發霉定中左蟎呢?

我有幾盆紫羅蘭泥面既珠石黃黃灰灰, 近中心位葉柄有 d 黃色粒粒, 新生出黎既葉面有 d 黃色一點點好似粉既野, 係發霉定係有蟎呀?

我 d 紫羅蘭不嬲都冇殺蟲架, 其實駛唔駛定期落 d 殺蟲藥架?

thanks!!

發霉應該一眼就睇出，你可唔可以影幾張相嚟睇吓？

可以的話，定期幫 AV 沖涼同噴 neem oil 係好 d嫁~

我既紫羅蘭長期放係公司, 一直都見 d 珠石係黃黃地色, 我 1 個 week 淋 2 次水...我諗 d 珠石係發霉, 因為每晚七點後公司會閂冷氣, 可能咁所以發霉..

我影左幾張相, 今晚 post 上黎呀..

請問 neem oil 係邊度買到? 同佢地沖涼係咪將 d 葉淋濕晒就 ok, 駛唔駛將佢地由泥度整埋出黎至沖呀?

我係新手, 好多問題, 麻煩晒!!

發霉通常係過量澆水所致....點都好啦！  睇咗相先~

neem oil (苦楝油)，可以同 kenny、花寶買，花墟有啲舖頭都有，不過就好大支。

沖涼係成棵由葉面、葉底、甚至植料都用水淋濕，不用抽出泥胆，跟住以稀釋的洗潔精水噴噴全棵 (500ml 加 2、3滴任何牌子洗潔精)，太凍就唔好搞住，夏天的話就在傍晚做，可自然吹乾，亦避免葉片受光照所傷。

我 d 紫羅蘭...

d 珠石變左黃色, 葉柄有黃色粉末..



小葉有黃色粉末係葉面

另一盆 cut 落黎既葉...

葉面...


葉底...

葉底黃色嗰啲可能係肥傷 (肥料結晶), 用濕紙巾抹會溶的 (紙巾變黃) 便是.

肥傷

之前我用過棉花棒濕水抹 d 黃色粉, 一抹 d 粉末會冇晒架..

係咪因為落得太多肥料呀? 應該點做呢?

thanks

[ 本帖最後由 siuyuk 於 2007-12-31 18:38 編輯 ]

原帖由 siuyuk 於 2007-12-31 18:36 發表
肥傷

之前我用過棉花棒濕水抹 d 黃色粉, 一抹 d 粉末會冇晒架..

係咪因為落得太多肥料呀? 應該點做呢?

thanks

我都有這個問題, 正遵循noel指示, 只供清水.

明白晒..咁我唔施肥住啦...

你盆紫羅蘭之前有肥傷, d bb 葉係咪都係有 d 黃色粉係面呀?

我好驚係蟎, 如果唔係都定 d

原帖由 siuyuk 於 2007-12-31 18:52 發表
明白晒..咁我唔施肥住啦...

你盆紫羅蘭之前有肥傷, d bb 葉係咪都係有 d 黃色粉係面呀?

我好驚係蟎, 如果唔係都定 d

蟎係肉眼看不到的, 它會令中心d葉好硬(脆), 扭曲, d毛仲怪怪地.

aiya, 答漏了... 我 d bb 葉都係有 d 黃色(粉?)... um.. 我覺得似 crystal 多d.

原帖由 feufeu 於 2007-12-31 19:01 發表
aiya, 答漏了... 我 d bb 葉都係有 d 黃色(粉?)... um.. 我覺得似 crystal 多d.

太好啦 ..原來我 d 盆栽係肥傷..等我仲鬼死咁驚將 d 有黃色粉既 bb 葉剪鬼晒添...