本宮的三小褔

見大家show d貓show 得咁開心, 本宮都加人先!!
本宮家有3只小貓, 都係仔. (因為自身缺陽 )
全部都係領養返嚟架!!!

大佬 - Princess
雖然係仔, 但同一條狗女冇分別, 最鐘意追鐵線跑來跑去同叫, 又"痴"身.係又叫唔係又叫, 餓又叫飽又叫 . doctor 話佢性格係咁架喎! 冇得改架!!

佢一係大玩, 唔係就一磚佛咁坐係度成晚架啦!!!就係咁...


2A - Dylan (因為同Mushroom同時期入嚟, 所都係2)
最鐘意駁咀 , 幾時都ee呀呀, 尤其是叫佢離開房呀!同佢講no呀咁, 佢就會用好小朋支嘅聲音喵喵喵你, 喵多幾喵佢就會打"喊露"....真係冇大冇細!!
成日都"擔"住條脷週圍走架!!

2B - Mushroom
佢好慘架!!其中一邊眼同鼻中間嘅相通位 (分泌線咁上下) 塞左, 日日夜夜都好感動咁喊緊. 醫生話絶育時可順手通一通因為要全身麻醉, 但通左遲d又會有機會再塞番....(講到好似通渠咁!! )




不過本宮只只貓都有d事架! 阿大牙肉會永久性發炎(天生免疫系統問題), Dylan有肛門線發炎......流浪貓嘛!! 當然遺傳唔係咁好啦!! 但唔緊要, 有本宮照顧佢地呀麻!!!
雖然佢地有時真係好百厭 (多到...各位都應該知架啦!!), 但乖嘅時候的確都抵鍚嘅......相信大家都會感受到!!

緊張到企係樹
梗係有野食啦

有你疼惜牠們真好﹗祝福

佢地識聽自己個名架.....有嘢食嗰陣!!
尤其係小食魷魚絲, (好腥呀!!)
唔使你叫佢地係邊度做緊咩就算訓左都即刻沖過嚟!!

vivi 前輩張相, 貓貓都好專心喎!!!(明顯搵嘢食/嘢玩呃緊佢影相啦!!)

ps: Mushroom當時係連同其他貓比隔離屋返嚟時一班人好大聲咁講嘢嚇親....

princess同我家寶寶豬簡直絕配! (即係我圖像果隻) 最鐘意就係叫!
dylan伸脷果張相好似細路仔發脾氣向你扮鬼臉咁!
咁都俾你影到mushroom呢一個moment真係好野!

lee 一個moment係成日都有嘅! 本宮家Dylan除左: 駁咀時ee呀呀/ 清潔自己或同伴/ 食嘢飲水/ 深睡/ 玩同打交.... 之外. 其他時間連眼訓就訓都係咬住自己條脷嘅!
佢太鐘意咬嘢, 可能仲細牙仔痕掛, 咩都咬架!! 對皮鞋又咬花左, 紙皮箱又咬爛左, 食物膠盒又咬穿左.....連電腦芒囡個角都咬花左呀! 總之嗰樣嘢嘅大小可以放入佢個咀仔度就有毒冇毒都咬啦!
我買左狗用嘅咬牙膠同咬咬骨比佢咬, 唔好再咬屋裡面d嘢啦.....大佬

Princess 叫嘅程度非一般正常貓可比美! 佢又叫得耐又大聲喎! 大聲到你想趕佢出街架!! 叫叫吓仲會聲沙, 然後變成真正嘅狗叫囉!
"喵....喵.....喵喵...............(好耐好耐之後)..............區........"

