大家如何處理受辱感

來源：佛教城市  
有位武功高強的武士住在東京附近，年紀很大了，現在全心傳授禪宗給年輕人。他儘管年邁，據說仍然所向無敵。　　
有天晚上，有位年輕武士前來拜訪。他以膽大妄為著稱，也以挑釁的技巧聞名。他會等對方先出手，然後再利用自己高超的才智來評估對手的錯誤，以迅雷不及掩耳的速度進行反擊。　　
這位年少氣盛的武士從來沒有吃過敗仗，久仰老武士的聲名，因此前來踢館，藉此提高自己的名望。
老武士不顧弟子反對，接下了戰帖。　　
大家都來到市區的大廣場，年輕武士開始侮辱老師父，對他扔了幾顆石頭，在他臉上吐口水，用所有髒話辱罵他和祖宗八代。年輕武士花了好幾個小時，費盡心機想激怒老武士，不過老武士仍然不為所動。當晚最後，血氣方剛的武士縮手了，精疲力盡又備感羞辱。　　
老武士的弟子看到師父受辱不反擊，非常失望，所以問他：「他那麼過份，師父怎麼能忍受？儘管動用寶劍可能會吃敗仗，至少也不會讓我們這些弟子看到您懦弱的一面啊。」　　
假設有人帶著禮物來見你，你不接下禮物的話，禮物歸誰？」老武士問。
　　
「歸送禮的人。」弟子回答。　　
「嫉妒、憤怒與侮辱也是同樣的道理。」老師父說。「如果這些東西你都拒收，它們還是歸對方所有。」

哇~呢篇野岩我睇~~~~
早几日先俾人嚮電話度鬧到狗血淋頭~跟住仲上門繼續鬧......我當時一句都無出聲,但好谷氣~
最最最慘仲要我去講對唔住~我拖到而家都未講~講唔出~都唔係我錯,俾她鬧無反駁仲要講sorry~?對我有D難度......

原帖由 maywong918 於 2008-6-16 14:15 發表
哇~呢篇野岩我睇~~~~
早几日先俾人嚮電話度鬧到狗血淋頭~跟住仲上門繼續鬧......我當時一句都無出聲,但好谷氣~
最最最慘仲要我去講對唔住~我拖到而家都未講~講唔出~都唔係我錯,俾她鬧無反駁仲要講sorry~?對我有D難度 ...

乜嘢人咁惡呀?  講出嚟幫你評吓理

咪係我果半既阿媽囉~所以係佢唔岩我都要講sorry~
我果個都話佢阿媽對我有偏見~我又唔想我老公難做,所以以前都忍架喇~我估係我對佢太好,所以食住上~

我以為係 xx山十三虎, 長樂街Peter仔, 油尖旺大家姐.......呢d惡人, 諗住出嚟幫你拖啫

奶奶呢樣嘢, 幫你唔到, 你認錯啦  

原帖由 maywong918 於 2008-6-16 14:37 發表
咪係我果半既阿媽囉~所以係佢唔岩我都要講sorry~
我果個都話佢阿媽對我有偏見~我又唔想我老公難做,所以以前都忍架喇~我估係我對佢太好,所以食住上~

你真係一個好有修養又好有傳統中國女性美德的好太太呀．．．
俾著水母．．．我諗我會離家出走．

嗚嗚嗚......我都知無人幫到我既喇~不過真係好谷氣呀~

原帖由 maywong918 於 2008-6-16 14:52 發表
嗚嗚嗚......我都知無人幫到我既喇~不過真係好谷氣呀~

你真係唔可以同你老公傾訢嗎？？？
如果你老公體諒你，可以等你同亞'馬' say sorry 後，你老公就tum番你，咁都叫 balance 番個心理呀～

原帖由 maywong918 於 2008-6-16 14:52 發表
嗚嗚嗚......我都知無人幫到我既喇~不過真係好谷氣呀~

幫你郁佢就唔會嫁喇, 開導吓你啦

你咁諗啦, 佢生咗個好老公俾你, 佢年紀大喇, 就吓佢囉

咁樣講, 如果你對佢唔好, 到佢去咗世, 你老公會覺得做仔嘅對佢有所不足, 要怨就係怨你, 明唔明?  我都係咁樣敎我細妹點樣對佢奶奶.

