10蚊店環保育苗盤一問

今日行過吉豬島10蚊店見到有依隻用環保紙做既育苗盤, 個樣好似幾硬靜, 仲10蚊6個咁抵, 就做白老鼠買黎試下啦

買左之後先發現佢既instruction度唔知點解寫住話一定唔可以係室內用, 跟住D英文instruction都唔知佢講乜,日文更加唔明:


番到屋企就試下加D泥入去跟住加水整濕D泥啦。 死啦!個盤開始滲水出黎個樣仲梅梅地咁， 好似隨時會解體咁..唔通就係因為咁所以唔可以係室內用? 請問有冇人曾經買個依隻盤(佢有幾隻size ga), 其實個用法應該係點ga?又或者有乜人明佢個instruction係up乜ga?

謝~

[ 本帖最後由 byau 於 2008-5-25 04:33 編輯 ]

以我理解佢應該係紙質, 短時間內唔會溶化晒, 形狀能保持至出苗, 之後不用起苗剪開d格格, 而直接定植, 期間因為不用起苗所以植物既根不會傷, 之後紙盆會溶係泥道, 唔知對唔對.

呢種東西係 yahoo 拍賣都有賣, 估出苗剪出o黎後連盆放入泥, 個盆會變埋肥料,

haha.. but how come it says "Never use it indoor!" ?

我用過喇...個人覺得唔好用...

-果句應該佢打錯..我記得我果pack係寫唔可以outdoor用...
-冇錯...淋完水的確滲水+梅梅地.. 不過唔使驚...冇咁快溶

佢係for你培苗...到d苗要換大盆時..就整個放落去... 紙兜會自然分解..
我試過好耐唔理佢... d根生到出紙兜底..證明整個放落去新盆唔會影響佢生長

呢隻我都有用過, 但濕水後要剪都有難度

[ 本帖最後由 yuwaiman 於 2008-5-26 11:26 編輯 ]

原帖由 yuwaiman 於 2008-5-25 13:11 發表
呢隻我都有用過, 但濕水後要剪都有難度

我上次係用獨立一個個果d..

我覺得依隻唔係幾好用, 佢一濕水後個盤就軟軟地, 兩邊個D格格側晒, 我攞起個盤時都驚佢會斷開, 好麻煩!

屋内では絶対に使用しないでください。水をかけると数十秒で水がしみ出しますので、十分注意して水が染み出しても問題のない場所で使ってください。植え付け時、鉢を十分湿らせてください。定植する時は、鉢が土の中に隠れるように植え、回りに水をかけます。鉢ごと定植できるので、植え替え時に根を痛めません。本来の用途以外に使用しないでください。廃棄の際は各地方自治体の廃棄区分に従ってください。
我來解解, 不過我表達能力較差, 希望你明啦
不能在室內用, 淋水後約幾十秒會滲出, 要注意滲水, 請在無問題的地方使用 (這句完全解釋到點解不能在室內使用)。
種植時請充分淋濕盆。
定植時把盆埋於土中, 注入水。盆可用作定植之用, 換盆時便不會傷根。
不能用於其他用途。
請跟隨每個地方的廢物分類。

我都有用，完全唔好用，好易發毛．因為是紙做，泥好易乾透，硬成一舊．

用來培蔬菜苗還可以，我試過用來種長筒，佢直頭唔生！要轉返普通盆，有足夠水份才肯發芽．

所以呢隻野都係玩下就算．～

我都有用過, 超唔好用, 只有吸水, 吸晒d水, 植物成日缺水.

等我仲諗住佢用紙做可以疏水唔怕落太多水時浸爛D根tim...早知我post左上黎問大家先買啦, 剩番個D唯有都用埋佢啦!

希希媽媽, 我見你office個度最大個隻盒仔放我依隻育苗盤wo...請問你個盒係邊度搵ga?


[ 本帖最後由 byau 於 2008-5-26 00:42 編輯 ]

好多謝你提出呢個問題。真係做福植物同種植物之人。

我想問上面個育苗盤（圈住的），個蓋用不用整個孔透氣？我用左個金莎盒來發芽，但個蓋系無孔的，怕不怕唔出芽呀？

圈住果個，我冧起 食完士多啤梨 個大膠盒。
要大果隻，唔係細盒果d。

惠X賣果D提子都係用呢隻盒，好用。

咁我就去買士多啤梨同提子, 攞個盒黎到做溫室先。我諗放左個育苗盤入個溫室盒到應該可以可以保濕同埋唔怕佢淋左水之後成個盤軟晒...

我都用過獨立杯裝,濕透後軟賴賴的,一定要有底盤盛載,最得人驚就是發霉,黑色一躂躂,移苗時最好在未淋水前,杯身會好硬身,容易拿起杯連植物整盆苗放入土.

Anita,你用幾耐發霉呀？

買雞蛋咪有呢 d 盒 law !