點樣插葉架？

嘩o係呢度學到勁多野，有好多問題都解開左喇~ 真係甘拜下風，不過睇完後有幾個問題想問，唔知可唔可以請教大家？
1. 我琴日o係繽紛買左5棵花花，有一棵係新苗(persian lace)，其餘4棵都有花(唔知乜東東 :p)，但其中有兩棵見有蟲，今日睇完版主既精華問題，先知係綿花蟲，我琴日換左新泥，而家要點做好呢？真係要留莖斬根重新種？但我見棵花又好似冇乜事喎，如果我一下子攪咁多野，會唔會整死佢架呢？好擔心呀....
2. 因佢地都好靚我驚生蟲攪到佢地長唔大，所以剪左o的葉諗住留番o的子孫，但有一塊葉條莖好短，應該得5mm，咁樣生唔生到架？同埋呢，我之前試過泥插但失敗呀，係咪要o的泥好濕先得架？
希望大家可以幫下手啦~ 我唔想成日買番來種一陣又死左....

插葉最好用3號日本珠石加一些泥炭土,會比較易出根.

你可以試下插泥，其實插到入葉面都無問題，但d 泥要整實d
否則塊葉吸唔到水

或者用水浸啦
其實之前我試過成塊葉放入水浸都出到根
但要注意唔可以太光，否則會燶

我插葉都係用3號日本珠石加一些泥炭土, 真的不可以太曬, 我有d葉就係咁樣燶左.

原帖由 Jae 於 2008-5-25 14:59 發表
塊葉條莖好短，應該得5mm ...咁樣生唔生到架？同埋呢，我之前試過泥插但失敗呀，係咪要o的泥好濕先得架？

You can still try to 插泥 ga, may be it will still live and produce bb :>
Also, may be you can try giving it a mini green house?  A higher relative humidity will also increase the rate of success ga :>

唔該晒呀，我都試緊浸水，如果要插泥，係咪o的泥要濕o的架？

請問可唔可以教我整迷你溫室呀? 我唔識整呀... 唔該晒大家~~

住何透明嘅容器都可以做溫室, 冇起手保鮮袋都可以用住先,
只要放得落你盤花, 有氣孔就可以. 如果你盤花細, 外面加個大D size個盆, 都可以做溫室.
發種子嘅話, 未發起(未見到綠色)仲可以唔使有loan tim, 不過一定要夠光.

哦？咁係唔係用個透明有孔既盒"lup" 住盆花，跟住放o係窗邊就ok 架喇？雖然我家窗邊太陽唔會直曬到，但我唔係成日開冷氣架，唔知咁樣得唔得架呢？如果我放o係公司(長期開冷氣的) 咁又需唔需要用溫室呢？

長期開冷氣，可能有溫室更有利。因為溫室嘅作為係保持花花處於一定嘅濕度嘅環境。長期開冷氣嘅地方通常濕度比較低，所以俾個溫室佢都係好事。

答埋你另一個開題：插葉的泥不宜太濕，否則易爛．未出根的葉需要較高濕度，但這並不等如要濕泥．上面花友說得對，插葉的植料不妨多加些珠石，可以疏水，減低爛根機會．苗盆放入溫室，就可以保持濕度，有助根系成長．～

嘩希希媽媽你好勁呀~! 講中左我心裡面個疑問呀!! 見大家話要濕o的，我成日以為要o的泥濕o的，但我又試過泥濕好易死喎，諗來諗去都諗唔明~~! 原來係咁樣~! 哈哈~ 好，等我聽日就試下整整佢先~!

但我又有個問題呀，咁如果唔開冷氣加用溫室，咁會唔會濕得來好熱架？會唔會焗死佢地呢？

一定, 一定要cut晒D根, 因為可能有幼虫(看不見的),   cut晒後浸開稀洗潔精同漂白水15分鐘, 過清水, 風乾, 一定要風乾, 乾後塗hi-fresh才放入泥,做好後將小苗放入溫箱(我用迷你膠米箱,上邊有蓋嗰隻或者高身密實盒),由於夏天日間較熱, 我會在日間打開俾佢地呼吸,晚間至封密. 我自己依家培植緊有2x苗都喺咁做 (放在露台向東南位置), 你可以考慮吓.

p.s: 插葉苗同已去根的苗都very good, 一啲問題都無. 放溫箱喺因為小苗無根要靠葉面吸濕, 所以要用溫箱供應及保持濕度.

哦~ 原來佢地靠葉面吸濕~ 明晒~! 唔該晒你呀~~

一定要cut 晒o的根架? 我好驚我會剪死佢哦.....

事實上喺批,唔喺剪,用挑刻刀都可以, 文具店買. 剛好批晒d根就可以,剩低嗰莖,唔明就睇吓我地嘅精華版.