近期又爬文：洗髮皂洗頭～皂垢會附在頭髮表面？

近期又爬文，爬得一篇有關～洗髮皂洗頭嘅文章。

1. 洗髮時
洗髮時，因為洗髮皂為弱鹼性，所以頭髮的毛鱗片會打開。洗髮泡泡中含有大量的皂，能清除頭髮中的污垢。這時皂垢只出現一點點。
脂肪酸為油狀物質，難溶於水，會附著於頭髮的表面上。

2. 沖水時
使用自來水沖水時，皂被稀釋，失去洗淨能力。而自來水中的鈣離子則與會與皂結合，逐漸形成皂垢。
皂垢難溶於水，於是吸附在頭髮表面。而原本附著在頭髮上的脂肪酸，也與鈣離子結合而變成皂垢。

3. 沖水完畢時   
頭髮整個被皂垢附著。這就是為何洗髮皂洗完頭之後，會覺得澀澀的原因。

注：
即使是固體洗髮皂（鈉皂），也最好先搓出泡沫，再將泡沫放在濕髮上。皂都是鹼性的（pH9-11），長期直接接觸皂液的頭皮處，就容易開始掉髮。
這就是打泡瓶的美妙之處。打出的泡沫 pH 值是 8-9。

朋友長髮就有此問題，用皂洗完頭後頭髮[成餅野]。自己是短髮，我和短髮的家人用皂洗頭係覺得爽。另一長髮朋友教用稀釋的醋過最後一次頭髮(不要用水再沖洗)，就沒頭髮打結的問題。

sausau 發表於 2012-9-29 08:47
朋友長髮就有此問題，用皂洗完頭後頭髮[成餅野]。自己是短髮，我和短髮的家人用皂洗頭係覺得爽。另一長髮朋 ...

我都係長頭髮，唔講用手工皂，用那些街外買的天然洗髮液也會"成餅野"...  

我長髮，用手工皂，no such problem ~
當然大前題係要用足夠的皂洗頭及過水，有時用下檸檬酸錦上添花。

jellyfishy 發表於 2012-9-29 12:51
我長髮，用手工皂，no such problem ~
當然大前題係要用足夠的皂洗頭及過水，有時用下檸檬酸錦上添花。 ...

o拿o拿聲爬下你d 文用咩打洗髮皂先至得...

我都係短髪，唔覺有問題，所以想睇下大家嘅情況。
如果長頭髲，洗兩次係咪會好啲？

找到一篇取自網絡，有關使用洗髮皂的方法...

喔！洗髮皂呀！有些注意事項要好好告知您一下。

一、特性

洗髮皂為弱鹼性，在洗頭當下會感覺泡沫很少，這是皂將頭皮的髒污清洗後，所形成的正常現象，建議再清洗第二次則會有較多的泡沫。

洗髮皂所設計的配方，對於頭皮及頭髮都有些許和緩的保養，因此第一次使用後頭皮會產生頭皮屑，甚至有的因先前使用人工洗髮精或洗髮乳產生的殘留物，在使用手工洗髮皂後產生頭皮有異味的情形，這是正常現象，這是因為頭皮將殘留在頭皮的髒污排出的後果，長期使用後當頭皮回復天然健康情況後狀況就會改善。

洗髮皂的設計油脂，不僅對頭髮能有效保養外，對敏感肌膚更有柔軟及清潔效果，因此洗髮皂等級更高過洗臉洗澡的手工皂。

由於手工皂會將髮絲清潔乾淨，毛鱗片會張開，造成髮絲不易梳理，強行梳理會造成髮絲斷裂，因此建議您自行調製潤髮水，讓弱酸性的潤髮水讓毛鱗片閉合起來，即可改善不易梳理的情況。

二、潤髮水調製方式
在使用洗髮皂前，請先行調製弱酸性的潤髮液。調製方法如下：
1.將檸檬切片後，擠出汁液，並使用一碗水調和即可。(由於新鮮檸檬屬天然成份無法長期保存，因此建議使用者自行調製確保成份新鮮。)
2.使用醋與水調和，以1:20的量調製。

