本帖最後由 花園仔 於 2009-6-7 14:06 編輯
6# 小寶
我都馬上浸左兩樽,因等唔到老師出做法,所以無用鹽醃,今晚食過都尚可。
============================================
小寶好!
唔瀋喳鹽醃佢一陣, 薑入邊D水唔出黎架,
等到落咗糖醋困住D水出唔翻黎咪冇咁好食啫!
我係咁樣醃酸薑嘅:
體街市買D嫩嫩嘅子薑
洗洗佢
刮咗D皮(我用西式湯匙刮, 好快趣又安全)
洗乾淨佢
切片(用膠筲箕装)
灑少少鹽醃吓佢(約半個鐘至1個鐘)
煲大滚水放薑落去氽水(目的係殺菌消毒)
用膠筲箕装翻佢瓊乾水備用
用體惠康買大陸嘅<白米醋>及太古嘅<黄冰糖>
煲糖醋(約1:1份量)
煲溶D糖醋(試吓啱唔啱甜味)
試到啱味等糖醋冇咁熱(試熱, 以手指可以接受熱度為準)
倒D糖醋落已放咗薑片嘅玻璃樽內
等樽入邊D嘢凍咗咪冚翻蓋放入雪櫃囉!
幾日後就食得啦! |