最近檸檬樹啲葉軟弱無力, 有些葉開始摺埋, 用手摸落去又"林林" 地咁喎, 好似唔係好"挺身"咁, 但係葉嘅頻色依然好健康,
而曲咗嘅葉裡面又無蟲渦... 不過我知道啲泥有螞蟻... 亦曾經見過純白色好似超微型嘅飛蛾咁嘅生物同埋潛潛... 今日仲被我見到紅蜘蛛添...
睇怕d 葉挺得番都兇多吉少咖啦!
佢有成十個檸檬BB等緊出世ga... 所以我先要想辦法救佢... 因為而家情況未算壞... 發現得還算早...
請問:
1. 葉子變軟嘅原因係唔夠光? 多水? 唔夠水? 我諗到頭都爆...
2. 如何處理蟲害? 咁多種蟲一試過定係分開? 其實螞蟻最多... 其他害蟲都係有好少數目... 不過再唔阻止佢地繁殖應該都幾"大擠"...
3. 檸檬喜歡嘅溫度? 有啲咩要注意嘅細節 - 我多數會怱略咗先搞到佢咁...
PS: 泥土係純唐泥... 我無換過泥或加過泥... 一買番黎就係咁...
澆水: 每日淋一次, 澆濕全部葉子再淋少少喺泥面. 大約用水300mL 左右...
棵樹有1米高左右. 之前因發現有好多地圖葉... 所以都剪咗幾多葉... 但係仲剩番好多葉...
陽光: 每日3點至太陽落山有太陽照
|