EIGHT HD838機頂盒

你地不如試下在荃灣地鐵站坐去麗城花園的小巴，應該會經過及可以停的。

我提議你地上車前問一問司機。

原帖由 羊咩咩 於 2008-6-30 07:26 發表
荃灣mtr咩出口近呀? ...

A 出口 (A1 - A4)

參考:
http://www.mtr.com.hk/jplanner/images/maps/tsw.pdf

啱啱打左電話去睇下有冇貨.......
好激氣呀~~~又話今日一定有貨到同比到貨我地
點知而家又話冇貨,仲要唔知幾時有(佢話呢個星期一定有喎)
而家貨到冇期,佢話早三日通知我.............
前後四次覆實我有貨,但四次最後都係冇貨比到
真係唔好意思各位,攪到大家咁麻煩
大家可以打電話去問,話係蔚藍住戶就得架啦,睇下佢係咪又係冇貨
24132222

原帖由 屠子步 於 2008-6-30 09:17 發表
你地不如試下在荃灣地鐵站坐去麗城花園的小巴，應該會經過及可以停的。

我提議你地上車前問一問司機。

新界綠色小巴 96B 號 ((循環線))
麗城花園 → 麗城花園 $2.80/0.00
途經: 荃灣
服務時間: 平日6:30 to 0:47 / 假日6:30 to 0:47
車程: 20分鐘, 每2-12分鐘一班車
備註: 循環線

途經之巴士站:
1. 青山公路 - 荃灣段, 香港浸信會聯會小學對面  
2. 麗順路, 麗城花園第3期對出  
3. 青山公路 - 荃灣段, 麗城花園第1期1座對出  
4. 青山公路 - 荃灣段, 荃德花園E座對出  
5. 青山公路 - 荃灣段, 中國染廠大廈對出  
6. 西樓角路, 近荃灣地鐵站, 南豐中心對面  
7. 大河道北7號, 慶興大樓對出
8. 沙咀道, 匯力工業中心對出  
9. 青山公路 - 荃灣段, 香港浸信會聯會小學對面  
10. 青山公路 - 荃灣段, 麗城花園第3期對出  
11. 青山公路 - 荃灣段, 香港浸信會聯會小學對出  
12. 麗順路, 麗城花園第3期對出

好喎!有小巴,咁就唔駛來回行半個鐘

原帖由 羊咩咩 於 2008-6-30 10:07 發表
啱啱打左電話去睇下有冇貨.......
好激氣呀~~~又話今日一定有貨到同比到貨我地
點知而家又話冇貨,仲要唔知幾時有(佢話呢個星期一定有喎)
而家貨到冇期,佢話早三日通知我.............
前後四次覆實我有貨,但四次最後 ...

唔緊要啦，我地有貨就馬上去取啦!
我星期一至五的5.pm 都可以。

星期一至五的5.pm 我冇問題

原帖由 羊咩咩 於 2008-6-30 10:07 發表
啱啱打左電話去睇下有冇貨.......
好激氣呀~~~又話今日一定有貨到同比到貨我地
點知而家又話冇貨,仲要唔知幾時有(佢話呢個星期一定有喎)
而家貨到冇期,佢話早三日通知我.............
前後四次覆實我有貨,但四次最後 ...

好!! 我哋打電話去(敖)吓佢哋!!!

打去 24132222 冇人聽添呀!
咁我咪打去 售後服務熱線： 39043308(辦工時間)
佢哋都係話 要星期3,4 先有貨仲要上去之前打去問!我決定日日都打去問!就算買唔到都問到佢煩!!

[ 本帖最後由 lameric 於 2008-6-30 15:15 編輯 ]

可能好賣得滯，priority比晒分銷商，其實我都有興趣要兩部，不過香港區返工，放工一定趕唔切

lameric 你又有售後服務熱線???我上星期佢都好確實咁話今日一定有....
佢地都話好賣得滯,想唔做$1200呢個價,我問係咪我要十部少得滯,佢話唔係.....我要等我個屋苑做第二次集體訂購又唔知幾時,到時又唔知仲係咪呢個價....
一齊去係唔想攞咁多部走黎走去嘛~咁重,到時睇下時間點啦,真係好想要都可以大家就就,最怕佢又再三話冇貨

佢無可能賣得貴... 而家連 d 大廠(Sony,etc)都出埋機頂盒都係千幾蚊.. 品質又靚...
佢呢隻又唔係好出名又唔係品質一流.. 如果集體訂購千二蚊好合理...
希望我地吹下佢會快 d 有貨啦~~

訂300部以下就千三蚊,訂300部以上就千二蚊
呢部野我唔知好冇,睇報紙都比成五粒星(滿分)d主戶話收得好好....
我就唔識好定唔好,之前都冇諗住買,所以冇研究.眼見住戶上次訂千幾部(二千零個住戶)而家又話想訂第二輪(冇期),網上住戶又話唔錯,所以我至買

今天又打咗去,佢哋又推遲多日!話要星期四,五先有貨!我覺得佢哋根本就係耍我哋拖得就拖直至無人買佢d貨先賣. 我諗我唔再打去喇驚搞串咗個 party 搞到連咩咩都買唔到. 咩咩不如試吓問佢即買一部 only 睇吓佢有冇貨, 有就即買好過大家一齊等極都冇, 連咩咩自己到冇, 咁就慘啦.

其實佢地都有兩次主動打黎話有貨叫我去,但之後又話比唔到貨我.........我想打比業委主席比d壓力佢地,同埋問下幾時攪第二次訂貨......我唔心急要買,不過見平平地,我爸又想要所以點都要買到

你地係咪星期五上去拎呀~~? ^^
我阿爸都問我點解買部機都要買咁耐... 哈~
希望快 d 有貨 la~

我都等左成個月.......不如上到去問下點解

星期五上去嗎? 17:00? 星期六上午我都得嫁。

請問今朝有冇人打去問過?

我頭先打過去.............又要下星期三至有貨
算啦,我唔夠佢玩呀~唔買啦
我睇下屋苑幾時攪第二次團購啦
唔好意思,咁多位
第二次團購我買到的話,再約大家mtr交收啦
再次向各位講聲唔好意思