古法柚子皮

見到農友個沙田柚種到大大個，比虫蛀左真係激心呀，有益又好食既生果黎架嘛.....佢仲話塊柚皮都掉埋囉...柚皮好好食架...
依家一般外邊食店做既柚皮，都係用刀切走晒青色既外皮，淨番裡面白色海棉狀既野，就食白色果層。其實柚皮既食療功效就係青皮度，切走晒，就只係口感好食，但就失去左柚皮既食療功效，青皮裡面有芳香物質，有寛中化氣效果，對於胃氣脹，消化不良有幫助。

咁大家跟我一齊黎燒柚子皮啦...哈...哈...一邊燒一邊聞到柚子香喔...
(我失敗左三次先搵度適合既方法架，仲要周圍問人點做，識做既都係老人家，要好有耐性[乙水]佢先肯講呀)


古法柚子皮

發柚皮︰

• 把柚皮與果肉分離，大約一個柚皮分成四份，不能分太細小，不然汞水時容易碎掉。
• 把青皮部份放在火上燒，關始變黑時會聽到卜卜的聲音，繼而會聞到柚子皮香味。把青皮部份全燒成黑色，像炭的樣子。(要不時轉一下位置，讓它燒得均勻)
• 燒成炭色的柚皮放到冷水中浸泡一下，讓黑色部份吸收水份。
• 用小匙把黑色部份輕輕刮去，會發現黑色部份成了粉末，被水浸了很容易刮除。
• 刮完後柚皮是啡色的，因為被火燒過咩!
• 接著汞水數次，拿起柚皮把它當作洗澡用的海棉，吸滿水又搾乾水，換水再吸再搾，直至水清澈，柚皮沒有火燒味道。
• 柚皮淨發完成，加些上湯稍煮一下，放涼存在保鮮盒中備用。

發好的柚皮可以在炆肉時，待肉炆好再加入肉裡面稍煮一下，等佢吸左肉汁就好好食架喇。仲可以放入咖哩菜色度食，另外加少少蠔油煮一個獻，放柚皮入去梢煮，上碟灑上蝦子，就成蝦子柚皮。我朋友就中意用黎放入公仔麵度一齊食。因為己經加入上湯煮過，其實係可以即食架喇...中意點食可以自己發揮囉。



我是直接放石油氣爐上燒的，邊沿部份可能會著火，不用理會，浸水後刮掉就可以。

它真的像炭，要把它燒得均勻，需要一些耐性。

圖中可以看到刮去黑炭的部份，有點像蜂巢狀，芳香植物油脂就蔵在裡面。把青皮切掉，就直接把它切走了。

初步處理後，它己經十分柔軟，像海棉一樣很會吸水，但顏色不好看，而且聞起來有很大的燒焦味道。

嘩.... 好特別的做法。

我外婆都浸柚皮，不过，不用火燒，只係用 匙刮，主要除去果蜡。
泡水時間真的很長，要常換水。換到都無晒 精油喇！

又真是好特別我方法, 我只是用刀切走佢咋...
不過整東皮真是多功夫, 但我又係好鐘意食喎   ..

嘩~~~死喇死喇～～～　我超鍾意食呢隻皮架！！
以前有ｄ酒樓提供柚皮的菜，但呢幾年都唔見喇～～～　好鬼想食～～～add5icon

嘩.... 好特別的做法。

我外婆都浸柚皮，不过，不用火燒，只係用 匙刮，主要除去果蜡。
泡水時間真的很長 ...
八王爺 發表於 2010-8-19 22:21

應該唔會無晒精油囉.....佢保護得好好架...淨係刮走D蠟，咁要吃得苦先得喎.....我依種做法係唔苦既，完全唔去青應該會苦....但食療功效會唔會更好呢?請問佢發完既柚皮多數點整黎食架?我似我咁煮左佢，定係用黎做醃漬呢?

