三聚氰胺的啟示

金毛仔三年前做左一次大手術,膀胱石,個時掃超聲波及照x光都顯示出d石仔並有 2/3 個膀胱咁多(差不多我隻手拳頭咁樣),睇完上個星期六新聞透視正好與有人舉報奶販/商最初加入三聚氰胺的時間

金毛仔/妹由幾個月大開始每星期飲一盒1公升牛奶來增加鈣質及旦白質,最初飲牛X公司,後來發現蒙牛好味好多,改飲蒙牛,亦有試過飲伊利,終於出事啦 那次金毛仔小便因難,頻密並且痾血尿,真係心痛,帶去睇醫獸佢又同我慳錢,又唔一早做超聲波及照x光,淨係開藥佢食同食SD狗糧,延誤左個幾兩個月 到頭來更要多付伍仟幾才,如果佢一開始就要做晒所有化驗,應該一萬可以埋單
同時間金毛妹d尿亦有白色沙石,帶佢睇醫獸時佢仲講笑咁問我有冇第三隻狗起石,好少/冇乜理由2隻狗一齊生石,想起來真係要向中國政府要求賠償

[ 本帖最後由 prodorothyhkg 於 2008-10-8 20:32 編輯 ]

狗飲人既奶唔係會肚all架咩?
記得當初三聚氰胺俾大陸人發明左, 呢隻人造旦白, 個個人都當汁到寶, 點知依家出晒事...

有冇保留腎石?

按理可以追討, 不過唔知手續, 留意吓腎石兒童如何追討, 金毛都係你的子女

嘩~ 兩隻金毛好可憐啊... 咁佢地病後都無飲牛奶喇?

間唔中都飲,都未知可能牛奶有事,不過少好多啦,2-3個月一盒咁啦,佢地見到奶盒已經非常高興了,不過最慘係金毛仔食左幾年CD糧,成隻狗 "pair"晒

[ 本帖最後由 prodorothyhkg 於 2008-10-9 18:48 編輯 ]

原帖由 everydayfan 於 2008-10-9 14:10 發表
狗飲人既奶唔係會肚all架咩?
記得當初三聚氰胺俾大陸人發明左, 呢隻人造旦白, 個個人都當汁到寶, 點知依家出晒事...

冇啊,最由細飲大,再加魚油丸,d毛色仲好靚好軟

原帖由 Peter 於 2008-10-9 14:27 發表
有冇保留腎石?

按理可以追討, 不過唔知手續, 留意吓腎石兒童如何追討, 金毛都係你的子女

有留番幾粒,不過要摷下

原帖由 kim 於 2008-10-9 14:34 發表
嘩~ 兩隻金毛好可憐啊... 咁佢地病後都無飲牛奶喇?

金毛妹食左個幾月sd同4星期藥,好番啦,最衰係第一次個d藥有敏感,整到爛頸,要睇多次皮膚科,金毛仔就大劑好多啦
而家正漸漸加番d三文魚糧比金毛仔食,睇下有冇改善

[ 本帖最後由 prodorothyhkg 於 2008-10-9 15:21 編輯 ]

原帖由 prodorothyhkg 於 2008-10-9 15:16 發表

有留番幾粒,不過要摷下

如果驗出嚟係三聚氰胺結晶, 告佢都證有據嘛

嘩計埋時間+精神+化驗費隨時妹仔大過主人婆

[ 本帖最後由 prodorothyhkg 於 2008-10-9 18:49 編輯 ]

我以前都會給貓咪飲蒙牛，不知會否出事？

如果冇繼續飲,身體可以分解少量晶石,金毛妹食藥已ok啦,狗女同女人一樣,痾出來容易d
如果貓咪有事應該會出現BB Jack的病徵

[ 本帖最後由 prodorothyhkg 於 2008-10-9 18:29 編輯 ]

我隻仔又係同你阿仔一樣生石.又係要做手術..(照完x光第2日即做呀)
做完手術之後一直食r/d.點知食食下有次驗尿又話發現第2隻晶石.話個隻石可以溶到同轉糧食c/d到而家

原帖由 prodorothyhkg 於 2008-10-9 17:00 發表
嘩計埋時間+精神+化驗費隨時妹仔大過主人婆

其實我都唔知要唔要腎石嚟做證據, 不過覺得有就好D啫

我覺得追究不單是為了錢, 是為金毛取回個公道

原帖由 prodorothyhkg 於 2008-10-9 18:27 發表
如果冇繼續飲,身體可以分解少量晶石,金毛妹食藥已ok啦,狗女同女人一樣,痾出來容易d
如果貓咪有事應該會出現BB Jack的病徵

唔係一定可以痾得出嚟嫁, 香港都有個BB要做手術呀

狗同貓如發現生石,一般都先叫食SD 罐頭( 炎症性結石溶解)(成$30-35一罐,一隻金毛狗1日食罐半到2罐,要命)及藥物如果唔得先決定做手術,因一般動物醫院都少有甚至沒有血庫,手術失血是一重大的危險,所以大手術都會盡量減少
成年狗女及貓女的尿道短及闊,趺落的小石/溶解後變小的石塊可隨小便排出,如果係仔(同人一樣)尿道長及小,痾出比較困難
如果石塊太大或者不脫落就要動手術
醫好後要成世改食CD糧以減少鈣質累積<==成千銀一包 40lb,亦係生產商+獸醫"略"錢的產品

[ 本帖最後由 prodorothyhkg 於 2008-10-10 10:30 編輯 ]

以上醫療法是貓狗自體容易生石的處理方法,並不包括人為因素使動物生石

原帖由 Peter 於 2008-10-9 23:25 發表

其實我都唔知要唔要腎石嚟做證據, 不過覺得有就好D啫

我覺得追究不單是為了錢, 是為金毛取回個公道

我都問過E生..E生話其實好多原因引致生腎石架!

但絕少2隻同一時間生架