菲團事件 - 有乜睇法？

回復 200# tsoiyiu1009


   針唔吉到肉唔知痛, 呢家你可以好理智去講, 切身處地咁你想清楚, 死概係你至親概親人你會點做, 全世界睇住佢地(菲警)都可以咁做, 呢D就係因為發生係佢地方, 佢點做你無計, 就好似你隔離屋打仔教仔你理唔到, 個兇手點解要攪大件事, 就係因為佢想全世界知道個國家有幾黑暗.
   請問教材係教咩呢, 事實真相死傷者係無辜概遊客, 用佢地D血同生命換返黎概又係咩呢??
   要死傷者有大無謂精神去做教材, 生還者會否問點解要係 (我地)....   
   你睇慰安婦單野, 過左幾十年拿返出黎講, 仲在生概老婆婆好慘, 又一次面對過去左概事!!
   (( 教材係教到D菲律賓人獨財者權力之大, 安份守己才可生活落去. ))   
   領隊咁做我覺得係本能反應, 不過佢都冒生命危險架, 佢將全團人的安危放首位, 通知公司希望有人黎救佢地, 我好敬佩佢.
   
   總之我都係覺得唔應該拍成電影或教材,

回復 201# KOOKOO


     總之我都係覺得唔應該拍成電影或教材,

贊同~提起已令人勾起不快記憶, 如果製作成影像....後果真難受

再講, 用電影做教材係咪一d渾水摸魚嚟同自己開脫講法. 拍部戲出街招來觀眾已經係商業成份, 佢係咪義拍一分錢都冇袋落袋? 如果將來真係有人要開拍, 真係唔該佢講話題材吸引好過, 咪喺到假惺惺當人白痴.

冇得攪, 最高統治者唔想個國家強大, 你地班蟻民只要冇錢冇知識, 佢就容易管治, 今次死傷者好無辜, 個兇手想 ...
KOOKOO 發表於 2010-8-29 23:55

係佢地政府無能,作為子民,為左自己國家好,就要起來反抗,當年孫中山先生推翻滿清,六四天安門事件,我地中華兒女都流左唔少血,d菲律賓人點解唔自己反抗,咁無恥要利用的我地中國人做大龍鳯.佢地自己d大學生,良心政客去左邊?

菲傭賺的錢,匯返去俾政府過河濕腳唔曉出聲,但又識得係香港遊行,抗議香港政府加稅,爭取最低工資.話佢地知識水平低咩?又唔覺喎!

與其淨識得鬧自己政府腐敗,叫人唔好仇視佢地,叫人唔好炒佢地,點解唔起來反抗?為自己,為家人,為國家!

咁都得

短訊謠傳港人襲擊菲人報復
(明報)2010年8月30日 星期一 14:15
菲律賓    駐港總領事表示，近日有手機短訊散播謠言，指有菲律賓人在港被襲擊，報復上周的人質事件。

菲律賓駐港總領事Cristobal今日接受菲律賓dzBB電台訪問時說，這些謠言都是不真實的。有關的短訊指菲人被槍擊，又或被人以刀襲擊。

他又在電台上指，周日的港人遊行相對成熟，港人只是想得到公正的調查。

他承認，駐港總領事館至今仍收到「仇恨」電郵、短訊和電話，但通常都是在加劇港人情緒的時候，例如在出現槍手棺木蓋國旗的報道時。

（菲律賓GMA電視台）
.

回復 204# 小白


    呢D叫惡人先告狀

真係唔好意思，我認識嘅菲人真係唔好嘅多過好咯！
咪話我火上加油。

回復  mono
人命黎架冇得陪, 要概係真相, 公義,
KOOKOO 發表於 2010-8-30 00:42

真相, 公義。警方去到菲律賓。都唔知仲留底啲乜比香港警員查。

真相, 公義。警方去到菲律賓。都唔知仲留底啲乜比香港警員查。
mono 發表於 2010-8-30 17:06

咪係!睇班特蠢咁努力用鎚破壞証據就知,有時都覺得我地幾一廂情願.不過點都應嘗試盡最大努力去搵出真相.

回復 207# mono


    唔可以逆來順受, 做到幾多都要做, 要盡力而為.

