoba oil ，清爽ｄ．
我都係睇書睇番來，睇下 ...

我得t位油..............面頰超薄+乾,我3月可能去台灣

candyafr 發表於 2011-1-14 22:36
最少訂幾$$?

最貴係運費，有minmum charge，你訂一樽17ml essential oil 都得架，但加多500ml 貨，運費一樣．

candyafr 發表於 2011-1-14 22:37
我得t位油..............面頰超薄+乾,我3月可能去台灣

我連T位都無油～　

咁你可以試下diy 清爽一點的潤面霜，T位搽少ｄ，其他位搽多ｄ，會唔會好ｄ？

jellyfishy 發表於 2011-1-14 22:31
啱啱才訂完，佢地ｄ服務好好架，你訂少少野，e.g. 500ml organic 花水 + 1樽 essential oil, 佢地會送好 ...

咁我等下次丫,我唔急架