話時話，你亞馬咁好火，大年紀的人唔係好易爆血管的嗎？
你真係要同你老公傾下，請你老公勸下佢亞馬不要咁執著呀，真係好易爆血管架～

原帖由 maywong918 於 2008-6-16 07:52 發表
嗚嗚嗚......我都知無人幫到我既喇~不過真係好谷氣呀~

咁啦 你俾 你奶奶個電話我，我教佢煲d湯 下火！

哩個 忍辱的 post 真係 攞命。

我老公好好架~好明白,佢有忍唔住幫我口,點知仲衰,我奶奶仲慶,話要同我老公斷絕關系......
我就係唔想我老公難做,所以都要講sorry~
唉~我都好無奈~
我老公都有tum番我,不過我好難過自己果關,我無錯,仲要講sorry?
講唔出口呀~
我奶奶對我有偏見,我都唔知點同佢溝通,我個人俾較簡單,有果句講果句,唔多識轉彎抹角,(當然唔會同我奶奶亂講野喇~)但我奶奶都有本事自己幫我果句說話加鹽添醋,自己發揮想像將我果句說話意思無限延長,好既變踩既說話...............................

原帖由 kim 於 2008-6-16 15:03 發表
話時話，你亞馬咁好火，大年紀的人唔係好易爆血管的嗎？
你真係要同你老公傾下，請你老公勸下佢亞馬不要咁執著呀，真係好易爆血管架～

水母, 單憑你呢句, 就知你未做過人心抱

奶奶係一種冇得改啲千年動物化石, 千其唔好叫佢個仔同佢講, 話佢咁咁咁, 佢只會話個心抱敎壞佢個仔, 鬧多個心抱幾錢重, 可能重話要跳樓添呀.

原帖由 maywong918 於 2008-6-16 15:10 發表
我老公好好架~好明白,佢有忍唔住幫我口,點知仲衰,我奶奶仲慶,話要同我老公斷絕關系......
我就係唔想我老公難做,所以都要講sorry~
唉~我都好無奈~
我老公都有tum番我,不過我好難過自己果關,我無錯,仲要講sorry?
講唔 ...

咁係咪即係'家婆'，以前ｄ人都叫呢種家婆做'譚蘭卿'?
咁就真係無計啦，你實長命過佢既，你下半世仲有你老公係你身邊，佢就得番ｄ火氣，唉～
佢個心結一日未解，對你的偏見就不會少．
施主，解砱還需繫砱人，你要為你自己為你老公，幫呢位老人家治療一下佢個精神病呀．
說出她心裡面最唔想聽的說話，如：你個仔係鍾意我呀，我地一起生活都好開心，唔會因為你唔鍾意我，你個仔會番來你身邊架，不如你開開心心同我地一起相處，咁你仲有機會見多ｄ你個仔，云云．．．
要她面對現實．

原帖由 Peter 於 2008-6-16 15:14 發表


水母, 單憑你呢句, 就知你未做過人心抱

奶奶係一種冇得改啲千年動物化石, 千其唔好叫佢個仔同佢講, 話佢咁咁咁, 佢只會話個心抱敎壞佢個仔, 鬧多個心抱幾錢重, 可能重話要跳樓添呀. ...

我都未嫁過～　
如果係咁，我唔嫁喇～

睇到几位既說話忍唔住笑返,特別係八王爺,呵呵~
thanks 几位~
我過多兩日都會打俾我奶奶,無辦法~鬼叫佢係我老公阿媽咩~
不過我會盡量同佢保持距離(但通常係佢打俾我,我好忙架,但都要耐心聽佢嘮叨......)
peter哥~你講得好中呀~就係甘喇~我已經食左好多死貓喇~果日我奶奶打來鬧我時已經質左几隻我食喇~又話我挑撥佢同我老公既關系,又話我學電視劇做埋D惡毒新抱,(我電視都唔睇,俾仔女霸晒)............

原帖由 kim 於 2008-6-16 15:24 發表


我都未嫁過～　
如果係咁，我唔嫁喇～

睇吓點!!

我以為呢個世界已經冇咗惡家婆呢種動物

不過講又講, 人事關係没有解決不來的, 看你有没有心去改變佢

我老豆生前對我細佬個老婆態度特別差, 我細佬老婆又係火爆脾氣, 試過開大片, 不過後來佢諗通咗, 明知老公出唔到聲, 自己又唔想為呢d嘢離婚, 佢一句 "睇在你個仔份上, 我忍你", 買埋飛同佢兩個人去睇大戲, 老遠走出嚟煮餐飯佢食, 佢有病拖住佢去睇醫生........, 最後我老豆當咗佢係宝.

原帖由 Peter 於 2008-6-16 15:38 發表


睇吓點!!

我以為呢個世界已經冇咗惡家婆呢種動物

不過講又講, 人事關係没有解決不來的, 看你有没有心去改變佢

我老豆生前對我細佬個老婆態度特別差, 我細佬老婆又係火爆脾氣, 試過開大片, 不過後來佢諗通 ...

may 呀，咁你可能真係要咁做先至得喎～

May may

做人新抱甚艱難, 都係嗰句 "你氹吓我, 我氹吓你"  "做 yes man"  再唔係就少 d 見面, 少 d 磨擦.  哈哈

我老婆都好像妳這麼耿直的，還好我是大壞蛋，我夠惡，我老媽就不會太過份。