你點睇Ｄ８０後青年呀？

一句話  (我講嘢，你要聽 ) ，另我對 Ｄ８０後青年另眼相看，對他們最近的行為有一陣沈思，
是 年少輕狂，還是被人利用？
是否 為政治錢途？ (可知 一將功成萬骨枯，你是一將或是萬骨？)
是否 發覺有同好，可以互相取暖？
是否 為左伸手得唔到想要的，就學小孩坐地下洒手段，因為自小都係飯來張口。
是否 發覺月薪 5000元，買唔到 56 吋TV、車呀、樓呀、呢Ｄ唔係奉旨嘅咩？
是否 係 電腦培養的一代，只有自已，沒有別人，你死你事。什麽事都要立刻有，唔中意可以 reset，有不死之身。電腦見到都是真的，不用思考。
曾俊華最近在網誌所想像的「第四代人.....渴望「物業會所有什麼設施、泳池有多大、私隱度是否足夠等等」，同我地話 (上樓)、(有自己的樓就好啦) 不可同而語。但係 乜嘢苦都未捱過，連基本待人接物都唔識，染到個頭七彩去見工、、、攪乜鬼？

對唔住啦，俾我係城市論壇見到Ｄ情境，有道理都假啦，剩下的只有負面聯想、、、、、。

我曾所見, 所領教過的是
-做事有錯, 會先發制人; 指鹿為馬....更不堪的是, 反指社會, 別人...引導他入誤途, 錯不在他!?
-物質享受, 視為必然; 可能從小得到富裕物質, 不知賺錢有可辛苦, 當長大後需要面對現實之時(找不到工作, 人工低, 要加班), 認為社會對他們有所虧欠
-不願付出, 但要有回報; 眼見很多學識不多, 但不願意去付出更多努力去學習從低做起, 樣樣要先從得錢看, 你付得錢來, 我才幫你一把....

雖然做人不應帶有有色眼鏡, 但這通病似乎成為他們的特色了....

我身邊有好多80後都冇返工但又冇返學, 個個在家都做公主,王子, 呀爸呀媽大聲話一句都唔捨得, 出來做事又點受得老細氣呀, 又點應付啲客人呀。
聽過一個故事, 個老細炳左個職員兩句, 個80後職員即刻唔撈, 理由係:      呀爸都冇鬧過我呀, 幾時輪到老細鬧呀............

我自己都係80後(第4代香港人), 我唔會否定以上既野, 因為自己都經歷過類似的^^"
但係咪真係好似曾俊華咁講「第四代人.....渴望「物業會所有什麼設施、泳池有多大、私隱度是否足夠等等」, 我又唔覺得係喎=.=..

宜D全部都係負面野..    「第四代人.....渴望「物業會所有什麼設施、泳池有多大、私隱度是否足夠等等」 <-其實係某部份人姐  起碼我自己唔係

如果你係人事部主管，昨天睇完 城市論壇後，今天 interview 會唔會請 Ｄ80後青年，係都問多兩句。 人通常記得Ｄ唔好野，我叫呢Ｄ係 巴士飛站 心理，例如你會記得想搭嘅２號巴士係三個月前飛站一次，永無記得 佢唔飛站個３ＯＯＯ次。  
當然唔係所有80後青年 都係咁差，有Ｄ係好好，但係ＴＶ表現出來個Ｄ，真係叫香港市民另眼相看，留下唔好印像，累埋個Ｄ好嘅青年。

我身邊有很多八十後的年青人都是很努力地為他們的理想與前途努力地學習,工作,奮鬥.

當然不是一支竹杆打沉成船人, 好的例子也有不少
但現今環境所製造的人, 也許太多近珠者赤, 近墨者黑
希望年青人有自己的目標, 努力向上, 唔好自怨自艾

渴望,希望等等
每個人都會有
只是現在的人很喜歡
得不到就是社會的錯
失業率高只不過是人太簡擇
重點是不少人都是無料的簡擇
無料又要人工高工作量輕
大概要跟風水陳做學師才有機會滿足吧

教育制度是有問題
依然有人讀得好
但沒有人反省是自己沒有用心讀過

我地今批評80後, 覺得我們這套是對的, 80後那套是100%錯的

當日你後生時, 你老豆老母話你甚麼也是錯的, 只有他們是對的, 但你個心會點諗你佢地呢 - 老套, 頑固, 與時代脫節......

咁即係你上一輩又錯, 你下一輩又錯, 最啱就係你

我地今批評80後, 覺得我們這套是對的, 80後那套是100%錯的

當日你後生時, 你老豆老母話你甚麼也是錯的, 只 ...
比得大帝 發表於 2010-1-18 22:01

我都是80後.
90後才對==

我身邊有很多八十後的年青人都是很努力地為他們的理想與前途努力地學習,工作,奮鬥. ...
擔泥 發表於 2010-1-16 08:54

係呀，男兒當自強！努力！

我覺得D人唔應該用70後,80後90後黎做分類
"80後既人好激進" 呢句說話, 感覺上就好似"所有維吾爾人都係衰人"咁...
但係人係唔可以咁樣分別架嘛!!
我由頭到尾都唔明 80後 同 高鐵 有咩關係...
亦都好討厭果D 係網上開FACEBOOK 大大隻字話80後反高鐵
佢地唔可以代表晒所有80後既青年架!!

我都係80後, 但係我無覺得"80後講既野岩晒, 成日怨呢樣, 怨果樣, 做咩喎~
身體健康, 有得食, 有得住已經好幸福~

一樣米養百樣人,只係一部份80後先係咁!

我都係80後, 但係我無覺得"80後講既野岩晒, 成日怨呢樣, 怨果樣, 做咩喎~
身體健康, 有得食, 有得住已經好 ...
hellokitty_971 發表於 2010-1-21 00:26

我都係80後,仲係80末..
激進既只不過係一部人份~
無可否認有部份真係溫室小花, 自幼俾阿爸阿媽寵慣
但亦有不少努力讀書做工搵飯食考順父母,
請唔好用一句<80後>黎將我地分類

甚麼80後, 70後.... 我會介定為, 某年代的人之中, 部份人會有共同特質. 例如80後有部份人有共同想法: 鍾意搞"激", 覺得別人無機會佢地, 思想開放, etc.
就算係70後, 都會有部份人有共同特質或心態, 如"唔努力就連少少機會都無埋", "北上找機會還是留在香港好呢?", "讀完蕃書, 留在外國好唔好呢?"....
其實都係社會氣候和大時代的影響. 好似70後, 好多人都去過外國留學, 又要面對香港轉型和中國經濟改革, 成了流動心態.
至於80後, 好簡單, 孩童到廿歲時, 都係香港最繁榮的日子. 到了SARS前後, 大個仔大個女自立時, 反而要辛苦面對經濟下滑問題, 總會有一羣有共同想法: 點解個社會唔俾機會我呀?!

唉~ 其實甚麼"港女", "港男", 咪又係講解部份香港男女心態~
我打死都唔認自己係港女啦~

星期日聽收音機，一個參與苦行的女孩子打電話進來
......
......
女孩     我覺得政府無聽我地講嘢。
主持人  你試過乜方法呀？  
女孩      無呀。
......
......
主持人  你係唔係覺得政府架構有問題要改革呀？  
女孩      我仲細，咁深問題我未想過。
......
......

唉...諗野唔經大腦add5icon?