成個天台的植物了無生氣, 請大家教下我點做..

救命呀.... d白菜俾蟲不停食, 佢一路食我一路捉. 有綠色,有黑色,有杏色. 捉完掉落水兜度都一路爬出黎... 要逐隻係中間剪開... 有綠色野流出黎. 好恐佈...\
我已經keep住噴洗衣粉水同用苦練油....
唔通真係要用無機農藥先掂?! 用無機不如出街買黎食...

今日上去又睇下... 仲有蟲哩埋... 唉. 一野剪走成棵....
好氣餒...
同埋成個天台, 有7成盆栽死死下... 之前已經keep住追肥, 早晚都淋水...
得幾盆叫健康ja 而家....
大部份蓄茄同chilli 同瓜 check過冇昆蟲, 但有d d葉就出白色紋, 有d變左透明... 又有枯葉... 又落葉... 到底錯在那裡?

仲有corn, 本來而經好大棵, 點知好大風果幾日吹倒左, 之後諗著救返佢, 扶返直... 而家真係直返, 但好似唔識大, d葉不斷由葉尖黃上去... 一路剪, 一路黃..... , 到底佢既生命係咪已經完左呢 ?

而家上親天台見到果遍毫無生氣既境象, 真係想即刻返落樓...係咪需要大清場呢?

用防蟲網啦~

已經蟲害深，泥裡有蟲和蟲卵，有得收就收，收完就起底，無法要用藥，有機苦練和魚騰
蟲害會帶病菌，或者翻土落石灰，不過要等。如果不怕浪費就買新泥

自己种菜建议还是用防虫网比较好