關於二氧化鈦(鈦白粉)的問題

你好 想問有無人買過二氧化鈦(鈦白粉)做皂 我見到一些配方用二氧化鈦令皂變白色
我上網見有水溶性和油溶性納米二氧化鈦 但用途多是防曬 我又搵到油畫用的二氧化鈦 仲有液態既二氧化鈦

請問有無人知道邊種先係可以用黎做皂? 如果係納米二氧化鈦 應該用油溶性嗎? 謝謝

可看這個：
http://peggy0713.pixnet.net/blog/post/26656128

但其實只是乳皂會偏黃時，用二氧化鈦漂白做色才有意思。　如果做一般水溶鈉的皂，出來的皂色也很白的，尤其椰子油成份高的皂會特別白。　

另外，不一定要用二氧化鈦，佢只是用來＂美白＂，其他美白方法可以用白泥或白珠光粉，每種白法也不同，要看你想做的皂花紋是什麼效果。我的皂幾乎全是乳皂，但很少用二氧化鈦做色，因為乳皂本來就是偏黃，我會傾向保留它的＂原始＂色，再拿一部份皂液做色添美感。
這裡好多人有ＰＯＳＴ皂相，你可以找找帖子欣賞下，再設計自己想要的皂花紋效果。

And nanoscopic TiO2 ( titanium dioxide) will pass through your skin easily, and those nano scale substances MAY have some "negative" effect(unproven)

jellyfishy 發表於 2015-2-25 10:29
但其實只是乳皂會偏黃時，用二氧化鈦漂白做色才有意思。　如果做一般水溶鈉的皂，出來的皂色也很白的，尤其 ...

唔該晒 因為我上網見到人地會二氧化鈦去做白色 對比好強烈 所以好想試下 其實我唔需要美白 只係想要好白既白色 我都係整過幾款皂 都係保持原色 所以想試一玩下顏色 真係唔該晒你既解答


我跟書整左個用米漿做既皂 書做出黎好白 唔知點解我整得咁黃 同埋有D一點點 係唔係攪得唔夠暈叱呢? 我已經用機打 不過我又怕打得太耐trace得太勁太杰 有時真係唔知點先叫OK 有D我整出黎好稀 有D好杰

書無教個米漿點做 我只係加水攪拌 其實要唔要煮左先用呢?

jjcolagirl 發表於 2015-2-26 10:25
唔該晒 因為我上網見到人地會二氧化鈦去做白色 對比好強烈 所以好想試下 其實我唔需要美白 只係想要好白 ...

有沒有皂的近鏡?

下次做米槳皂, 可以先雪米槳成冰來溶鈉, 看看會不會白一點. 書的皂相可能有攝影效果, 所以白D呢~

jjcolagirl
咁米漿要唔要先煮? 我今次就咁浸左D米再加水攪 仲有少少渣 我諗住無影響 其實係唔係應該好似整豆漿 要隔渣再煲呢? 等我今晚返去影近鏡再PO  發表於 24 分鐘
---
你本皂書無教?
米槳稍稍加熱便可, 也有人說不用加熱, 要看你想有什麼營養在內, 我個人對米槳皂無乜感覺, 所以無再造了.
個人做法會隔渣, 防止有機固體入皂容易變壞.

jellyfishy 發表於 2015-2-26 16:43
jjcolagirl
咁米漿要唔要先煮? 我今次就咁浸左D米再加水攪 仲有少少渣 我諗住無影響 其實係唔係應該好似整 ...

我個本書無教 只寫米漿 米同水既比例都係求其整 其實無諗過要留咩營養 我都只係做過幾款皂 諗住做多d試下洗感 我都係試左自己一款皂 以前無用過手工皂 但用完發覺唔會好乾同猛猛緊 所以想整多d 同埋整皂好開心 整完又可以自己用

呢個係近鏡 應該唔會係鈉未溶晒 我用洗米水溶鈉的 會唔會因為咁唔用得呢? 要唔要切走佢? 同埋好似一達達咁 我其他皂都無咁呢...



呢個係書既相 顏色好似差好遠咁 香薰油會唔會令皂變色? 我用左依蘭依蘭＋甜橙＋柏絲 但入總油量3%唔係好多

Just a thought:
Can Calcium carbonate, CaCO3, be used as a "whitening agent" for soap to create white colour 0.0?

jjcolagirl 發表於 2015-2-26 21:47
我個本書無教 只寫米漿 米同水既比例都係求其整 其實無諗過要留咩營養 我都只係做過幾款皂 諗住做多d試下 ...

哈哈～～～很同意啊~ 打皂好心情, 是一個愛護身體和環境的好幫手~

加精油入皂呢, 只求香味, 其天然化學原素已在皂化過程盡失的了, 只留下香味, 和對該種香味的感觀作用, 精油份量則視乎你想有幾香了~ 哈~~

坊間好多書寫 D唔寫D, 又會失實, 不能盡信.

得閒刨下我們的帖啦~  之前有很多討論, 應該也有意思的.

看你的皂相, 可能係米槳的不皂化物留在皂裡, 會不會有細細舊的沉積物在皂底, 是這樣嗎?  
存放皂的地方以乾燥陰涼為佳, 現在天氣潮濕, 皂會比較易壞, 皂在濕度70%或以下為理想環境, 存放得宜, 呢件皂也未必快壞既.

如果想有磨沙效果，就要打皂到ＯＶＥＲＴＲＡＣＥ這個狀態，＂渣＂就不會沉底了。

jellyfishy 發表於 2015-2-27 11:58
如果想有磨沙效果，就要打皂到ＯＶＥＲＴＲＡＣＥ這個狀態，＂渣＂就不會沉底了。 ...

多謝你既提點 我自學有好多野都唔太清楚 都係上網search同睇書 有時睇左 到自己真係做又真係會有好多問題 好在有好多有經驗既朋友分享佢地既知識 好感動!!