你地信唔信發夢見到嘅嘢?

你地信唔信發夢見到嘅嘢?

講住case 1先.....

好耐之前本人5見左屋企條大門匙, 5知響邊5整見, 搵左成個禮拜~!

有日發夢, 見到有把聲問自己條門匙去左邊?
跟住見到夢入面個自己, 施施然咁去屋企SOFER底, 伸隻手潛入去, 一執就執返出來~!

...醒左之後照住去搵啦, 點知真係搵得返~!!!

所以, 有D野真係....5知點解???!!!

可能係發生左,而自己忘記了的事件,在夢中潛意識做多一次

andyman 發表於 2013-8-25 00:21
可能係發生左,而自己忘記了的事件,在夢中潛意識做多一次

我都覺係潛意識記返起...放左係邊

哈哈....仲有好多同潛意識似乎毫無關係的; 不如又講下你地發嗰D奇奇怪怪夢吧

我係有壓力而發同一個夢,發左好多次。
內容係番工開閘,需要關防盜,跑左幾條街,喘曬氣,但每次都失敗,響警鐘
但現實係唔可能發生的,因為個系統匙就在閘門口。自從果份工冇做後,就冇夢見啦

我發夢中左六合彩, 有一世用不完的金錢....過住好多開心生活...狂食野, 狂種野...住大屋....狂去旅行....仲要長生不老....不用返工朝9晚6

可惜醒來返回現實.....

只知道都無咩可能出現

又講下case 2....

又係陳年往事......

我以前讀左3年U係返FT的. 頭果兩年係好少join part-time evening啲書友仔上堂. 係第3年的上半年, 因為本人課外活動繁多, sem. break去左玩外展land-sea diploama, 跟住返來即刻join畢業thesis歐遊團做另一份功課, 搞到成日廿四小時唔夠用~!

一晚, 試過成晚發夢就係見住一幅"車頭相", 見足8小時, 但係相中的陌生面孔, 當時從來未見過~!

因為本人走堂走得勁抽過人, miss左成個月的tutorial, 所以班長就好好人咁畀左part-time 同學們的時間表過來, 叫我去補返D課~! 點知才第一次join佢地, 就遇到呢幅"車頭相"入面嘅人~!

呢個人, 後來做左本人的男朋友......

我試個發了好幾次同一情形的夢。我知道自己發錢寒。因為夢境是電話亭的出錢處D輔幣不停的跌出來.................

吉 爛賭鬼發夢响電話亭拉老虎機 XDDDDDD

vaniza小馬 發表於 2013-8-29 00:57
又講下case 2....

又係陳年往事......

妳咁講小心啲！唔好講比妳男友知呀！

講到發夢.....真係大把嘢講~~
d學者話每個人日日都會發夢,有d發咗嘅夢記唔起,就以為自己無發過~
不過...點都好,唔記得我就當無發過,我就甚少發夢的~~
但一發夢,多是恐怖嘅夢,而每次醒來都覺得好大風,同好凍....或好想去小解
我覺得發夢同風及天氣轉涼有關,細路仔嘅時候經常發夢...仲有好多次係發相同嘅夢
比較深刻的一個,係我落樓梯,d層數會愈落就愈大,即係行到十幾樓,見到d數字係二＋幾三十幾樓,我落唔番下面個層....好驚...就在某層的某個單位(開咗門的),入咗裡面看,竟見有人同條屍化妝....
又有一次發....喺見到有好多恐怖分子用布包裹一個人,然後狂打佢....我驚醒後,才醒起原來昨天看了國際新聞講d恐佈分子的嘢,情節差不多,所以有好多係日有所思,夜有所夢.....

仲有發個一次見到觀音的夢....
仲有一次(已十幾年前)就係半夜醒來,腦袋一片空白,無嘢想...但不由自主地,講咗一句"大同世界",這句說話,我沒有思考,但感悟了甚麼似的.....整個宇宙都係一體....好神奇!
我小時候經常會思考"我是誰"...我依架講緊嘢,在依個空間,點解會咁嘅,但沒有人去問這個問題,只見人人都有自己要做嘅事,而我就好像出咗世看依個世界....

有咩所謂，果個人咪就係佢囉！

vaniza小馬 發表於 2013-8-29 20:31
有咩所謂，果個人咪就係佢囉！

係唔吉利㗎！

讀書時試過好幾次唔識做嘅MATHS題, 發夢解決到.

可能 我係雙子座, 發夢俾自己呃.

個夢好長, 簡畧如下:

發夢被幾黑社會人圍, 要我賠錢, 這時見到一個朋友很遠經過, 個心想如果佢過嚟, 都唔夠人砌, 於是打眼色話俾朋友知發生甚麼事, 佢又明喎, 佢又打眼色叫我唔好俾錢.

