請求提供自留種子簡易剝殼方法

買種子實在好貴 ~ 今年開始種野, 想留下一些農作物種子備用, 大粒種子好容易收, 今回到羅勒同金不換, 種子細細粒, 幾十萬個殼, 每個子嚢得4 粒種子, 一棵羅勒既種子嚢剝殼都剝到我金精火眼, 請問花友們對於細種子留種, 有方便快捷秘技提供嗎 ? 我見到嗰棵莧菜,有種子都唔敢收, 由得佢熟到跌返落泥算啦 ~

如有提供, 謝過謝過 ~

我收過羅嘞，捽吓咪甩囉！你有10零粒種乜都夠啦！

我通常會風乾到花同葉都脆身。用手卒碎的葉同花。輕輕吹走啲碎。啲種子就會留低。

捽碎我都試過，但殻碎同種子撈埋一齊都好難分開，我用口呼呼吹，連種子都吹走埋。

我在想，應該有工具例如種子「西」咁，細細粒種子可以「西」出唻，下面揾個盆裝住，上面既殻碎可以隔開。

農夫鬼咁多野做，邊得閒呢慢慢剝？佢地應該唔似我咁閒，而剝完一lot種子先覺自己笨實，成日唸無理由無理由，應該有快捷方法。

孖吉 發表於 2013-11-20 17:29
我收過羅嘞，捽吓咪甩囉！你有10零粒種乜都夠啦！

我要留好多好多種子，準備春播時撒田邊，希望羅勒粗生快大既特性能生得快過草，咁咪唔使除咁多草囉，而佢陣味又可以擾亂虫虫，等佢無咁易揾到我既「寶貝=美味既十字花科」。

試驗試驗，歡迎意見。

Maximum 發表於 2013-11-20 17:57
捽碎我都試過，但殻碎同種子撈埋一齊都好難分開，我用口呼呼吹，連種子都吹走埋。

我在想，應該有工具例如 ...

使乜揀到咁乾淨呀，搵自己笨。播種時種子連d碎一齊撒落田，嗰些少碎唔會影響種子發芽的。

silicon 發表於 2013-11-20 19:51
使乜揀到咁乾淨呀，搵自己笨。播種時種子連d碎一齊撒落田，嗰些少碎唔會影響種子發芽的。 ...

我都覺第一round 笨左架，咪出個帖請教下各位大大囉

樓主我同你一樣,D羅勒種子超難搞...
攞D種子出黎仲搞到隻手黑哂
所以依家整碎個殼拋落D泥就算

咁細種子點收最好呢？細細粒，好似菊花、莧菜呢d種子，見到都怕怕。

咁細種子大家除了捽死佢，有無無咁粗暴又易收集既方法呢？好似甘菊、莧菜呢d種子仔，見到都怕怕.

剪下成熟花枝放胶袋裏風乾/晒乾,然後在胶袋內捽碎,種子較重身,會落到袋底

我都試過用尖咀拑，一粒一粒拑出黎，做了幾轉頭暈。後來沒有分了，眼太痛。跟住只留少許，其他連殼送給花友。