浸泡油一問

想請教大家，我8月22號浸左樽薰衣草橄欖油。今日諗住打開黎聞下陣味怪怪地，好似有d 微酸味。係咪已經失敗左???
預備工作係先用熱水洗淨玻璃樽，再自然風乾。
用既都係乾既薰衣草。
只係一直存放一個冇陽光照射既地方。
現在咁既情況可以有得補救嗎??? 希望大家幫幫我。謝謝了

你樣樣做足和正確，照理應該不會出錯。
油有無過期？是初榨橄欖油或pomace橄欖油？浸泡用的油要用質素較好的。，
你指的「酸味」，會不會是薰衣草浸在油裏的味？
不用太擔心，留意油內的薰衣草有無發霉的跡象。
書本教浸泡油要等兩個月後才用，但我覺得如果不趕着用，浸半年更好。

還有，浸泡後不必經常開蓋聞，會影響效果。

sausau，多謝你既回覆。

sausau，我第一次整所以用左平價既果渣油作浸泡油…油剛買未過期架。我唔知薰衣草發毛係乜野樣所以影左張相。好怕到收成期但樽野唔用得。所以琴日急急再浸一支洋甘菊既。希望唔會失敗啦。睇完你既回覆，我放心d 唯有慢慢等下

824 發表於 2014-9-2 13:22
sausau，我第一次整所以用左平價既果渣油作浸泡油…油剛買未過期架。我唔知薰衣草發毛係乜野樣所以影左張相 ...

唔好緊張先，玩DIY好常會出現〔蝦碌〕，最緊要適〔執生〕

首先，你這隻果渣油，即olive pomace，是最低等級，用來浸花草，為了得到最佳效果，花多少少錢買olive light或以上如olive virgin,olive extra virgin(這裡的花友叫EV，是最頂級的橄欖油），值得的。我以前也是用pomace浸，後來朋友教DIY的老師這樣說，我覺得有道理。

另外，浸油用的花草一定要是乾透的。我試過買白蘭花浸，因為中間弄不乾，結果長了霉，肉眼會見到油裡的花有層毛毛包著

我見到你那瓶洋甘菊好似渣多油少 記得油要浸過面多1／3。放入浸泡物後，頭幾天久不久輕搖樽身（不要打開蓋），讓浸泡物內的空氣跑出來。當搖到無乜氣泡，就放在陰涼避光處。

兩個月後或更久（我放大半年），便可隔去渣。我用咖啡蒸餾紙放漏斗內，置空瓶上，然後手那一個不鏽鋼密隔網，另一隻手緩緩倒進浸泡好的油。這方法過濾的油十分清澈。

sausau，咁我下次也改用ev 浸泡先。再想請教下那樽洋甘菊要開蓋加多d 油嗎??? 仲諗住料多d，功效好d tim。haha