三、洗髮方式
1.將頭髮沖濕，再將洗髮皂塗抹於頭皮上，(不要直接使用於頭髮上以免過於乾澀)以手指輕抓頭皮清洗，然後直接沖掉，沖洗時以輕拍代替手指頭順理的方式，以免頭髮打結。
2.在使用洗髮皂在頭皮上塗抹，以手指腹輕輕按摩頭皮搓出泡泡，再順勢將泡沫清潔髮絲，以搓洗方式清洗，待所有髮絲清洗乾淨後沖洗，仍以輕拍代替手指順理方式清洗。
3.將自製的潤髮水將髮絲輕拍打濕後，沖洗乾淨。
4.最後將頭髮擦拭乾後，以吹風機吹乾即可。

注意：由於洗髮皂與潤髮水皆屬於弱鹼及弱酸性，請勿沾染到眼睛，會有刺激感，若是不慎沾到眼睛請以大量清水沖洗即可。

我自己一向既觀念呢....嗱...無科學根據，純粹個人想法...

無論長髮短髮，初用手工皂洗髮，都有機會洗到鬼咁樣(變鬆獅狗、甩頭皮、頭痕、變稻草人等等)


之前diy友係討論區都討論過依個題目...我自己得出結論係...
因為各人頭髮既健康狀況不一所致...

diy論壇中，各皂友交出既資料...
發覺越少損害既頭髮，越容易適應手工皂，而當中又以無用護髮素既更易適應。

市面上既洗髮水護髮當中，有一d物質係故意令佢痴係頭髮上面，從而改變觸感....
例如護髮素就會加入物質，令到每次洗髮後，都有一層好似膠既薄膜包住頭髮。作用類似洗衫既柔順劑...
你手摸落去佢順滑左，其實只係因為你摸既唔係頭髮本身，而係摸到被一層膜包住既頭髮。
依層膜唔易甩，不停用護髮素，新膜就包住舊膜，一層一層咁加上去。

當用手工皂洗髮，又無用護髮素時，頭髮無新既膜去包住佢，就會慢慢一層一層咁脫落....
你d頭髮就會好似鬼咁....可能脫屑、可能一餅餅....到所有膜都脫落...
你原本既頭髮重見天日，但因為你曾經傷害佢(染髮、電髮等)，佢既本來面目唔多好睇...你又幫佢包左咁耐保鮮紙...佢更傷...
你就會見到佢好似稻草人咁喇....

但當頭髮長左，你剪左舊既頭髮，新既未被膜包過你亦無傷害過佢，依個時候你用手工皂，就唔會有古古怪怪既情況出現喇...

樓主轉貼既文章內容，講到皂垢好似咁大問題....咁依個問題，應該係每個人都存在，而且係永久既問題...
但以實際使用經驗，好多稍具年資既皂友，都無依個問題...
我覺得要真正實驗，洗後頭髮出現問題，同皂垢有無直接關係呢?...應該剪左舊頭髮，等新既長出黎，如果依然有咁問題，先算係囉...

另外，當然皂配方亦會有多少關係，就以我己經用左咁多手工皂洗髮既人，有一d配方會洗完鞋手(水母既鹽皂..)但過一陣自己天然油脂分泌左出黎，頭髮就會爽又滑。另一d配方會笠，自己做過既老祖母就試過笠，應該係潔淨力不足所致(當時又太多油垢就會，如果正常一星期洗兩次髮就唔會咁，我頭皮係乾性、髮絲係中性)。

我自己係用手工皂洗髮前，己經開始用茶籽粉洗髮一段時間喇，當時我係長髮既，之後用手工皂洗髮完全無問題。
建議長髮故娘可以用茶籽粉當作過渡時期既護理。

另外我老公係從來都唔用護髮素既人，佢當初改用手工皂直接覺得好左....(因為佢有頭皮屑問題，一直解決唔到，用左手工皂幾次就大大改善)

好高興呀! 發覺依度既diy友越黎越有意思....大家都肯討論，又會搵料既交流下，希望大家齊齊進步....

jellyfishy  咁你之前用茶籽粉洗髮, 效果好嗎?

最初一兩次唔係幾習慣，因為茶籽粉開水係無泡既.....
但因為我果時頭皮係乾燥缺水，而髮絲係乾燥缺油...
所以又唔會覺得洗完會唔乾淨笠痴痴咁....

