請求提供薄荷葉提煉方法

事緣買左部雪糕機又種了許多薄荷，恰巧愛食薄荷朱古力雪糕，但網上整雪糕的recipe 都係落薄荷味精油〜〜〜E 咁我種薄荷買薄荷精油咩，笑大左屋企兩老把嘴！
仲問我：＂咁你種薄荷唻薺欣賞唔食嫁？哂力水噯！＂
氣得我擘大左對眼，恰巧見到原唻度有好多DIY達人，所以想要唻出帖問

請求各位大大提供一下薄荷提煉精油／食用品劑的方法。

如蒙提供，感謝萬分！

如果你話:提供方法, 日後分享雪羔可能會快D有回覆.

雪糕食譜一般是用薄荷香精非薄荷精油，兩者有分別的。提議你試試用食譜内的牛奶來攪碎薄荷葉再去渣，其餘照回食譜就可以，葉的份量要自己試了。但我未試過這樣做的，我覺得此做法應該與香精味道不會相同，但天然d囉。

其實自己食不用太計較，可以就咁樁碎啲薄菏葉，隔汁或用奶洗，少少渣不是問題，我記得細細個食椰子雪糕裏面真係有少少椰子渣咖，唔覺有咩問題啵~
話時話，而家咁涷，你都咁大癮自製雪糕嘅~

孖吉 發表於 2013-12-10 10:53
其實自己食不用太計較，可以就咁樁碎啲薄菏葉，隔汁或用奶洗，少少渣不是問題，我記得細細個食椰子雪糕裏面 ...

我揾到有人教文火用奶煮薄荷葉, 滾後即關火, 蓋住焗一小時等佢出味, 然後隔葉渣, 試下咁整, 希望兩老食得出滋味

其實按統計
夏天暢銷的是 soft drink
冬天暢銷的反而是雪糕 (因為夠凍先刺激又無咁易溶)  

siuho331 發表於 2013-12-10 10:43
雪糕食譜一般是用薄荷香精非薄荷精油，兩者有分別的。提議你試試用食譜内的牛奶來攪碎薄荷葉再去渣，其餘照 ...

我之前用雲呢哪食用香精整雲呢娜味雪糕, "精油", "香精" 都唔在行, 所以打錯左,
曾經有個呀 sir 教過 : "你要識嗰樣野, 先至唔會用錯字, 所以唔好用錯 term , 人地會知道你唔識 "

好明顯地比你發現我是門外漢 , 這叫"應棍"  <<<< 述語反而我在行

Maximum 發表於 2013-12-10 12:34
我揾到有人教文火用奶煮薄荷葉, 滾後即關火, 蓋住焗一小時等佢出味, 然後隔葉渣, 試下咁整, 希望兩老食得 ...

無咁易溶就可以分享, 皆大歡喜.

Maximum 發表於 2013-12-10 12:34
我揾到有人教文火用奶煮薄荷葉, 滾後即關火, 蓋住焗一小時等佢出味, 然後隔葉渣, 試下咁整, 希望兩老食得 ...

正確做法係水滾後熄火,落乾簿荷葉,焗5分鐘~呢個係煲中藥的方法
新鮮薄荷可剪碎,都係焗5分鐘左右,焗得過龍,d味會揮發晒~
或者用60-70度水/奶焗30分鐘,若溫度降低可微微加熱,咁就可以保留精華向奶內
乾薄荷較易出味,而且冇新鮮薄荷的草青味~

prodorothyhkg 發表於 2013-12-10 18:18
正確做法係水滾後熄火,落乾簿荷葉,焗5分鐘~呢個係煲中藥的方法
新鮮薄荷可剪碎,都係焗5分鐘左右,焗得 ...

呵呵〜終於唔使分享雪糕都有人答到我囉。

謝謝達人

吉Sir:到時影相請你地眼睛食 好彩係影雪糕〜唔係。。。。眼睛食冰淇淋

Maximum 發表於 2013-12-10 18:26
呵呵〜終於唔使分享雪糕都有人答到我囉。

謝謝達人

達乜鬼人丫,係以前煲得藥多先知咋
而且我以前都種左好多,乾同新鮮食法都試過,新鮮係方便,但味道唔香~
不過你種要小心,我當時種種下唔知比d乜野咬晒(一定唔係我對狗),整到我冇晒心機繼續種

prodorothyhkg 發表於 2013-12-10 18:34
達乜鬼人丫,係以前煲得藥多先知咋
而且我以前都種左好多,乾同新鮮食法都試過,新鮮係方便,但味道唔香~
...

知道。總之謝謝啦

薄荷有虫食嫁，我捉過虫啦，成日唸條虫一定周身薄荷味，禁爆佢，成肚綠色啫喱漲爆出唻，捉多幾條爆爆埋埋可以當薄荷醬點羊架

邊食邊讚地兩老同我講 : " 噯喲 ~ 薄荷真係可以整雪糕喎, 種多 d 囉"

今次仲唔威返次 ~ 呵呵 , 為多謝各位教路, 請埋你地食, 放心食, 尋晚到而家都無拉大