自家種乳酪

doncheng 發表於 2012-3-8 12:07
我都有整，但用菌粉，每次1包1L奶，比超市一般的乳酪好味，超方便！

請問你用邊個牌子的菌種？
我在教協見到有一包一包粉，但好似同買現成的一樣咁貴。

八王爺 發表於 2012-3-9 11:19
請問你用邊個牌子的菌種？
我在教協見到有一包一包粉，但好似同買現成的一樣咁貴。 ...

我睇大陸網話每天食酸奶(乳酪)好...睇睇下話自製乳酪...再睇睇下話用菌粉做！找找下在淘寶找到十幾蚊一大包，內十小包！

家家樂優格粉 - 七株菌包括 LB +ST+LA+LC+LR+BL+BI

王爺你有興趣PM我寄一小包比你試試，OK左你可在淘寶買！

另教協個隻好似係台灣，所以貴！


cklife  王爺試過好既話，如果去淘既話，可以預埋我嗎?夾份郵費會平D咩..
cklife  王爺，我講的七株菌的價錢貴D,正確價錢先$23/大包

我試咗味喇~
冇原本(種)咁酸,
但係好稀,好似澳x牛奶公司燉奶咁
只係面好啲,裡面定唔到型~

尋晚經過超巿，見到三種酸乳酪活性栽培標簽。非活性的也有，這裏不說。
1. 活性栽培，本地的牛公司和兩間澳洲奶品都這樣標簽，沒有注明有哪種菌種。
2. 有兩種菌種嘅標簽：日本和法國時尚的品牌。
3. 有三種菌種嘅；瑞士和法國有機品牌。

最後我挑了有三種菌種的試培。昨晚十點做，今朝六點成功，約八小時，42度 溫床。
一公升北海道牛乳。
味道很濃，酸味清新，不強烈，奶味一流，凝固度普通，搯出來之後有乳清。

quote: doncheng  我都用3.6做，成品放入雪櫃幾個鐘，味道口感更佳！

我印象中3.6奶奶有反式脂肪...

我印象中3.6奶奶有反式脂肪... ...[/quote]

我唔知3.6有反式脂肪，就算有都冇幅射咁驚

今日又去咗買乳酪,美國的,

有六種菌的(但係冇whole milk 得fat free, 唔知可唔可以再種到??):
Lactobacillus bulgaricus
Streptococcus thermophilus
Lactobacillus acidophilus
Bifidus
Lactobacillus casei
Lactobacillus rhamnosus

另外, 再次去睇咗3.6奶, 佢係有trans. fat 的~
學上面大大話,液體牛奶係唔應該有反式脂肪,我估佢係加咗啲嘢令到啲奶口感咁濃滑~

昨天又買了隻新乳酪去種~

放咗入飯無唔夠10分鐘
突然廚房傳來"仆"聲巨響
原來係發酵得太勁
爆開咗乳酵個蓋(本身嗰個係密封盒)

唸住啲菌咁勁實冇死啦
10個鐘後放入雪櫃
今朝檢查過佢都係成唔到形
質地好似紙盒未whip的cream咁

到而家都未能完全成功,唔知邊喥出錯~

enemy 發表於 2012-3-10 10:47
quote: doncheng  我都用3.6做，成品放入雪櫃幾個鐘，味道口感更佳！

我印象中3.6奶奶有反式脂肪... ...

係有的,不過唔只係3.6,所有牛奶都有會,所有反芻動物o既product都會有~
不過呢種trans fat係天然產物,唔同人造果隻,而且對身體仲好好tim~~

整乳酪時飯煲啲水係咪要長期keep住40幾度ga??

我記得我個飯煲唔插電時最多keep到啲飯3-4個鐘,
我估佢未必可以keep到8-10個鐘~
你哋有冇中途加温/加熱水??

enemy 發表於 2012-3-19 10:41
整乳酪時飯煲啲水係咪要長期keep住40幾度ga??

我記得我個飯煲唔插電時最多keep到啲飯3-4個鐘,

唔洗加熱水架.....keep到3-4個鐘咪夠囉...你唔開蓋佢仲係暖架...D菌會做野架喇...

天氣好熱時，三十幾度，我試過無搵野保溫添...都OK架...本身有菌唔易壞，保溫係比佢生得快D，同埋控制溫度可以保持每次做味道都差不多。(菌越多越酸，唔加溫可能要放耐D先去度個酸度。)當然太少菌牛奶會變壞，但你有種菌落去，就無咁易變壞架喇。
太熱要小心殺死晒D菌...家庭比較難控制溫度，我自己就會用手摸暖暖地既溫度。

唔洗擔心太多，酸乳酪如果唔成功(種唔到菌，或污染變壞)，係好明顯架...唔會食左都唔知...

陏手試下啦....失敗左咪再黎過囉....