過關為一支煙 報稅半句鐘

市民限攜帶十九支煙回港新措施昨正式實施，惟未見其利先見其弊，本港入境免稅店強逼購一包煙的市民，須為一支煙報關及付稅，手續繁複，不少煙民為求以15至17元買一包廉價煙入境，邊拆開煙包扔掉一支煙，一邊大罵政府擾民「打壓窮煙民」。部分人鋌而走險，悄悄偷運超買香煙過關...

用扮道德的腦去做一D擾民嘅事，不知所謂！
我地不如每人買一包，睇吓佢點疏導人流好過啦！

既然政府咁為煙民著想, 可以進一步, 有以下方案

1. 開個房俾煙民入去抽一支
2. 如果買煙果個係非煙民, 又或者趕住過關唔得閒抽, 點算呀?  政府可以批個許可證俾 registered charities, 在關口幫人拆煙包, 要請熟嘅, 然後收起一支, 儲夠19支, 可以say以 10蚊買給窮煙民, 咁就可以一舉兩得, 冇打壓窮煙民不特止, 還幫咗佢添, 二來registered charities又多一筆收入, 幫到社會.
3. 香港政府可以規定, 一定要帶20支, 冇多冇少, 19支免稅, 1支要打稅, 假設一包20支, 免稅係15蚊, 稅金是30蚊, 免稅店要做個特別包裝, 或marking, 買一包20支 = 15蚊 + 30蚊稅/20支 = 15蚊 + 1.5蚊 = 16.5蚊, 收咗果1.5元, 當然要每月結算俾番政府啦.

咁就方便又快捷

以上方案, 只可採其中一個

我覺得方案二最好, 及有創意

方案1 開個房俾煙民入去抽一支，自己打自己一巴，唔得，唔得！
方案3 講明 免稅店，賣含稅香煙，唔得，唔得！
方案2 好以去旅行回程時，將D 散銀放下慈善箱，幾好，幾好！

我投方案2！

方案1: 觀點與角度啫, 機場夠大把吸煙房啦
方案3: 都係睇點理解啫, 佢係同政府合作賣一支含稅煙啫 (係, 我知好勉強)
不過我自己都係投投方案2

同文別話1

政府真係唔明自己做緊乜, 佢今日有冇諗清楚當日點解要訂19支, 唔訂20支, 又或者21支,  當時的意思係: 不可以帶煙回港, 不過你食開果包就冇理由要你掉咗佢嘅, 所以俾你最多帶19支.  

今日政府俾議員鬧到傻咗, 唔記得咗自己當時嘅立法精神, 就話可以買一包, 不過其中一支要打稅.

同文別話2
政府同免稅店鬥搶錢
以一包萬宝路為例, 7仔賣$39, 應該係舊年加價的, 未加時好似係 $30, 當時免稅店買$11, 即係加$9稅, 但話明免稅店, 應該賣價冇變至係, 點知佢跟住加到 $17.  咁呢 $6 ($17-$11) 係唔係免稅店搶錢吖

剛睇新聞, 話依家第20支要俾嘅稅係 $3.5, 咁即係 一包煙單係稅都 $70, 唔係化!, 7仔重係賣緊煙連稅都係 $39.  嘩, 香港政府又「打壓窮煙民」!!!!

搶錢呀!!

註: 以上價錢可能不太準確, 不過佢地搶錢嘅精神係肯定嘅

睇到個新聞片，我老公即時話，唔洗緊張....煙商遲D會推出十九支一包既煙...

諗落又係，以前一條煙咁賣，後來政府改左，煙商咪又跟住改包裝囉....

所以我諗...不便唔係永久既....

不過帶得咁少，真係自用都唔夠喎....

19支=一包??
同價就賺多5%囉

19支一包, 可以貴過20支一包

依家20支一包, HK$17 + 稅 HK$3.5 = HK$20.5
即平均一支 HK$1.025
即19支 = HK$19.475

到時免稅店出個特別19支包裝, 賣HK$19都好似平咗俾你
賣HK$20都可能有人買, 唔駛哂半粒鐘報稅嘛

想想吓點解 免稅店要強逼購一包煙的市民，須為一支煙報關及付稅。
報關及付稅 係市民自己的責任，免稅店 賣左咪算lor？ 點解  要強逼 、、、咁好人？