本帖最後由 vivianwong 於 2016-4-18 14:07 編輯
你對家人好大怨氣.. =_="
我相信唔會有隔夜仇,
等大家都在家裡,有空,心情好(睇得出), 唔好咁暴躁,輕鬆啲,嘗試溝通一下 (一次唔得繼續講下),
比如有花花睇/啲花有香味/顏色幾靚/心情都開心啲/ 細細粒花你睇下幾得意, 你知唔知依棵植物朵花結構係點呢,
我地食o既食物都係由花授粉結出果, 試下一齊種洋蔥/ 紅蘿蔔 蔬果香草之類開始 (引導家人對(花)種植慢慢不太反感), 有得睇又有得食...
睇多啲綠色植物, 對眼, 精神好, 仲會對家宅帶來好運/ 吸廢氣, 幅射 呼吸暢順健康好多 之類之類之類...
"佢地會更反對"/ "佢地只係覺得" / "佢地成日都想我" / "你一行開即刻同你熄咗佢"
係真有其事/ 已發生...還是只有你假設...
"我點都唔會掉"
睇你對植物/種植好有心...
唔相信你家人會咁絕情唔通融你種花花, 唔包容一盆細都唔比... = _ =
我家人都會發下牢騷, 數埋盆睇下我有無入多盆... = _ =
你有張良計, 我有過牆梯... 盆照舊數目, 月季盆中種啲啲草花/多肉...
小生命當時順利逃過家人法眼, 不過第二日發現左, 隻眼開隻眼閉, 無事發生... : PP
如果仲係唔比你種花,
你去新界錦上路或者社區農地租地方種蔬果, 等有收成割啲香草食用花蔬菜在家煮飯仔,
好好食好甜, 本地有機, 心血愛心種出黎, 藉此講番你啲成果由來, 感化你家人對你在家種植花卉無咁大戒心 (價值觀) ...
如有冒犯, 多多體諒小妹口出狂言, 預左插秧... |