嘩~~~死喇死喇～～～　我超鍾意食呢隻皮架！！
以前有ｄ酒樓提供柚皮的菜，但呢幾年都唔見喇～～～　好鬼想 ...
jellyfishy 發表於 2010-8-20 00:15

你留意下佐敦道間裕華國貨，佢當造時會有一隻黃色既有機沙田柚賣架，你拎起黎聞下個皮，有一陣好清香既味，同普通果D唔同味架，係我見到最正既沙田柚(皮咋喎,果肉好淡下普普通通)。圖中我整個隻就係喇，皮係薄D係香味搭夠，你搵度依隻柚，留起兩個柚既皮，我幫你做一次，食過你就知死喇....年年都會掛住佢架。

又真是好特別我方法, 我只是用刀切走佢咋...
不過整東皮真是多功夫, 但我又係好鐘意食喎   .. ...
fianfumy 發表於 2010-8-19 23:49

你用邊隻柚呀?我發覺唔同既柚做出黎可以差好多，依家D酒樓好多都用金柚，皮夠厚，但唔夠香囉。不過佢切晒D青皮，應該分別唔大。

你留意下佐敦道間裕華國貨，佢當造時會有一隻黃色既有機沙田柚賣架，你拎起黎聞下個皮，有一陣好清香既味 ...
cklife 發表於 2010-8-20 08:28

你咁壞既~~~ 咁壞既主意都諗到!!  
好想今日去裕華望下 (G/F有售?? 成個柚賣??)~~~~~  add14icon

唔澀架... 皮也不是青的，是老黃，很厚皮，肉根本不好吃的。

你咁壞既~~~ 咁壞既主意都諗到!!  
好想今日去裕華望下 (G/F有售?? 成個柚賣??)~~~~~   ...
jellyfishy 發表於 2010-8-20 09:26

   唔係成日有架...要當造先有架....前排去睇過無得賣呀...一年有得賣既時間唔多架...

唔澀架... 皮也不是青的，是老黃，很厚皮，肉根本不好吃的。
八王爺 發表於 2010-8-20 10:01

   不好吃?  佢點整架?你未講佢食法喎...我好有興趣另一種製法呀.....

我媽就是用這個方法喔, 每次她在弄家人都以為那裡起火了..........她還會把過多的柚皮曬乾方便儲存呢!

你用邊隻柚呀?我發覺唔同既柚做出黎可以差好多，依家D酒樓好多都用金柚，皮夠厚，但唔夠香囉。不過佢切晒 ...
cklife 發表於 2010-8-20 08:30

我是用沙田柚呀 , 我唔知沙田柚是咩時間當造, 我只知每年中秋前後至到農曆年時都好多沙田柚賣囉....

我唔識你的整法, 我都是好傳統浸水渣水, 一日換2-3次水, 要浸3-4天後 , 準備要食的份量用一鑊大滾水出水,  多餘的柚皮渣水後用包好放入冰箱 , 到食的時解凍和出水便可..

我是用沙田柚呀 , 我唔知沙田柚是咩時間當造, 我只知每年中秋前後至到農曆年時都好多沙田柚賣囉....

我 ...
fianfumy 發表於 2010-8-29 16:20

係喎...中秋節付近應該當造喎...
下次試下你個方法，比較下...多謝報料呀...

我媽就是用這個方法喔, 每次她在弄家人都以為那裡起火了..........她還會把過多的柚皮曬乾方便儲存呢! ...
GMT+8 發表於 2010-8-28 17:38

   佢曬乾既係發左定未發既柚皮呀?

佢曬乾既係發左定未發既柚皮呀?
cklife 發表於 2010-8-29 20:40

    都是發好的, 其實冰鮮同曬乾她都有做, 剛好這星期我從媽媽家裡偷了些回家用, 煮剩一些

柚皮

左上角的是冰鮮, 另外那三片是曬乾了的

魚肚雲腿煮柚皮, 十分美味呢

嘩....!  包魚炆柚皮,  正呀!

樓主, 請問燒柚皮係唔係一定要剛食完柚子趁新解即要燒?

嘩....!  包魚炆柚皮,  正呀!

樓主, 請問燒柚皮係唔係一定要剛食完柚子趁新解即要燒? ...
peggykyw 發表於 2010-8-30 10:27

   都可以隔幾日既，因為有時要幾日先儲夠柚皮嘛，不過要留意儲既時候要乾爽，咪比佢發霉(放雪櫃就比較好)。燒既時候留意柚皮既濕度，放得耐乾左，燒佢好易著火變炭架，如果太乾，可以浸下水，等佢吸左水，再晾番乾個面，即係裡面要有水份外邊既乾爽咁先可以燒到外面，裡面海綿狀既地方唔會燶左。

都是發好的, 其實冰鮮同曬乾她都有做, 剛好這星期我從媽媽家裡偷了些回家用, 煮剩一些

左上角的是 ...
GMT+8 發表於 2010-8-30 00:35

   多謝比埋圖呀....咁我知道多D喇，唔洗整左次次都要拼命食，可以留起黎慢慢煮...多謝晒

回復 18# cklife


唔該晒呀樓主!

等我試下先.