之前講過會貼d DIY 過程相出黎 , 不過因為整0既時候太多意外 / 問題, 所以無影到幾多相.
我係咁講我整架個程序喇 :
1. 度好位 , 劃好圖 , 計好尺寸後, 去買一大堆格仔網片 ( @$398 X 9 , 再有 65折 ) . 去旺角裝修街買左一堆戶外木地板 (@$110X16) , 去 B&Q 買左 8 對戶外木腳 (@$38.00 / 對 ) , 去五金店買一字碼, L 碼及 T碼 , 長索帶 , 去花墟賓賓買左兩對長形L戶外專用金屬碼 , 同一件連結金屬組件( @$30 / 60 對 ) .
2. 我用呢D係燒杉木 , 好多地方都係用手機打針落去固定, 所以會再用不銹鋼釘打多幾口落去D接口位度.
3. 因應天台斜水 / 去水位 , 排好木地板. 然後用一字碼響木地板側上實佢, 將16塊木地板連起黎. 地基就會重身好多唔會郁.
4. 將木網片安裝到木腳架度, 為安全計, 一邊用木腳配埋0既支撐木條 , 另一邊就用 2" 不銹鋼 L 碼仔, 將整塊木網片固定在木腳上.
5. 將已固定0既木網片連腳 , 放到木地板上, 因應位置後, 用膠索帶暫時固定位置 .
6. 在2塊木網片的接合位 , 安裝好連結組件.
7. 由底部開始安裝碼仔 , 先裝木腳連地板那部份. 每裝一隻碼仔, 就要檢查一次整組架有無移位 , 有無歪到. ( 響呢一段,我做左 2日共 8粒鐘) , 裡裡外外都要裝 .
8. 裝好木地板連腳那部份, 就要安裝所以木網片的連接位.
9. 最後要裝好頂部 2 片木網片, 因為我計錯數, 網片唔夠長, 所以要用多 $100 去買多2件松木欄柵 , 放在頭尾 , 延長整個架頂.
10. 用 L 碼將松木欄柵定位在架頂.
11. 中間位置, 我裝上了一隻戶外木腳 , 加三隻 T 碼 , 將架頂弄平.
12. 在中間網片四隻角位, 加上長形戶外專用碼仔.
|