公司門外花園仔(加相至22/07近況)

3月才開始的公司門外花園仔

我的公司門外小花園. 剛係3月才搬到來, 見到門外平台位置, 每戶都將門外平台位置, 加添植物. 見人玩我又玩. 有地方比我玩就緊係玩埋一份啦. 可況種o野呢方面都係我o既興趣之一. 係公司悶悶o地, 出去門口睇睇自己o的心血, 都係一件開心又放鬆o既事. 種o下種o下, 就越種越多. 日日返到公司只顧o的花花草草. 家下玩到種埋菜玩o下.
開頭都係少少咁種. 越買越多, 越搞越多o野係個門口, 搞到成個花園咁. 真係每次放假都幾掛住公司o的花花草草呀.

種了好多種子, 等待中都有好多, 士多啤梨慢到死呀. 花煙草, 非洲鳳仙花, 歐芹, 勿忘我, 青檸, 黑眼花,
等大中: 車厘茄, 日本串茄, 本地蕃茄, 甜椒, 芫茜, 歐芹, 菜芯, 意大利生菜, 百合, 向日葵, 三角麥, 矮牽牛, 美女櫻.
香草類 : 朱古力薄荷, 萍果薄荷, 薄荷, 迷迭香, 羅勒, 九層塔, 鼠尾草, 金蓮花, 香茅, 薰衣草.  
其他有: 三色堇, 太陽花, 木瓜, 白蘭, 白樿, 怕羞草, 石蓮, 蘆薈, 驅蚊草, 土人參, 吊蘭, 蘭花, 矮牽牛, 菊花, 紅掌, 神仙草

最初3月30日的樣.

最初3月30日的樣.

5月12日的樣變成咁喇.

5月12日的樣變成咁喇.

5月12日的樣變成咁喇.

5月12日的樣變成咁喇.

真係唔少野喎．
好開心可以係公司種咁多植物呀．你要努力呀．

公司竟然有個咁大既花園, 好幸福...
你好幸福呀><

2# zoechung
係呀, 難得係室外, 又有太陽晒到, 又通風空氣夠, 所以真係唔種對唔住自己o既興趣呀.

3# 小豆子

其實門口位, 係一條平台走廊, 都唔係咁多人行, 而且個個都係咁種晒係欄杆位. 管理處又唔嘈, 好過租田玩呀. 日日返工都可以對住. 租田都係假期先可以去到. 真係幾好呀. 有時假期公司附近都有個花友幫手淋花, 所以假日都可以好放心.

你對面既大廈...好熟口面

種左好多野噃~~~

fishinglok~

歡迎加入種毒樂園~

好幸福呀. 好羨慕呀!   最難得係你老闆同管理處唔嘈.

你個菜園好靚好整齊!最欣賞你用左好多環保物料!

6# alansing


係, 唔通你係屯門人, 我公司係屯門工廠區. 成個工廠區係得一個工廠大廈有平台位的.

種左好多野噃~~~
littlecuitegirl 發表於 2009-5-12 18:48

其實我有好多o野都好想種, 但係怕霸晒條走廊, 所以都係向欄杆位發展.

fishinglok~

http://shiehcho22.myweb.hinet.net/msn/cutemonkey/monkey%20(38).gif歡迎加入種毒樂園~

http://a5556.myweb.hinet.net/msn/e_word/ew%20(217).gifhttp://a5556.myweb.hinet.net/msn/e_word/ew%20(2 ...
BanbieChan 發表於 2009-5-12 18:49

嘿嘿~其實我好早期10幾年前都已經好鍾意種, 之前係姨丈公司做o野. 種到成個貨倉窗口位上上下下都係, 種種o下, 姨丈心情唔好. 唔比種. 所以就此之後就冇種咁多o野. 跟住租田玩, 又玩o左一季, 天氣凍冇續租. 係屋企種, 空氣唔夠, 種親都死. 而家就唔怕喇, 可以種係門外. 好好多, 除非管理處嘈就冇計喇.

好幸福呀. 好羨慕呀!   最難得係你老闆同管理處唔嘈.
Tungb 發表於 2009-5-12 20:45

老闆~~嘿嘿! 我咪係囉. 除非我老公嘈我顧住係公司搞花花草草唔做o野啦.  
我女今年4歲. 佢成日都話我, 媽媽你做o左農夫o既.

你個菜園好靚好整齊!最欣賞你用左好多環保物料!
superlemon 發表於 2009-5-12 21:07

係呀, 因為太多苗想種, o的苗大o左要用好多盆仔來種, 初初都係落膠袋仔種, 膠袋底部吉孔仔. 再用籃放晒入去來種. 如果真係發到出來, 就等再大少少, 種定o左再落盆仔. 一包過, 唔會傷到根. 我都係學花農咁種, 又方便又實用.
而o的膠樽下半節可以作花盆仔用. 咁屋企人飲膠樽飲品, 都會留起比我, 知我實有用呀. 發泡膠箱都係執返來, 再將個look整好o的. 咁咪唔怕白雪雪唔好睇囉. 又可以有o的攪作. 為個花園美觀, 我一個人親力親為做o左好多工夫, 鐵架自己上, 掛盆要用木方頂住底部. 都係自己拎o的工具來又切割又打釘來定位. 個木架仲正, 就係隔離有個亞伯幫我執返來, 我就將佢改裝, 打o左個櫃筒底板出o黎, 再將件底板切割成層板. 就做o左個木架出o黎. 廢物利用我最鍾意呀. 每次見到o的o野, 都會去諗呢個可以點用有乜用好呢. 檔玩手工咁呀.

種左好多野,整齊企理.努力呀!

種左好多野,整齊企理.努力呀!
cobie 發表於 2009-5-12 22:32

哈哈~我隔離左右成條走廊都好多街坊, 成日走埋來同我傾花經. 而且我又想做一個理想O既花園. 日日對住, 日日去諗有咩辦法可以再安置得好O的, 想盡方法希望可以放到更多O既植物.
加上種花用靜欣賞之餘, 再加埋用動來種菜種蔥, 咁就可以配搭一靜一動喇. 實有O的O野做O下.

種左好多野,整齊企理.努力呀!
cobie 發表於 2009-5-12 22:32

哈哈~我隔離左右成條走廊都好多街坊, 成日走埋來同我傾花經. 而且我又想做一個理想O既花園. 日日對住, 日日去諗有咩辦法可以再安置得好O的, 想盡方法希望可以放到更多O既植物.
加上種花用靜欣賞之餘, 再加埋用動來種菜種蔥, 咁就可以配搭一靜一動喇. 實有O的O野做O下.

老闆~~嘿嘿! 我咪係囉. 除非我老公嘈我顧住係公司搞花花草草唔做o野啦.  
我女今年4歲. 佢成日都話我, 媽媽你做o左農夫o既.
fishinglok 發表於 2009-5-12 22:14

唔怪得之啦, 比我老闆見我種野, 實以為我好得閒,再比多D野我做添呀!

話時話, 你個發泡膠箱又真係cut得幾靚. 一個扮欄杆, 一個扮磁磚.  好有創意呀!