**你嘅貓貓鐘意抓門柄咪好囉! 本宮嗰d鐘意抓人架! 沿住你條手仔褲腳抓到上膊頭.....你趕佢嘅話佢會驚爪得仲大力d添呀......

都係嗰句啦!養左貓你先知邊個係主人呀.... 我地lee班地球人只不過係貓奴咋!!

lee 一個moment係成日都有嘅! 本宮家Dylan除左: 駁咀時ee呀呀/ 清潔自己或同伴/ 食嘢飲水/ 深睡/ 玩同打交.... 之外. 其他時間連眼訓就訓都係咬住自己條脷嘅!
佢太鐘意咬嘢, 可能仲細牙仔痕掛, 咩都咬 ...
chilichililiz 發表於 2009-5-2 02:29

dylan真係另類貓貓喇！醫生有冇話係咪正常架？
我圖像的寶寶豬係爬緊塊磨爪板...佢又係叫得好大聲架！大聲到想um住佢把口，佢成日都要人陪佢玩架...你一唔理佢佢就叫到你理佢為止！
不過佢就唔會叫到聲沙囉....中氣十足!

三隻咁多間屋有無味? 難打理嗎?

9# acmc


都ok嘅！
貓貓本身個身無味嘅(本宮聞唔到啦！)，只要每日清潔貓砂兜(最好早晚各一次啦！唔係就用個大d嘅兜囉！ ---> 污漕唔去架)！洗水兜同食物兜乜都換新嘅。掃貓毛。
咁基本上間屋都見得人，可以招呼朋友架！

當然重有一宮認為最重要嘅......定期疏毛同剪指甲啦！！
由本宮d貓貓長期性甩毛嘅，根本就無咩換毛時間分 .....所以定期疏毛真係好緊要!!係把貓疏度搵到，好過係間屋度飛飛下時見到啦吓？
仲有剪指甲呀！太長嘅話佢一同你癲起上嚟你就知，真係入肉架！剪完仲要銼喎，唔係好多指甲兩邊嘅「明月小小小彎刀」滿場飛架！

....不過都係睇你本身d貓貓點樣嘅！本宮嗰d痴線嘅！唔可以作準架!

ps: 其實本來只係想領養Dylan多一只陪下Princess等佢唔好日叫夜叫，點知貓義工姐姐話Dylan 同 Mushroom 係一齊係街執返嚟，自少就一齊架啦! 問本宮可唔可以要埋Mushroom。姐姐做過家訪，佢話屋企都可以養到3只嘅。再多就真係唔得啦！(再多本宮都唔得呀！唔講錢亦都唔關錢事，係根本冇咁多時間同咁多愛分比咁多條友.... )。最後都決定要埋Mushroom，佢地2條友其實真係好fd.....
本宮lee個決定係啱嘅！！

8# 小天使


呵呵！你想咋！本宮左啦！
Princess 一叫本宮就即話佢唔啱同no，唔聽就真係一只手cup住佢成個小貓頭啦(好細力咋！只係想佢知自己唔啱)；或者作狀起手想打佢囉！(有時佢好壞會打佢pat pat架！)

ps: 其實本宮冇一只貓係正常嘅！都唔記得講Dylan都好鐘意咬本宮個人同d衫....痴線！

9# acmc


都ok嘅！
貓貓本身個身無味嘅(本宮聞唔到啦！)，只要每日清潔貓砂兜(最好早晚各一次啦！唔係就用個大d嘅兜囉！ ---> 污漕唔去架)！洗水兜同食物兜乜都換新嘅。掃貓毛。
咁基本上間屋都見得人，可以招呼 ...
chilichililiz 發表於 2009-5-4 01:33

乜你家貓貓會俾你銼佢指甲架? 不過我都未試過咁做...真係有需要架咩?

12# 小天使


極速銼銼銼咪得囉！邊個叫你好似女人去修甲咁又剪又削又銼仲塗指甲油啫！
佢地邊有心機係度等你喎！

Mushroom 連指甲嘅時間都嫌長，往往剪到一半佢就會透大氣架啦！「得未呀？快d啦！ 」跟住就會訓著囉！

Dylan, 好得意, 懂伸利映相, 好似好招積咁呢