廚餘桶与廚餘机

elleray 發表於 2013-5-27 16:16
60大元....都幾貴

如果唔用厨餘粉得唔得？
有冇制造厨餘粉嘅方法或者配方？

lamolympia 發表於 2013-5-27 22:23
有一部台弯造的每天處理一Kg,尺寸細的但都要4千多

有冇人知道廚餘機操作嘅原理？佢将濕嘅廚餘喺24小時內打碎烘乾，要唔要用磨打同發熱線？用親呢两樣嘢耗電應該超過2000火噃。

tclau 發表於 2013-5-30 09:19
如果唔用厨餘粉得唔得？
有冇制造厨餘粉嘅方法或者配方？

試下答咋，錯左吾好鬧，但歡迎指正：

所謂廚餘粉其實系特定的一些菌種孢子。當這些菌種接觸廚餘及遇上適當環境後，會生長繁殖，這便會開始將廚餘分解，降解後的廚餘便成了肥料，其實原理與堆肥無無異。只系這些菌種是經過挑選，對人體不產生毒性而已。

廚餘桶一般是用無氧／低氧降解，EM粉的菌種應屬厭氧菌。要隔出廚餘液是要將濕度控制。

廚餘機一般並不完全密封，大部份有排氣孔，不一定要加廚餘菌，因為不同的細菌根本存在於大自然中，廚餘本身當然也有細菌，但碳氮比要十分注意，不然可能會分解緩慢及發出惡嗅。廚餘機結構上多是有保溫功能，亦因此常比廚餘桶體積大以倍計。用電主要提供碼達轉動以翻動廚餘，使之均勻透氣，有發熱線的是幫助提高溫動，使細菌工作效率加快，耗電量一般十分之低。

我都開始緊自製堆肥, 用自製堆肥桶, 冇用粉, 只加泥(最底放一層厚泥, 之後放廚餘, 再一層薄泥, 再放廚餘, 薄泥, 廚餘.... 最面頭放厚泥), 係參呢個http://blog.yam.com/City99LoHas/article/22725367

希望幫到大家"慳$$"

或者大家可以參考一下 http://blog.yam.com/City99LoHas/article/22725367

或者大家可以參考一下呢個"家用廚餘堆肥DIY"

tclau 發表於 2013-5-30 09:19
如果唔用厨餘粉得唔得？
有冇制造厨餘粉嘅方法或者配方？

小蓮花  或者參考一下呢個(我自己做緊實驗) http://blog.yam.com/City99LoHas/article/22725367  發表於 3 小時前

Lunglung9  其實我都想知可唔可以唔用厨餘粉, 用厨餘液做替代?得唔得呢?

謝謝，唔知個blog講嗰啲介質係唔係指廚餘粉？或者唔用廚餘粉就須要長啲時間俾佢分解？

tclau 發表於 2013-5-30 20:11
小蓮花  或者參考一下呢個(我自己做緊實驗) http://blog.yam.com/City99LoHas/article/22725367  發表於  ...

Tmm  理論上吾落都得，只要環境適而消化細菌生長繁殖，令數量足夠，另外廚餘粉除了菌種外，應有碳元素提供能量，所以吾加廚餘粉的話，應加上木糠等  發表於 昨天 22:33

謝謝Tmm, 擺多啲時間唔係問題，至於加木糠可能唔係咁易揾，不過相信你嘅意思係增加碳元素，即係話加椰糠（翠筠靚土）都得。

Tmm 發表於 2013-5-30 14:12
試下答咋，錯左吾好鬧，但歡迎指正：

所謂廚餘粉其實系特定的一些菌種孢子。當這些菌種接觸廚餘及遇 ...

同意!主要係翻動同埋保溫.  第一次開機會放D菌入去, 之後唔駛加.
一加左新廚餘會變得好熱, 唔知係本身D 細菌開工所以熱定係部機會加熱(但係冇理由會自動偵測).
每日只可以加1.5KG MAX入去, 有次成煲涼茶渣放入去, 冇開除臭功能, 臭左我成屋成個星期!

我多數會晌廚餘筒底拎D發左酵的廚餘入去部機, 因為話就話24小時完成發酵, 好多時都要幾個星期先化成粉狀. 用廚餘筒果D會加快分解...
初期我都怕會唔會廚餘筒D廚餘係酸性, 會影響部廚餘機D菌, 但小小咁放又發覺D野好快化, 所以呢家KEEP住一個筒放難消化的廚餘(如果皮), 菜葉湯渣(如瓜菜), 就直接放機...

因為我冇農地, 只用盆種, 廚餘筒果D 剩餘都唔知去邊好, 所以哩部機真係好有用... 加上我成日拎埋人地D 廚餘, 份量都幾多下, 好快就又滿一機, 朋友就會拎D 完成品作基肥...

謝謝，唔知個blog講嗰啲介質係唔係指廚餘粉？或者唔用廚餘粉就須要長啲時間俾佢分解？

文章第三點介紹:  3. 堆肥介質：如米糠、木黴菌堆肥、有機肥、泥土、培養土、生物性堆肥菌種、有益微生物酵素等擇一使用。

原來可以放廚餘筒發左酵的廚餘入去部機,吾知可以放幾多呢?我聽人講過廚餘機24小時完成發酵後也不是完全發酵還要等自然發酵一兩個星期才可用,但賣機的人就話即刻可以用,吾知邊個講的是真.有沒有花友解答倒.

一般廚餘機只是提供有利環境讓廚餘作生物分解，要完全熟腐起碼要數星期至數月，未完全分解的廚餘是可作肥料的，但不能放得過量及太近根部。二十四小時就能分解廚餘，若是真的實在太好了，不過不知是什麼原理呢？

其實我都好想知道,家用的廚餘機真的可以24小時就能完成整個廚餘分解程序??某D大機型號都好難做到呢!!

24小時冇可能！我用咗幾個月從來冇試過得，只係變咗啡色。除非用攪拌機打到好碎就有可能。

我準備買廚餘机，請問那一个牌子好的，有个台制有橙邊的賣$4700吾知好吾好。

Sumbie 發表於 2013-5-31 14:44
同意!主要係翻動同埋保溫.  第一次開機會放D菌入去, 之後唔駛加.
一加左新廚餘會變得好熱, 唔知係本身D  ...

我搜尋廚餘機嘅資料，發覺好混淆，因為廠家資料話輸入功率0.25kw，即係250火啦，佢話温度保持80度c，有馬達轉動廚餘，有風扇保持恒温，應屬合理。但係佢嘅耗電量係0.125kw/24hr就唔係好明，係唔係每日運作半小時？或者隔一段時間轉一吓？
想求証一吓，唔知你有冇留意用廚餘機之後嘅電費有冇增加咗？如果廠家所言屬實，則每日電費應少於四蚊，或者少到你唔會喺電費單度留意到。

我睇過兩部台灣机到是40w 同60w,可以接受，但是日本机就要800w。吾知點解分別這樣多？

http://www.kenk.com.tw/ke/izumi

睇這个日本廚餘机用电。·
H牌子是日立牌。
價錢都很貴

http://www.fuchia.tw/fuchia/izumi01.htm

還有一個可安裝在廚柜好方便,但好貴。

其實我覺得政府如果真係想減少廚餘, 就應該資助每家每戶都有一部廚餘機, 再响樓下放個大桶, 俾o個d用唔著廚餘分解後成品既人放返入去, 有需要既人又可以去攞嚟用.... 每個家庭一部先至三四千蚊, 好過不斷搵地方起焚化爐啦!!