我的買種子日記

一向知道上環有幾間種子店，昨日終於得閒去，睇下有無野可以買。
係其中一間見到一樽樽玻璃瓶的種子，就想起可以買菜心種試下。
我向一位老店員查問，以下係對話內容：

我：唔該，我想買菜心種子，請問有邊隻品種？
老店員：你話我知咩品種喇，你甘叻！
我：我就係唔知所以問你.....呢個時候適合種菜心嗎？
老店員：呢個時候種咩都得架啦！你係咪要呢家種架？係就比呢家種的種子你。
我：好呀。甘呢個係咩種？
（跟住老店員好不悅地行開，並示意一個年輕店員黎搞，但年輕店員就叫佢阿爸搞掂）
阿爸店員：如果現在種就呢種啦，30日就收得，發得好好架。
（我見玻璃瓶上有label，想睇下寫咩）
阿爸店員：個label唔關事架，依家唔係甘買種子架啦。
（我本住試少少無壞的心態，好啦，都買啦。其實我當刻係被老店員的惡劣態度嚇親，有點不知如何）
我：甘啲種子點買？
阿爸店員：最少都$10啦
我：ok，甘就$10
（店員就spoon左一匙比我）

其實我唔明點解態度甘差，我由開始都好客氣。點解唔肯講個品種比客知？話$10最少，但都無講清楚unit price。
係唔係我呢類興趣農夫係不受歡迎？定係我問錯問題？

根據阿爸店員講係30日菜心，係網上查過，應該係四九菜心。。。唉～都唔知種唔種好

宜家其實係咪應該開始種70日菜芯架?30日好似係夏天細種喎!!(好似咋!!)

其實種子行的店員無話好唔好態度，只有一個原因就係你買佢地玻璃罐入面d種子，所有種子行都係當罐入面d種子係超級珍貴種子，一般來講，是佢地留種或好似千山萬水咁搵返來，佢地只賣比佢地相熟農夫/客人去種再留種之類，尤其d老店員心態，絕對係你呢d女士邊識種野又唔係農夫，唔好望我d靚種子，(但你又選左佢罐入面d菜心種子)，所以咪黑起塊面，仲唔想應你，你以上對話好明顯老店員係已經想打發你走

其實我都明白呢類種子店都係百年老店，以前係全東南亞的種子供應商，實有啲傲氣。
但現在環境真的不同了，商業農真的減少了，但興趣農就越來越多，點解唔可以從呢方面想，等啲優質種子可以普及和繼續發揚光大呢？ 我去買佢啲種子係敬重他們的專業。
其實當日我想問蕭岡種菜芯，但都唔敢問了。記得小時候食的菜芯係又粗又甜，菜味濃，現在的有機菜芯或菜苗都無味，仲貴到死，所以先自己試種。
如果睇過我「狗農莊之2015秋耕編」就知我好有誠意去學做農夫。
講返轉頭，包種子$10，其實都好大包，我覺得店員可以收貴少少咯，真心講架！

RoyalSashimi 發表於 2015-11-2 15:17
其實我都明白呢類種子店都係百年老店，以前係全東南亞的種子供應商，實有啲傲氣。
但現在環境真的不同了， ...

玻璃瓶係陳xx ？上次都係個d買咗d蔥嘅種子，可能因為冇乜問問題所以冇野。但係買肥料個時問咩都唔係好答，係第二次再去換咗第個人先答到npk係9-3-7。不過連有機定冇機都好似答唔到咁 問成份係咩又話咩都有，但同時又講唔出係咩。。 有d無奈。相反行過兩間個老闆就知得詳盡d，就算唔知都會直接講唔會好似是但up咁

我都有諗過係種子行度買，但買得太少又怕俾佢嘈，所以最終都係放棄

其實，買玻璃樽裝種子真係有啲保留，唔知新唔新鮮，試過買散裝種子完全發唔到

cccow 發表於 2015-11-27 19:54
其實，買玻璃樽裝種子真係有啲保留，唔知新唔新鮮，試過買散裝種子完全發唔到 ...

咦。咁唔知係咪我上次好彩，買咗玻璃樽的蔥種子，落咗8粒，出咗7粒阿

其實家下種生菜都唔錯喎.

我最近先得閒落種啲菜心，發芽率100%，每棵苗都靚。種子質量好高喔！

RoyalSashimi 發表於 2015-11-29 12:43
我最近先得閒落種啲菜心，發芽率100%，每棵苗都靚。種子質量好高喔！

咁你下次仲會唔會去返o個到買？