點解D碗蓮種子種種下會死?

之前團購時買左D碗蓮種子, 一買左即刻浸水, 出左兩塊葉後用水草泥種左係個碗度, 再將佢放係個大玻璃兜度。但係因為放得太少水，所以第一塊葉既莖斷左。之後佢繼續出葉，一個月已經出左4塊葉(連斷左個塊):


但係因為個玻璃看個底唔平,所以最後我將D泥係個碗度倒番落個玻璃兜度。當佢出到第5塊葉時, D葉就開始乾,仲開始溶咁,而D莖就黑晒:



我將粒碗蓮由泥度挖出黎時，禁一禁粒種子有D臭水走出黎, 我諗粒種子應該爛左。我送左粒比朋友, 佢都係用依隻玻璃兜但係佢出左2塊葉時已經直接用水草泥放左係兜底定植, 其間冇番過泥情況都係一樣, 種得好地地突然間葉同莖變乾同黑。

我而家得番一粒種子，　請問有冇人知究竟係咩問題等我唔好又錯。謝謝。

1. 夠唔夠陽光？ 出了葉，每天要晒好多太陽。
2. 未用過水草泥種，唔知有冇關係？
3. 蓮子出葉後，是否出根了？

1. 夠唔夠陽光？ 出了葉，每天要晒好多太陽。
我放左佢係窗台, 有陽光照到, 佢出左幾塊葉都冇事wo

2. 未用過水草泥種，唔知有冇關係？

3. 蓮子出葉後，是否出根了？
出左好多根嫁

唔知同有無換水有無關係 ?!
我種果的係鞭藕
都係用水泥種,
如果死水大多,大耐無換,
水中的 oxygen 有可能用晒,都有機會出事,
( 唔知岩唔岩, 平時我2 , 3 日一定換晒的水)

(我見你的水好 "黃")

我D水原本好清嫁, 但係自從我將D泥倒番落個玻璃兜就變成好黃,換極水都係咁
因為我放左魚仔, 其實我已經隔幾日換一半水嫁啦

我諗緊由種子種係咪好容易死呢?但係我見其他人都好似好容易種到出立葉

其實日照時間有幾多?起碼直接晒到日光浴幾個鐘?
我見你d葉好似唔夠光咁~奀豬左d~
室內同室外既陽光其實差好遠~
我棵睡蓮之前唔夠光又係咁，
之後拱左出露台(直接晒太陽起碼約4個鐘)先好翻咋~

我又冇計照到幾多個鐘喎, 因為晏奏時間我好少係屋企, 不過個窗台向東南,應該都大約有兩個鐘有陽光直接照到...請問D葉通常直徑有幾大度?

種荷花，無10個小時太陽唔叫做夠光！
想開花？ 每日最少10-12小時陽光。

我又冇計照到幾多個鐘喎, 因為晏奏時間我好少係屋企, 不過個窗台向東南,應該都大約有兩個鐘有陽光直接照到...請問D葉通常直徑有幾大度?
byau 發表於 2009-5-25 02:09

2個鐘, hahaha

睇黎冇個天台/花園我都唔使指意種到碗蓮啦add2icon