公司門外花園仔(加相至22/07近況)

6月24日

6月24日同亞女去完銀行就行O左過去新墟街市買6條金魚同兩隻金蛙放O左落去盆蓮花度. 盆花有O的魚游來游去, 係生動好多. 不過到O左收工就已經全軍覆沒. 一條都唔生. 本來想將佢O地掉落垃圾蘿, 點知清潔個亞姐收工, 叫唔好掉呀, 放入O的泥入面可以做肥料呀. 聽完咁講, 就幫佢O地成班入土為安啦. 放晒去木瓜同西檸O的泥入面. 真係O的水有咩問題呢. 好彩兩隻金蛙都仲好精神. 游來游去都好過冇丫.

7月2日

薰衣草.

種O左4棵四季豆, 唔知呢種, 爬唔爬O既呢. 睇佢大O的先安排個架佢爬啦.

3款菜, 意大利生菜, 羅馬生菜, 油麥菜.

通菜星期五就要比亞女剪菜喇

青瓜們

呢兩盆車厘茄都係自己天生天養咁生出O黎.

自家採收種子, 再種出新芽出O黎喇. 見唔見到下面有二棵苗仔呀.

街坊送O既3棵石榴苗

之前亞妹係老吉買O左兩個離芭返來. 而家改良變成個花架, 可以比青瓜同牽牛花爬上去

呢棵唔知係乜, 冇啦啦生出o黎, 種大佢先睇佢有咩花樣先.

稻米

唐檸檬(中國檸檬)

觀音坐蓮

怕羞草

浮萍

西檸開花

白蘭開花

7月7日


西檸花開後結果了! (花開時幫佢一把, 用毛筆掃過花粉)


中草藥~百花蛇舌草~街坊送o既.

7月13日

突登想影o的仔仔女女, 買o左支微距鏡, 今日就試鏡睇O下影花花草草會點呢.



西檸樹上的第三個西檸已經長大到咁喇.


青瓜預O既葉. 好仔細咁睇到毛毛

兩個月大O既青檸BB. 加油呀. 快高長大呀.

木瓜都有花冧喇! 唔知係公花定係女花呢

青瓜都有花出喇, 又係要等佢係女花定係仔花. 要人功受粉先可以變瓜. 少一樣都變唔成呀

青瓜O的藤係咁搵O野攬. 好得意, 好似彈弓咁.

睇O下青瓜高得幾快.

四季豆都好叻仔叻女.

白樿花冧慢慢帳大

雀仔花都係大得好快, 咁快就已經有花冧喇.

九層塔O既花

日本串茄O既花

7月16日

青瓜開花喇, 係仔仔花, 未見有女女花出現!
睇O下呢餅O野好得意.
一串紫 都有苗出喇.
夏堇花苗22.04.09開始都家下都係得咁大...........
太陽花(松葉牡丹), 太大風都係影得唔清.
西檸又有花冧喇, 呢朵將係會西檸4號.

7月18日打風要做好準備

一早亞妹打電話來話, 隔離亞伯話下午個風就到喇. 要將O的花執好佢呀. 唔係就冇晒O架喇, 擔心之下都係返公司搞一搞. 保得幾多得幾多. 經一向出去釣魚睇風路線O既經驗. 呢個一定打到O黎. 仲好準O黍呀. 同亞女起身就準備馬上返公司搞.

好彩之前係藍地買O左10呎個遮光網. 今次就用得著喇. 包到實一實, 再將係吉之島10蚊店掃貨時買定O既兩個爬藤網. 係中午劇烈O既陽光之下. 左搬右搬, 收收埋埋密集式咁收好O的花盆. 再打包. 應該都可以保得住O的O既. 搞搞O下都搞O左成個半鐘頭, 好彩仲有亞姨同爹D幫手, 唔係都唔會咁快搞掂呀.




睇O下包到幾實.

幾盆大盆O既就放O左係公司門口位.

用O左兩個繩網將兩盆青瓜同車蕃茄網實, 希望唔會咁傷啦.

7月22日

星期一返工前又過O左去藍地, 忍唔到手, 又買O左幾盆返去. 35蚊矮種木瓜. 百里香, 矮種向日葵, 粉紅色夏花同一包BABY西瓜種子.


稻米長高O左幾多. 青BB色

後來將多出O既, 又買多個盆來種埋佢. 但係點解兩盆分別唔同色O既, 綠色同青色. 後其種果O的就綠好多喎.

新成員, 矮種木瓜35蚊盆好抵玩, 兩盆放埋一車. SIZE好唔同.

隔離果盆係皇帝O既花, 花名叫壇花. 壇花一現. 開得6個鐘O既花, 仲要係夜晚先開O既花9-3點. 好彩今日返公司拎電鑽O者. 因為返到去, 清潔個亞姐掛O左佢係我O的花堆度. 見到馬上落泥安置好佢先.

盆矮種木瓜仲已經有兩個木瓜仔喇. 好搞笑. 咁細咁矮都有瓜, 佢咪好辛苦要咩住O的木瓜.

矮種即係矮種. 咁細盆就已經要咩瓜喇.

種O左3,4個月O既木瓜, 有花冧喇, 不過仲未開花.

睇O下盆青瓜大得幾快. 已經去到頂喇.

好多品種而且好靚呀!
你嗰度陽光充沛風水好種嘢梗靚啦! 嘻嘻!

想問吓樓主點解圖片要打D英文字上去嘅?

好多品種而且好靚呀!
你嗰度陽光充沛風水好種嘢梗靚啦! 嘻嘻!

想問吓樓主點解圖片要打D英文字上去嘅?
花園仔 發表於 4/8/2009 11:44 AM

嘿嘿~因為呢o的相, 我都有玩開影相, 同影相果班都會將自己影o既作品加上名同埋用咩機咩鏡去影囉, 我專登拎我o的花花草草做模特兒丫嘛.
陽光都係11點至到3點先會係勁晒, 跟住就比o的大廈遮住o左喇. 大風有時都幾大風呀, 每有風雨我都唔敢開晒個帳篷, 怕會吹爛, 我聽o的街坊講, 呢度o的帳篷好多時都比風吹爛, 上次個風, 我隔離已經又一個吹爛晒. 所以打風我都幾驚, 今日又走去藍地買多15呎來包住成個花架.

今日去藍地, 見佢仲有兩盆矮木瓜, 兩盆唐檸, 一盆蕃石榴仲有成5-6個果係度, 好想買, 但係就見又落大雨, 又有打風, 怕買o左返去唔知過唔過到個風. 所以都係冇買到, 而且仲見到佢多o左好多款種子買呀. 多o左好多y牌o既花. 就係咁樣, 唔覺唔覺, 又買o左16包種子. 次次去親呢o的舖都忍唔到手.