這時個黑社會同我講: 你買對鞋, 舒唔舒服, 你會唔會問人吖?
我好叻咁答: 著得舒唔舒服, 只有自己知, 問人都冇用.
咁個黑社會就大聽鬧我: 咁咪係囉, 你賠錢就賠錢, 唔賠就話唔賠, 你問人做乜嘢呀?

我醒返諗吓, 在我的夢中, 哩個黑社會諗嘅嘢, 都係我個腦諗出嚟嫁啦, 點解佢諗到D嘢, 我諗唔到?  明明係我個腦諗條橋俾佢, 點解我又唔知佢諗乜?  點解我又會咁蠢會俾佢呃到?  佢咪又係即係我!  佢呃到我, 咪即係我自己呃到自己!

比得大帝 發表於 2013-8-30 15:00
可能 我係雙子座, 發夢俾自己呃.

個夢好長, 簡畧如下:

哈哈哈～～～～

的確係有大小科學實驗確認了夢中的故事是潛意識在說話，所謂潛意識，你當係另一個自己，一個每日99%時間無意中左右你思緒的"你"．
精神分裂是較早期的精神病，其實就是潛意識佔據有意識的自己在人前活動咁解．好多精神病者發生事之後，會說：”我唔想咁做，當時唔知點解我有咁既想法，跟住做左ｄ咁既事，事後覺得自己唔想咁架，我都唔知點解發生呢件事．”

不同宗教都有提過，人分演魔鬼和天使，一個人分演幾個天使和魔鬼也不定，晚上睡著了，有意識的部分少了控制力，腦袋另一端”潛意識”就容易走出來活動．如果潛意識係比較魔鬼一面，你個夢可能會有好多恐懼，最多情況係逃亡／有人捉你，我有朋友成日話自己在夢中係一隻怪獸，打爛晒ｄ地方又周圍打人，哈哈～　幾好玩架．我和呢位朋友傾左幾句，原來佢唔滿意當時工作狀況和居住問題．　簡單ｄ解，你的另一面告訴你的潛力或你的內在恐懼．

好一方面想，如果潛意識係天使一面，”你”會在夢中啟發你，我試過好多次夢醒個下”丁”一聲，另一個我教饒我ｄ野，或叫我要珍惜ｄ野云云．好多古人鍾意發夢搵靈感，應該也是相信夢中的另一個自己具創造力和啟發性吧～

可以的話，留意下自己的夢，有時都幾有趣的～

回覆點評:12#
vaniza小馬 好特別, 咁你果時有冇宗教信仰?

我以前讀佛教小學的,每天返學上堂前,我哋要誦佛號,唱校歌,三寶歌.....我心裡有佛,但對佛教認識不多,讀小學時有佛學堂,有講佛陀出生,悉達多太子遊四城門,五戒等.....
自從升上中學就無接觸佛學了......在＋多年前,我所講的發夢所見....當時仍未有信仰....自從十年前經歷了一些事,愛犬過身,我就有緣再接觸佛學.....這段緣可以說不可思議.....其後幾年內有更多不可思議的事發生了....我流過淚....因為我無法解釋為何會這樣巧合的事會不斷發生,以前我沒有宗教,只會覺得人死後就好似長睡咁,甚麼都沒有了.....但自從巧合的事(不可思議)不斷發生,就令我改觀了,感應道交不可思議.....我感到佢嘅存在....但我有時會好感慨,因為人世間有好多苦難,我無法改變.....

上星期有位朋友來電,說很久不見想約我吃飯,我就應約出咗去同佢吃飯,飯後有講到世界有無鬼依個話題,講吓講吓就講到發夢的事,佢同我講發夢夢裡自己會飄,我同佢講,我都發個多次相同的夢,自己會飄到空中自由往返,好似菩薩咁,隨意飄遊好自在....後來她帶咗我去書局看一本書,講三世的....本書我未有時間細看亦無打算買,因為講到轉世....生死的事....怕不吉利

金剛 發表於 2013-8-30 15:23
回覆點評:12#
vaniza小馬 好特別, 咁你果時有冇宗教信仰?

突然想起，我由細到大好易信人，曾經因為家人騙得我好甘，在我受騙後有好多年不能放下，成日驚人地騙我．

後來有次發夢，醒個下”丁”一聲，下下防人真係好辛苦，我鍾意信人個種真誠感，自己學保護自己就得啦，真係再受騙的話，就當交學費囉．跟住我開心左好多，就算俾人騙都無再唔開心lu ~ 現在比以前多左好多朋友，可能我少左防人之心吧～　哈哈～

我淨記得小時發既夢境會係大過經歷返, 好記得有一幕係幾歲時發, 身處好CYBER, 所有牆都係銀色既地方,
中學時周圍去玩, 終於知係邊啦, 咪係新城電台咯, 出面D牆係銀色既

呢D聽完網台后知道叫DEJAVU 似曾相識