狗農莊 - 2015秋耕篇

請問疏苗後，弱果d係咪唔要？定係當芽菜食？

clly 發表於 2015-10-1 12:05
請問疏苗後，弱果d係咪唔要？定係當芽菜食？

我會洗乾淨當芽菜食。

終於有時間收割晒啲櫻桃蘿蔔，清理啲盤，加泥，落基肥，移種左啲植物到露台。始終露台陽光好啲，但之前太高溫，我種啲寒天菜蔬，怕佢地頂唔順。
跟手仲落種種白蘿蔔，3種生菜，芫茜，蒔蘿，細蔥和冰菜。祝我好運，發芽發發發！

強啊~~~好想有個哂到應一應既露台可以種野

在香港，秋季係最好種植，溫度和濕度適中，加上日照強。簡單種吓生菜，矮豆和香草，成功率高，種植期短，好開心架！

Ching0708 發表於 2015-9-21 16:25
請問羽衣甘藍種子邊度有得賣呀？

元朗陳平記都有

今日見到尖椒葉有一個個小窿，初時以為曬親，後來係葉底見到條青色蟲。只好用毛筆，每塊葉底檢查，一見到就掃走放在水杯內。

我已經係網室內種架啦，都係防不勝防

RoyalSashimi 發表於 2015-10-20 10:00
在香港，秋季係最好種植，溫度和濕度適中，加上日照強。簡單種吓生菜，矮豆和香草，成功率高，種植期短，好 ...

請問冰菜種子可以係邊度買???

renupu 發表於 2015-10-22 15:58
請問冰菜種子可以係邊度買???

請睇翻呢個帖的第一頁。

RoyalSashimi 發表於 2015-10-22 13:10
今日見到尖椒葉有一個個小窿，初時以為曬親，後來係葉底見到條青色蟲。只好用毛筆，每塊葉底檢查，一見到就 ...

今日繼續捉蟲，尖椒災情完全受控，但今日重災區為羽衣甘藍和生菜。
目標：努力撲殺至零新捉個案為止！

天氣越來越涼爽，農作物生得又快又靚，剛剛追肥和整理，希望好收成！
係露台和窗台種植，地方唔多，但又要種得多品種的話，就要好好計畫。多利用培苗盒或培杯先發芽後移種，就容易保持整齊和苗的質素，甘樣好收成的機會就大大提高啦！

RoyalSashimi 發表於 2015-10-31 13:42
天氣越來越涼爽，農作物生得又快又靚，剛剛追肥和整理，希望好收成！
係露台和窗台種植，地方唔多，但又要 ...

好多苗，好靚呀！

呢個禮拜無乜陽光，濕度又高，所以淋水都少量左。

蘿蔔不可移苗呀，否則會生得K型，唔靓仔嫁！

天氣仍幾熱 下，上星期又無端陰天左9日，搞到啲作物一係生得慢，一係就無精神，最可憐就係尖椒成唔到果。
收割少少羽衣甘藍和生菜開心下啦！

收割埋啲瑞士和澳洲生菜，反正之前天氣熱，種得唔多pretty，清理左2個盤，預備種係上環種籽店買的菜心。
菜心發芽好快， 2日就出齊晒。

新手種野食，最好種香草和micro-green，成功率高，容易打理，其次就係葉菜，種得差都總有少少食。

第二次種椒，怕好似第一次咁失敗，所以好緊張。其實唔應該太難種，同其他結果的蔬菜一樣要日照最少4小時，NPK要以PK比例較高。
但甜椒對溫度比較敏感，日間24-28C，夜間18-22C最合適。主幹以後分出3-4條支幹，每條支幹留4-5個葉節就最好摘芯，唔好浪費能源生葉唔生果，第一朵花開後可將主幹的葉摘去，用意係將營養留比以上的果和增加空氣流通。
以上心得係個人經驗分享，希望幫到大家。Happy Farming！！

羽衣甘藍生得幾快，今日又收割啲今晚整沙律食！  每次剪唔超過1/3 的葉，咁唔會太影響植物的生長。

種紅菜頭食苗?