而且頭髮全部浸係茶籽水度，因為茶籽水本身會有微量茶籽油....
係心理上覺得頭髮好似飲緊水咁，安慰劑作用都覺得頭髮潤左喇...
我本身冬天係會因為天氣轉冷，自己血液循環唔，供應唔到養份比頭皮而令佢有頭皮屑同痕癢既...
咁用左茶籽水洗頭後，依個情況有改善喎....所以都有繼續用...

剛好我做手工皂既初期都係偏好老祖母同馬賽皂，依類滋潤皂...
轉左用手工皂後，覺得仲潤過用茶籽水...所以適應得好好...

CK 說得對喎。
我未用手工皂前，係無用護髮素，無染、無電。又係短髮，所以係好快適應。覺得用洗髲皂比洗頭水更爽。
但要說服長髲朋友用，就真係有難度，所以爬下文想有多啲資料。

mono 發表於 2012-10-3 21:07
CK 說得對喎。
我未用手工皂前，係無用護髮素，無染、無電。又係短髮，所以係好快適應。覺得用洗髲皂比洗頭 ...

好難要用慣化學野的朋友試diy, 好多人有佢地一套想法，覺得化學護膚品比任何diy製作先進和有效～　我唔會為呢ｄ人浪費資源，只要自己皮膚和頭髮一直有攺善，日子有功，這些朋友見到我正過佢地，總有一日佢地會忍唔到口問你借來試下～

jellyfishy  今晚７元買左500g茶籽粉回家，見到你咁講，我又無乜興趣試添~ -,-

無泡架...你唔會中意

以我自己經驗，身邊既朋友除非係有較強環保意識，覺得DIY就算比市面產品略差，都願意用下，咁先會行出第一步，然之後繼續用落去。

另一種就係，皮膚有問題，西藥都解決唔到，煩惱到佢地覺得影響自己生活，本住死馬當活馬醫既人...亦會行出第一步。如果你既產品可以減輕佢既煩惱，佢都會比機會自己續繼用下，睇下醫唔醫到。

最後一種，就係夠朋友，為左唔太令你失望，唔想傷你心，佢地會走出第一步去試你既野...但依種情況，除非真係發覺好用，唔係既話，就會無左下文...

我身邊既親友，係第三種多，當發覺送出去既皂，一次兩次咁起左皂垢，而問番佢地，佢地根本唔知果舊野係皂...我就唔再主動推介我既產品喇...

當然，我仲有少數幾個死忠fans....皮膚好多小問題，被我攪惦左好幾瓣....依家時不時幫我推銷產品...係其一
另外既...哈...對我應該係有D迷信....覺得我奄尖....認為我選我用既一定係好野....

即使是固體洗髮皂（鈉皂），也最好先搓出泡沫，再將泡沫放在濕髮上。皂都是鹼性的（pH9-11），長期直接接觸皂液的頭皮處，就容易開始掉髮。
這就是打泡瓶的美妙之處。打出的泡沫 pH 值是 8-9。

依一點....佢講長期...係幾耐呢?估佢唔到....

我講下我既經驗啦....用手工皂洗髮己經六年喇...(原來咁耐喎...真係不知時日過)
我都係直接攞住舊皂捽頭髮，老公亦係...我同老公由開始到現在，都係用完皂就算...無再開檸檬水潤絲....(因為覺得無需要)

我老公頭皮屑消失了，到現今都無脫髮，亦無擔心過將會脫髮...
我呢...未用手工皂前，有一段時間頗為慮脫髮，因為母親頭髮較少又幼，而我當時亦有掉髮既問題....
但現在，我頭髮反而多左密左又粗左....每次剪髮都要強調[偷薄]，前次剪髮，髮型師仲話[偷]得頗辛苦...因為我果次隔耐左去剪....

所以，唔知佢講長時間係幾長...我六年無依個問題，唔知佢講既係幾多年...


不過皂垢真係一個頗煩人既問題，但我問題並不在於頭髮皮膚...而係怕塞水管.....

係！我都發覺多左皂垢向洗臉盆同浴盆上。

我發覺皂垢是初期用會有，現在就不大覺得有。尤其我家是浴缸(雖然沒有浸浴)。但有皂垢的話範圍頗大，洗到我死死下。

有皂垢的話,可以用檸檬酸來清潔~