有機肥料 & 有機蟲害防治

這是園藝班所學到一點點, 可以同大家分享一吓 :

1. 花生麩

花生麩是花生被搾取油份後的渣滓，有清晰的花生味，含豐富的氮肥。 (花生麩於飼料或肥料商店有售)

a) 花生麩粉
花生麩粉是未經分解的肥料，施於泥土後才由微生物分解。分解過程中，會搶氮和發熱，如太接近植物則易燒傷，故此應避免在幼苗期使用。香港夏天氣溫很高，微生物分解速度快，過程所產生的熱量會更多，故應小心使用，亦可改用黃豆麩。 用量: 每10平方公尺0.5-2公斤或施一小撮於花盆內。

b) 花生麩水
將1份花生麩粉放入15份水中，讓它在缺氧環境下分解，2-12個月後便可作液肥用，時間越長，熟腐程度越高，越不易燒傷植物，將花生麩水稀釋約七倍才用，施用後必須馬上淋水。
       
2. 黃豆麩

黃豆麩是黃豆被搾取油份之後的渣滓， 含豐富的氮肥。在微生物分解過程中，搶氮和發熱情況較花生麩粉輕，故夏天可以作為花生麩的代替品。(黃豆麩於飼料或肥料商店有售)
用量: 每10平方公尺0.5-2.5公斤或施一小撮於花盆內。

3. 角衣片

角衣片是削成片狀的牛角，含豐富磷肥。角衣是較難分解的肥料，故一般作基肥用。(角衣片於飼料或肥料商店有售)

用量: 每10平方公尺0.5-1.5公斤或施數片於花盆內。

4. 骨粉

骨粉是碾碎的牛骨，含豐富的磷肥及鈣質。(骨粉於飼料或肥料商店有售)
用量: 每10平方公尺0.5-1.5公斤或施一小撮於花盆內。

5. 草木灰

草木灰是草木燒出來的灰燼，含豐富鉀肥。
用量: 每10平方公尺160-50克或施一小撮於花盆內。

6. 海藻

海藻含豐富氮、鉀、69多種微量元素、植物激素及可刺激植物令它更有效地吸收磷的酵素，同時能對抗菌病及改良土質，可直接埋入泥中，放入堆肥箱、加水製成海藻水或放在泥面做護根覆蓋。(海藻於葯材舖有售或可於海邊撿拾)

7. 紫草

紫草是一種生長迅速的多年生草本植物，根部可深入土層，將次土層的養份帶上表土。紫草含豐富的氮和鉀，葉片少纖維，極易分解。(紫草可向外國種子供應商郵購)
用法: 可以直接放入泥中、放入肥堆中、或放在泥面做護根覆蓋，亦可製成紫草水，250克紫草葉加12公升水，以蓋密封，4-5星期後可以丙稀釋使用。

8. 石灰

石灰可用來調校泥土的酸鹼值，含碳酸鎂，過量使用會令泥土變鹼，故施用前應先用酸鹼試紙測試泥土的酸鹼值。(石灰於五金店有售)
用量: 每10平方公尺0.5-1.5公斤，每年每10平方公尺不超過3公斤。

9. 雞蛋殼

要去雞蛋衣, 雞蛋殼含豐富鈣質。
用量: 每年每10平方公尺1-5公斤或直接埋入花盆內。

[ 本帖最後由 惡姨 於 2008-12-4 19:31 編輯 ]

好清楚,好有用呀

紫草(comfrey) 找唔到種籽呀!
問過一d高手,佢地話要用分株繁殖,未見過有種籽賣
這就唔知正唔正確啦

[ 本帖最後由 llaus 於 2008-11-28 21:02 編輯 ]

惡姨 ...唔該哂 , 好有用

多謝惡姨o既資料,好有用~

有用!
我岩岩先在街上筆左桶輕漂漂的草木灰...昨天村屋附近燒草囉

原帖由 小寶 於 2008-11-28 21:56 發表
有用!
我岩岩先在街上筆左桶輕漂漂的草木灰...昨天村屋附近燒草囉

嘩！ 咁好 ge，我次次都係自己燒炸！

原帖由 貓貓 於 2008-11-28 22:09 發表



嘩！ 咁好 ge，我次次都係自己燒炸！

你要唔要?我宜家幫你筆一桶?

原帖由 小寶 於 2008-11-28 21:56 發表
有用!
我岩岩先在街上筆左桶輕漂漂的草木灰...昨天村屋附近燒草囉

小心D喎! 睇吓係咪燒嘅係<打草水>整死嗰D草架!
如果係要放好耐至用得架, 有D草頭燒唔淨好毒嘅!

草木灰要溝淡先好用啵! 唔係醃死D植物就盞攪嘞!

老師~
乜o野叫<打草水>呀?

原帖由 ChrisTsui 於 2008-11-28 23:11 發表
老師~
乜o野叫呀?

農藥黎嘅, 一噴落D草度立刻枯萎又黃又乾架! 好毒呀!

打草水即係殺草水, 是用來整死d野草的, 溝水噴在草上, d草就會死晒, 有一排先會再有草生出來的, 你都明草係幾咁粗生, 連草都死...............幾毒

跟住用佢地d灰...............後果可想而知.

原帖由 花園仔 於 2008-11-28 23:06 發表


小心D喎! 睇吓係咪燒嘅係整死嗰D草架!
如果係要放好耐至用得架, 有D草頭燒唔淨好毒嘅!

草木灰要溝淡先好用啵! 唔係醃死D植物就盞攪嘞! ...

唔係呀，係政府Ｄ人用剷草機剷架
唔該哂，我會溝淡佢架喇～～

現在市面上有很多入口的有機肥, 比傳統的效果好好多的, 但在花墟買就是貴左d.

多謝老師& pauline~
我真係孤陋寡聞~

資料好有用~多謝惡姨

原帖由 小寶 於 2008-11-28 23:29 發表

唔係呀，係政府Ｄ人用剷草機剷架
唔該哂，我會溝淡佢架喇～～

請問用咩溝淡佢呢?

想請問有沒有人知黃豆麩可以在邊度買?

嘩~~~d資料超正呀~~
又學到好多野喇.

我都試下仙.唔冼咁去買
(雞蛋殼)好有用