回復  KOOKOO
總之我都係覺得唔應該拍成電影或教材,
贊同~提起已令人勾起不快記憶, 如果製作成影像....後果真難受
再講, 用電影做教材係咪一d渾水摸魚嚟同自己開脫講法. 拍部戲出街招來觀眾已經係商業成份,
佢係咪義拍一分錢都冇袋落袋? 如果將來真係有人要開拍, 真係唔該佢講話題材吸引好過, 咪喺到假惺惺當人白痴.
金盞花 發表於 2010-8-30 14:46

雖然以下內容會離題，但我都要講~
實在太過份~
我一直以黎都好感激我中學老師教識我點樣用心睇一部電影~用電影做教材我真係學左好多堂上學不到既知識~
而家被你一句"用電影做教材係咪一d渾水摸魚嚟同自己開脫講法"，我覺得你狠狠踐踏我老師對同學一番苦心......
仲有對上一次我係以"Titanic"為題材做電影感後分享交功課，評分係B+，唔係我老作"電影做教材"哩個concept~
導演拍電影賺錢，係佢有才，難道一部電影不花錢就會拍得成嗎? (不一定係以今次不幸事件為題論~)
你喜歡視為商業電影觀看，睇完就算係你既事，甚至你大可唔去睇，因為無人迫你一定要睇，
但絕對唔可以否定睇完會思考箇中玄機/社會問題等等問題既觀眾存在~
話我過份理性，我都要講: 今次受害人/家屬一定會有心理輔導跟進，難道心理醫生唔提就可以結開佢地失去親友既心結嗎?
唔提佢地唔會去回想嗎?唔提，難保某一天無意中見到今次慘劇既照片/文章，會立即崩潰...
唔提根本幫唔到佢地...走出傷痛...咁當然要有技巧同專業資格，一步一步黎~幫佢地堅強再次站起來~
堅強既意思係即使日後無意中見到今次慘劇既照片/文章，唔會過份哀傷消沉，唔俾自己負面情緒太過波動佔據自己~
(以上見解純粹個人性質，看者不認同，純粹係個人觀點與角度不同既問題 請見諒!)

回復 201# KOOKOO

咁我問翻你喇: 點解中學生中國歷史教科書會有南京大屠殺既教題?
所有受害人如你所講係無辜既人民， 用佢地d血同生命，甚至忍辱換返黎既又係咩呢??
只有永不磨滅既傷痕嗎? 如果係點解仲要放入教科書呢!?
其實大膽d講句，所有未亡人都終究有一天仙逝~咁我地下一代有無權知道事件真相?
一百年後二百年後，我地都唔係度，無人口述真相，靠的正正就是書上/網路上的記錄，亦即係教材。
歷史往往記錄住世界一些重大事件，希望後代能錯誤中學習變得更好~
部份有心改革國家既領袖就係從歷史中借鏡，令自己國家變得更好~是歷史存在既意義!
你話:"(( 教材係教到D菲律賓人獨財者權力之大, 安份守己才可生活落去. )) "
今次事件你估佢地日後會唔會受影響負上後果，尤其係旅遊業? 只不過佢地暫時仍未感受到~
相信大部份香港人如非必要都唔會去哩個"國家"，外國人都有眼睇，想去旅行隨時枉死咪去囉~
我問你會唔會想去好似伊拉克一些有內亂國家渡假旅行?
到時佢地國家每下愈況，人民還會一直永遠安份守己生活落去嗎?
清朝中國都係咁樣先會改革成今日既中國~不過仍然有不足之處!
你話:"領隊咁做我覺得係本能反應"
如果世界上所有領隊都這種本能反應應該開香檳慶祝，
其實只有有良心良知既領隊先有這種本能反應~
無良既你可以保證一個都無嗎?如果今次領隊係菲律賓人，你仍相信佢有這種本能嗎?
這位兼職領隊今次薪水只有$1800多元，佢冒住被槍手發現既危險打翻黎~
為既唔止希望有人黎救佢地，仲俾香港人第一時間知道大概發生咩事?
如果無打哩個電話，仲會唔會有咁多外國傳媒可以及時到現塲?
果班咁既"人"會唔會第一時間通知你?
(以上見解純粹個人性質，看者不認同，純粹係個人觀點與角度不同既問題  請見諒!)

回復 211# tsoiyiu1009


    道不同不商為謀, (歷史) 要過左幾多年先算, (近代史)又點睇, 亞視日日播概(當年今日), 算係歷史嗎?
    呢件事相信亞視每年都會提一次, 約干年後如果有人用黎作為題材, 我同意呢個人係想搵真相或想講佢對呢件事的睇法, 又或山窮水盡冇野好拍, 但如果趁熱打鐡我絕對認為係發死人財, 再講呢件事可以算歷史嗎?
    至於領隊你同我都唔知佢當時的想法, 我當然知道如果俾鎗手發現佢會有危險, 所以我對佢好敬佩.

