新手上「天台」亂咁來…

各位好，
我一直響天台亂種花菜，
但係見到你地種得好成功，好想向你地學習！

量產蕃茄, 因為得幾粒…

我想問下，點樣可以種到多ｄ蕃茄呢？
我有施肥的，係森記園黑色一粒粒的有基肥…
係唔係我落得唔夠多，所以無果呢？

提子…

提子又點種可以種得好ｄ呢？
係唔係一年得一次有提子呢？
（抽提子唔係我種出來的，買返來就有的了）

點解會變黑的呢?

呢一抽變黑左？係唔係有蟲害呢？

辣椒, 但係又唔知點解咁形…

呢種請問係咩椒？佢個形狀好古怪…

我用左d買左好多年的種子, 唔知種唔種得出…

我見你地種菜好羨慕你地，於是就尋日落種嘗試。
但係已經有幾年歷史，會唔會種唔出的呢？
發芽應該用泥同培育盆定係用水同棉花好ｄ呢？

唔該晒～

emkey~



歡迎加入種毒樂園~

呢隻辣椒我都種過~

唔知叫咩名是不辣的~

發芽我多數用培養土的~

推介~新手種毒必讀:

http://www.hkplants.com/forum-20-1.html

想問下黑色的辣椒, 食唔食得？味道會唔會怪怪地？

想問下黑色的辣椒, 食唔食得？味道會唔會怪怪地？
新丁乙 發表於 2010-6-7 22:05

新丁乙

黑色係未成熟嘅果實~冇食過所以唔知怪唔怪喎~

我食左幾粒僅有的車厘茄…
甜係甜，但係皮好ｕｎ…
有無得救呀？

你是用盆種車厘茄的嗎？茄類的根很多，盆要夠大才可讓根好好生長的。
皮un並不出奇啊，有機o野向來都是un d的。
見你天台除了種了車厘茄和提子還有許多其他東西，希望日後有好收成！

車厘茄紅卜卜, 正呀^^

你是用盆種車厘茄的嗎？茄類的根很多，盆要夠大才可讓根好好生長的。
皮un並不出奇啊，有機o野向來都是un d的。
見你天台除了種了車厘茄和提子還有許多其他東西，希望日後有好收成！
太陽神 發表於 2010-6-7 22:38

係呀，係一個長盆種左三棵，但係唔夠泥…我會改善，因為我買左１７０Ｌ泥，大把貨…呵呵～

我個天台暫時只有車厘茄，怪椒同提子，但係就種左好多新菜菜…

多謝你，我會努力架！

提子係一年結一次果
ps:你顆提子樹係買翻黎,我估你係比d果吸引左去買

係少少啦！其實買嗰時得一棵係攀藤…
主要係想用啲滕藤蓋住個鐵絲網…
因為個網好醜…哈！

真係超級中晒毒… 我上網訂左一大堆種子…我懷疑自己傻左…
但係我真係好想個花園變得好靚好多花…

1.        风铃花种子
2.        矮波斯菊/混色种子
3.        矮牵牛/混色种子
4.        大花牵牛/混色/爬藤牵牛花种子
5.        大花三色堇香草种子
6.        盆栽花烟草 花种/花籽
7.        大花藿香蓟种子
8.        醉蝶花种子
9.        罗马甘菊种子
10.        琉璃苣种子
11.        香青兰种子
12.        紫叶罗勒种子
13.        柠檬香蜂草种子
14.        神香草种子
15.        白蛋茄种子
16.        扁豆种子
17.        丝瓜种子
18.        四季豆/低矮种种子
19.        茄子种子

前日播種, 今日已經有芽仔~

沙律菜

好多菜仔呀~

茄子都出芽bb了!!

好開心~

提子一般好少蟲害，多數是病害，例如真菌感染~

提子變黑（果實，枝幹出現黑點）可能係黑霉病，多雨少陽光的日子常發生~連續幾個星期雨無出太陽就要小心，解決方法係通風要好，所以既然係天台種，提子最好上棚，天台真係最適合搭個棚仔種提子，陽光充足又通風又可以遮太陽，另外用藥首選波爾多液(硫酸銅+石灰)，~花墟有得賣，波爾多液花墟叫葉蘚靈，成份係(Cu(OH)2)，係一種粉藍色既粉末，舊年繽紛賣$28包，唔知有無加價，上面有教你點用啦~波爾多液，聽個名就知一定係提子良藥，大家都知波爾多專出葡萄酒啦，所以得閒噴一噴，包無死錯人，而且係有機藥，包醫任何提子的黑霉病，炭疽病，發霉病....療效顯著，無病防病，有病醫病，我一到4月成日毛毛雨就噴定先，種提子就買定包看門口就無錯~唔好睇少d黑點，幾個星期後所有果實都會爛晒，葉又爛埋，到時就後悔莫及啦~

知道～
請問我仲有無ｄ唔咩藥要買定來「旁身」呢？
我又種花，又種菜，已經有買左花木根生劑同花寶，買定唔洗四圍騰～
麻煩晒～

發芽我多數用培養土的~

推介~新手種毒必讀:
BanbieChan 發表於 2010-6-7 22:03

公主,係咪e個?
http://www.hkplants.com/thread-11235-1-1.html

回復 17# chayote


我仲以為佢叫我上去自己睇添…

你睇，
呢ｄ係我響淘寶訂的盆…
你話我種毒唔深就假…

遲下如果您打算在淘寶訂樹苗,請通知聲,睇o下可否搭順風車