各位有無消毒殺菌配方介紹下:D?

最好大人細路都用得~
因為我朋友係醫院做,想整枝比佢

我見有D人話用藥用酒精,有D直頭話用伏特加,,,,,
但上網睇又話酒精濃度唔可以低於75%,,都唔可以高過75%,,,,好複雜

你想整支滴露比佢?  點解唔直接買滴露?

精油既防菌殺菌機制，同一般既殺菌藥唔同，用一般使用既方法，未必比其他殺菌藥好...

因為佢係醫院做，所以提醒一下，以免使用不夠力既殺菌方法，令佢防護機制形同虛設，有乜勁菌到，中左招就慘喇...

英國最近有報告, 內容好肯定說，essential oils 能有效殺死空氣中的細菌和防止細菌滋生，有效對抗十種”超級細菌”(MRSA bacteria) 和超級蟲(?!)(super bugs)．

簡單內容介紹：這報導是根據英國Manchester U　在數間醫院用 essential oils 實驗而來．　
室內燃點香薰 (essential oils) 或混入洗頭水或皂裡，eo 仍能發揮作用，可於２分鐘內有效抗菌防蟲，而且效用能維持一段不短的時間．

詳情請看 post no. 44:
潮濕天氣家居防霉防蟲tips ~
http://hkplants.com/forum.php?mo ... 7053&fromuid=36

----
我再追訪, 這些都是常用的防菌精油, 如Tea tree, 檸檬香茅, 檸檬尤加利, 紅百里香, 百千層, Oregano essential oil. ....
記得記得記得! 精油的份量不宜多, 要留意清楚用量才會有效又不傷身架~

香港醫院唔同外國果D，認可使用精油做輔助治療既醫院。
係香港醫院比唔比點精油呢?
佢地走黎走去做野，要點幾大範圍先有用呢?
對於一個全座大廈都有冷氣抽風系統既地方，又要點幾多先能達到效果呢?
最重要係EO有氣味.........對於氣味好主觀，好多人喜歡既玫瑰或薰衣草，一樣有人頂唔順。香港既投訴文化咁勁，我估醫院唔會冒險囉...

而且精油在身體作用機制.......唔同精油有些微分別，有一D係用增強扺抗力既方法，有一D係製做一個果種菌難生長既環境，有一D係刺激身體本身機制去抗衡細菌....(太仔細既唔講喇)

所以精油配方其實幾個人，要睇當事人身體狀況最適合邊一種(仲要加埋心理因素)...

我覺得用精油有少少似我地既中醫學，係比較個人及整全，針對既唔係一點，而係要平衡狀況...

報告係有根據亦有幫助，但實際上既使用，仲有好多考慮因素。
第日你去讀德芳就會明我講咩架喇...

cklife 發表於 2012-9-26 05:04
香港醫院唔同外國果D，認可使用精油做輔助治療既醫院。
係香港醫院比唔比點精油呢?
佢地走黎走去做野，要點 ...

德療本書我刨到書爛了. 我好buy 德療個套, 也很希望能去上堂.
當然, 我唔係芳療師, 也沒有去上堂. 只是不停看書和一些芳療師在網上分享的心得, 然後自行分析, 我估十個有九個人用common sense 去買芳療產品, 都會先聞下, 看看香味是否合心, 再決定買唔買. 就當香水咁睇, 在香港的醫院裡, 當然唔可以燃點香薰, 這點都係common sense, 所以我介紹的報告也有提議加入清潔用品上.

至於同房病人會唔會投訴香味，就要看當時情況了，我好衰，會用左先，都未試就驚這驚那，呢個心態已對芳療成效打左折扣．驚的話，唔用也合理．　但我唔驚囉，上年有幾日响醫院，我都唔理隔離病人，照噴照搽，無人投訴．朋友去醫院探我，仲送左支橙花精油massage棒給我，這個香很subtle，很能安撫我～　　攪到隻腳行得番，要破財買橙花～　

jellyfishy  或者可以滴幾滴响毛巾上, 放在床頭, 或用來抹身, 噴身, 可能也有d用既~

樓主係想做比係醫院工作既人...唔係病人呀....
如果我親人在醫院，我也會和你一樣，少量放在病者私人範圍。

哈...我地熱烈討論打咁多字...樓主失左踨，會唔會有D浪費彈藥呢?

我都係將資料寫入新手扎記囉...可以翻查嘛..

