有人種過茶花嗎?(依家開花既?)

上星期買左棵茶花, 佢有好多花芯呀, 但就未知花是什麼色~
回家後發現盆裡的不是泥, 是好像種蘭花的水苔, 如果我想幫它換大些的盆, 應該加泥或是加水苔?
回家已經一個星期, 但仍然沒有動靜, 平時是否應該多淋水? 室外半日晒可以嗎?
網上好像很難找種植資料呀~~
有些後悔一時貪得意,買回來卻不懂得照顧...
我仲聽講冬天開花, 但係點解近排會開花呢?

[ 本帖最後由 everydayfan 於 2008-3-26 19:14 編輯 ]

開花過後至揾盆會唔會好d呢?只係得水苔....淋水可能怕佢過濕喎,到時加泥比佢囉~記得加埋基肥(放一粒粒肥料0係盆邊)
現時唔好淋過多水,咪唔開花及少花,可以半日晒
種下種下就易架啦!!加油!!!!!!!!

原來我睇錯左~
盆茶花係用塘泥種, 只不過唔知點解泥面會有水苔
對我又一大考驗喇, 第一次接觸塘泥.. .都唔知點搞...

泥面d水苔應該係防止水份流失得太快.

我都試過買茶花擺天台, 開完花之後, 唔識搬佢去陰涼地方, 結果夏天未過就曬死咗...

我年幾前買左一盆 . 買時. 當然有花出. 跟住過左整整一年. 夏天天氣太熱. 所以都瓜瓜地. 但都捱得過. 但係事實上茶花唔太適合太熱既天氣生長的.  所以不可以放於太晒地方. 同埋今年我睇番. 都乾乾地lu. d lum好多時都係葉lum來的.  突然會長新葉. 但我自己本人發覺基本上我買左回來. 開完花後 . 直至依家好似處於睡眠狀態一樣. 沒有任何異動.   結果我將佢由盆中. 移於花園種了. 但仍然沒有特別大既進展 , 但又未死... 都想睇下有冇師兄提點一下.

係呀, 買左咁耐一直都無變過, 又唔係死WOR~  同假花有得揮

http://flowers.hunternet.com.tw/forumdisplay.php?f=528
我搵到呢個web site

嘩咁正. 成個討論區都係講茶花. 等我詳細read read先

但係...我睇完都唔係太明白,又好多字呀

日本山茶網頁：資料齊全~

www1.sphere.ne.jp/ando

山茶d花我個人覺得要好耐先會開，我的茶花出左蕾計埋計埋都有個多月都未開，由其是而家天氣時涼時暖。

仲有山茶中意清涼陰中有陽同微濕。山茶係'夏眠'植物，夏天會休眠，唔會有生長，唔使施肥咁濟，去到冬季先會出葉開花，所以此時才是生長期先好施肥，所以山茶0係日本係代表冬季ge花草黎ga~~~
(日本Yahoo!圖片)
山茶除左初冬時出個d d葉之外，其餘時間都唔會有乜"動靜"，但又死唔去，都幾似假花~~~

[ 本帖最後由 阿晴 於 2007-12-23 08:16 編輯 ]

塘泥種花木反而好過科學泥同易管理，又唔使成日淋水~~~有花蕾時唔好同佢換盆住ar~~

update @ 26 March 2008

我屋企. 有一棵都陸續咁開緊花. 之前咪話唔開. 前個幾月落左d開花肥. 結果慢慢咁開啦.

係law~ 前2日落完雨, 今朝見到佢開得仲勁添呀!
但之前開的只維持一個星期左右, Sandy的是否差不多?

係呀. 開得幾天左. 如果落雨. 謝得特別快. 大為本身茶花既花掂左水. 會梅得好快. 呢排續朵咁開.

我放佢係陰既地方, 有瓦遮頭, 好彩...