8月份打嘅皂陸陸續續都開始可以用, 第一舊開光嘅就係呢款洗頭皂, 用左已經有一個多星期, 係時候要報告用後感。
首先要多謝水母提供嘅配方, 我再係配方上加減想要嘅材料及比例而成。
配方:
山茶花油 – 30%
椰子油 – 28%
棕櫚油 – 28%
蓖麻油 – 10%
荷荷巴油 – 4%
我嘅髮質及習慣:短髮, 多而密, 硬性, 偏乾, 但頭皮不油膩, 習慣隔天洗頭, 會用很少量定型cream掃頭頂豎起嘅毛毛
皂特性:易起泡, 泡量夠多而細密, 沖乾泡泡後用手指嘗試梳理頭髮, 會感到輕微”啜”手。
洗後感:吹乾後髮質乾爽, 不會糾結, 亦有少少鬆, 前排落雨潮濕天氣, 頭髮都不會”塔”
皂洗後情況:濕水後不軟, 也不易溶, 頗實淨
總結:合格有餘, 但我覺得唔夠保濕, 下次會嘗試加入酪梨油
塊皂我比左老公, 但佢話要用哂屋企個D唔organic嘅嘢先開始用我整嘅髮皂, 佢同我髮質唔同, 遲下再報告~
|