我認為樓主想用EO做殺菌其中一個最大原因是可以自己調較香味。

滴露實在好難聞！

cklife 發表於 2012-9-25 08:57
你想整支滴露比佢?  點解唔直接買滴露?

精油既防菌殺菌機制，同一般既殺菌藥唔同，用一般使用既方法，未必 ...

姐係直接用消毒藥更好?

八王爺 發表於 2012-9-26 12:41
我認為樓主想用EO做殺菌其中一個最大原因是可以自己調較香味。

滴露實在好難聞！ ...

其實我又無留意氣味問題,,,
我純粹覺得EO殺菌力會比消毒藥水好@@,,,(如茶樹,,

而且可以噴身,噴衫~又可以當空氣清新,噴床被都可以@@


還是直接用滴露更好?

jellyfishy 發表於 2012-9-25 09:24
英國最近有報告, 內容好肯定說，essential oils 能有效殺死空氣中的細菌和防止細菌滋生，有效對抗十種”超 ...

對啊,我都有睇過話茶樹係可以殺好多種細菌
所以我都會用茶樹EO+水噴房~或用香薰機@@

031504 發表於 2012-9-29 01:42
姐係直接用消毒藥更好?

即係...就算你真係做野比醫院做既朋友，唔好單靠精油既殺菌力。
醫院咩菌都有，以為精油好勁攪惦，就會少左防範...精油唔係萬能，使用上亦有好限制....

以擴香使用黎講(殺空氣裡面細菌)，幾大面積用幾多精油先可以達到效果呢?用邊種擴香方法先可以有效發揮呢?擴香時邊d位置會有死點呢?擴香唔可以係空擴地方做，醫院有冷氣抽風系統，我覺得就同空擴地方無分別。

如果搽係身上既抗菌呢?唔同精油對人體影響都有分別，精酒既抗菌唔係好似死飛仔打交咁，面對面見到打個你死我活，邊個強就邊個勝利。有d精油係著重增強免疫力去抗菌、有d係特別對人體某一d器官有扶助力，從而幫助器官增加自身的抗菌力。有d精油係幫助體內製做不利細菌生長既環境，而令細菌死亡...等等..等等...

依d情況就要針對唔同既人，或要抗唔同既菌而去做，無話一個配方全部都適用。

當然你既愛心做野比朋友，對佢會有幫助，但我自己個人覺得唔係抗菌依個著眼點囉....
醫院咁多藥、咁多消毒藥水，唔洗幫佢抗菌啦...

反而，我覺得你可以做幫助增強免疫力既產品囉....人周圍走...細菌周圍有，殺得幾多丫...
自己強左，就去邊都唔怕啦...就算萬一中招，都會快d好番嘛...

cklife 發表於 2012-10-3 08:20
即係...就算你真係做野比醫院做既朋友，唔好單靠精油既殺菌力。
醫院咩菌都有，以為精油好勁攪惦，就會少 ...

都係~應該增強免疫力~~BTW EO應該都可以增強免疫力  (好似茶樹
再配合個人清潔偉生~~~~

我想用EO~係因為覺得EO唔會令細菌有抗性(?)
因為我成日覺得人做消毒藥會令細菌出現抗性,,,,(如化學洗手液,洗碗液之類

031504 發表於 2012-10-4 17:43
都係~應該增強免疫力~~BTW EO應該都可以增強免疫力  (好似茶樹
再配合個人清潔偉生~~~~

我好中意茶樹油...除左佢氣味唔多討好外...
佢較為安全，刺激性較少，唔易起敏感...
適度抗菌，增強免疫力，使用容易。

我自己用EO係因為完全唔聞得香精，我氣管敏感，強勁香精仲會令我氣管收窄，吸唔到氣...
而且，精油對心靈療效好好，可以幫助痊癒。
書仲講過茶樹可以抗幅射，但有效性我就唔清楚...都只係話做放射性治療前塗抺，同埋做完放射性治療用黎沖涼等等...
我諗都係同某D植物油防晒既作用差唔多，即係有用，但唔係好勁咁...
但有得攪下，個心都會安樂D既....

cklife 發表於 2012-10-4 18:09
我好中意茶樹油...除左佢氣味唔多討好外...
佢較為安全，刺激性較少，唔易起敏感...
適度抗菌，增強免疫 ...

我覺得最起碼不會有抗藥性
一般偉生做足,再額外使用茶樹油應該會更好