回復 212# KOOKOO

道不同不商為謀!
所以我咪話"以上見解純粹個人性質，看者不認同，純粹係個人觀點與角度不同既問題"
我會覺得咁快認定係"山窮水盡冇野好拍, 但如果趁熱打鐡我絕對認為係發死人財"，
有點兒武斷，無野話係一定...咁部戲唔收得，蝕錢又點計?
果部南京!南京!同唐山大地震，你咁講法都同屬係發死人財，
你有權唔去睇作為抗議!反正無人迫你~
哩件事當然屬於歷史一部份，世界上每一件過去左既事情都屬於歷史~
911事件不就是歷史一部份嗎?
大家都唔知領隊當時既想法，但我可以肯定佢既決定係相當正確!
你睇翻當時一有機會唔理三七廿一就逃走既菲律賓司機，
佢有良心良知嗎?佢都可以選擇留係車協助制服槍手咖~
但選擇逃跑既佢果d都可稱之為"本能反應"!
所以我想澄清領隊既"本能反應"真係唔係個個都會有囉~

其實我覺得最可笑既係事件過後，
菲律賓政府被自己人踢爆棄一隊設備齊全，有經驗既精英一旁不起用，
反而起用一班得螢光棒同M16手槍既"超級豬油特警"，目的何在?
更加可笑係總統將責任推翻俾前政府，講到唔關自己事咁~
個ORDER邊個落大家都心中有數囉~

回復 213# tsoiyiu1009


    請你睇清楚D, 說話唔好斷章取意,

回復 215# KOOKOO

算罷~我只知道電影都屬人類文化知識遺產的一種~
世上係存在有意思既電影，你能否認嗎?
你想到大家都只為錢，實在太可悲~
如你所說，彼此都"斷章取義"

我說  菲事件  +  電影   =  勾起當事人不快記憶

你說  菲事件  +  電影   =  很好教材

你更指責我~~~你狠狠踐踏我老師對同學一番苦心~~~


我想你清楚明白, 一路以來我唔贊同以呢件事去製作電影, 而並沒有去踐踏你老師對教育既一番苦心.  
唔明白點解你會將兩件事混為一談.  咁樣嘅邏輯推論好難溝通落去.  加上呢d只係你個人想法,  你不妨親自請教你老師, 俾佢讀晒本人同 KOOKOO觀點, 等佢以第1身老師身份, 睇吓我有冇踐踏佢嘅教學苦心, 我想咁樣較客觀d.

回復 217# 金盞花

我只係最不滿哩一句
"用電影做教材係咪一d渾水摸魚嚟同自己開脫講法"
我一睇只意會到: 你話我老作"用電影做教材"哩個概念...完全feel唔到哩句說話係扯上菲事件~
我先會咁嬲.......指責你~~~你狠狠踐踏我老師對同學一番苦心~~~
亦有諗過要求你道歉...不過都係算罷...罪魁禍首都係貪污同腐敗!
如果你話"用菲事件拍電影作為教材係咪一d渾水摸魚嚟同自己開脫講法"說明~
咁會清楚明白晒，哩個真係一個溝通上天大既誤會!add11icon
有時說話唔清唔楚，好容易會惹人誤會...看者未必get到你意思...
咁菲事件電影既討論話題，後果當然有好有唔好~唔係只有壞既影響~
我明白你同KOOKOO既觀點只不過停留係現在/短期既未來，
我觀點只不過係放長些少而已~
攞黎討論，其實我係想話"凡事有兩面看"，唔係得一面!
大家睇完覺得好定唔好都心中有數，我只不過提供多一個觀點~
其實只有"菲事件  +  電影   =  勾起當事人不快記憶"嗎?
咁"菲事件  +  照片/ 電視新聞片段/ 傳媒既報導"不會嗎?
你認為有可能完全斷絕受害人/家屬對此事既相關接觸嗎?
況且我只說"電影拍得好會係好教材"，拍得唔好我都認為佢係發死財!
我認為好既意思係將團友受難果一刻輕輕帶過交代一下就算，
唔洗放到大一大~電影全長60分鐘，5分鐘交代就可以。
主要針對事件起因"黑幕"，菲政府試圖愚笨掩蓋真相，
草菅人命既態度
(你有沒有看到菲總統怎樣推卻我們賠償正式道歉的要求? 說我們只死了8個人而已...嫌太少)，
之後對種種推卸責任不恥既做法~
你希望我地下一代學會這種處事方法嗎? 這是一個反面教材~
我覺得係一個好既思考觀點~
而哩個觀點係我睇完生還者係明報上post出既事件敍述同tvb對事件討論諗到既~
你認為我無易地而處想過嗎?直播當天我的確有這樣想過，我/親人在車上會怎樣反應。結果我當晚都睡不好...
之後難過，心痛...翌日自覺唔可以一直難過落去...你難過當時人仲難過!所以一切都向好既方面去想正面一d~
我認同暫時唔提都有幫助，可等心情calm down先，但以後都唔提係逃避既做法!
希望各位明白~仲有兩位魔術師一部好電影唔係"咋"一聲就可以變出黎...
拍得成都幾年後，甚至10年後，到時你想大家如你地所願繼續難過落去，定係真正的堅強活著不受此事嚴重影響?

