本帖最後由 何小敏 於 2010-9-12 00:09 編輯
2010.04.22
我用平時o向超市買到既辣椒仔核開始種,
種左半年無開過花....
我有施一d動物既糞便做既肥料
有用蛋殼做既肥料
大概半個月落一次
想問問, 點樣先可以令佢地開花?
2010.07.14
上次問過各位農友, 我終於買左開花肥
每個星期落一次, 等呀等, 等呀等,
等到早兩日, 我發現辣椒仔終於含苞待放, 真係感動....
雖然係細d, 同粒芝麻差唔多..... 但我都已經好開心啦,
我想問問, 佢含苞待放咁, 我有咩要注意架?
我要唔要剪下d葉, 等佢多d營養呢?
謝謝
2010.07.20
點解等左差唔多一星期, d花冧都係生得少少既.....
佢得咁細粒, 會唔會開到花架...
2010.07.26
開得一朵, 都唔知點幫佢授粉..............
點解佢dup晒頭架....
2010.07.29
終於都開左兩朵, 可以用棉棒了了了,幫佢地授粉
整完, d花粉通地係.... 唔知成唔成功呢?
如果辣椒開左花, 我應該幾耐之前唔好施肥呀?~ 我o個d係液態開花肥, 我想食d椒既話, 係o米唔好再施肥架?
話晒都係化學肥.........thx~
2010.08.04
小辣椒開始長出啦, 好緊張哦!
Update: 2010.09.07
今日終於辣椒變紅了, 下星期一將有收割儀式! 雖然得一隻, 哈哈! |