首播死亡實錄 港警落淚

(星島)2010年9月8日 星期三 05:30
(綜合報道)

(星島日報    報道)菲律賓    警魔門多薩屠殺香港人質的半小時死亡實錄，在八．二三慘案第四天聽證會上公開。門多薩因胞弟被捕而陷瘋狂，一邊以手機接受電視台主持訪問，一邊走向人質以六吋的極近距離，連環開槍殺人。死難者之一楊綺華的最後遺言，及其他受害人中槍的哀嚎慘叫聲均被錄下，昨在會上首播帶來震撼，部分港方代表更不禁傷心落淚。

　　本報記者

　　菲律賓調查八．二三慘案委員會昨傳召電視台主持，案發時他六度與警魔通話，更錄下警魔屠殺港人質的半小時過程。死者之一的楊綺華曾接受電視台訪問，表示當時很驚慌，十二歲兒子汪政逸已下車，但十五歲女兒汪綽瑤仍留在旅巴上，可是這段對話已是她最後遺言。

　　警魔邊開槍邊接受訪問

　　一名電視台主持Rogas與一名記者Tulfo，因在案發時以電話訪問門多薩，昨分別出席聽證會作供，並將長達兩小時的訪問錄音，節錄三段呈堂，詳細記錄警魔門多薩由平靜變為瘋狂的經過，最後一段半小時更是警魔邊接受訪問邊殺人質的死亡實錄。

　　該段錄音顯示，傍晚七時十二分，門多薩接受電台記者Tulfo訪問時，突然將手機塞給女人質楊綺華，改由她接受訪問：

　　Tulfo：你好，你是否中國人?會說英語嗎？

　　楊：少少，可以的，但我們……

　　Rogas（另一主持人）：你叫甚麼名字?

　　楊：楊綺華，我們無事

　　Tulfo：你害怕嗎？

　　楊：Yeah,Yeah……我有兩名孩子

　　Tulfo：他們現在於巴士上嗎?

　　楊：一名（即汪綽瑤）

　　Tulfo：她多少歲?

　　楊：十五歲

　　Tulfo問楊綺華一些問題，但楊稱聽不懂；Tulfo著她小心，這時門多薩搶回手機，改與Rogas對話咆哮說：我看到他們像捕豬一樣捉著他（其弟）！他沒有做錯事！如果不停手，我會殺死所有人。

　　Rogas連忙叫停：等一下！冷靜！冷靜！我們會致電國家警察部。

　　門多薩：你告訴他們，讓我的弟弟走過來我這兒，否則每個人都要死！

　　Rogas：長官放鬆點！請冷靜！（電話突然斷線，後再接通）

　　門多薩：告訴他們，五分鐘，如再不釋放我弟弟便會聽到槍聲！

　　「不放弟弟，所有人都要死」

　　Rogas叫Tulfo說：快快跑往告訴警察！（門多薩不停大叫釋放他的弟弟，Rogas亦不斷高呼阻止，雙方爭持五分鐘。）

　　門多薩：time's up！如果不釋放他，我現在就射死這個人（被鎖在車門的謝廷駿）

　　門言畢就開槍殺死謝廷駿，繼而聲筒傳出連串槍聲，由晚上七時二十三起至二十八分才停下。門多薩在七時五十二分掛線，沒有再接聽電話。

　　港人質以廣東話呼號慘叫，傳出死前呼聲，非常恐怖，震驚整個聽證會，諳廣東話的本港律政和警方人員，聽到同胞的淒厲聲，紛紛低頭飲泣落淚。相關新聞刊A7版

黑色旅遊警示, 唔使政府講, 係我心中永遠都係黑色旅遊警示, 呢個國家尋日到個笑面虎上去被問話,
佢好大聲講唔關佢事, 不過會教訓班細概辦事不力, 睇到個阿頭咁做野, 就算保險公司受都唔會去送死.