請問有人試過用水果皮加糖 做堆肥嗎?

tomtomtom 發表於 2012-9-9 07:30
你朋友說的方法大致上是對的，果皮及糖及水的比例為  3:1:10，即3斤果皮+1斤糖+10斤水。糖不要用白糖，用黑 ...

唔該請問點解唔好用白糖？製成旣酵素會唔會惹蟻架？

yukyo 發表於 2012-9-14 08:05
唔該請問點解唔好用白糖？製成旣酵素會唔會惹蟻架？

白糖問題請看 6# sausau 的回覆。

如釀製成功糖份已全部分解，不會惹蟻

唔好意思, 計數唔叻, 如果用個1公升樽, 應該用幾多果皮及片糖?

KChong 發表於 2012-9-14 12:49
唔好意思, 計數唔叻, 如果用個1公升樽, 應該用幾多果皮及片糖?

只可裝八成滿, 即約800g

共分14份 (水佔10份, 果皮3份, 糖1份), 所以每份約60g

即一公升的樽, 要用水600g, 果皮180g, 糖60g, 共840g

如用2公升樽, 就將以上份量乘2, 3公升就乘3, 如此類推.

有人試過用蕉皮嗎

會不會快d分解, 可以早d用得

dincat 發表於 2012-9-14 20:55
有人試過用蕉皮嗎

會不會快d分解, 可以早d用得

蕉皮 (或其他果皮) 都唔會完全分解，3個月後都仍然有渣的。

不足3個月唔知D糖會唔會未分解而惹蟻。不如將蕉皮埋入泥做肥。

armonly 發表於 2012-9-13 21:51
我用量唔多, 都係整一小樽試吓先, 呢度只係兩個橙皮, 加左1/4片片糖,  聽日加多兩三個, 係咪OK?  ...

係喎, 3果皮-1糖-10水 , 再整過先得, THANKS ..


咁三個月後會全部溶哂架?

Springonions 發表於 2012-9-14 13:31
只可裝八成滿, 即約800g

共分14份 (水佔10份, 果皮3份, 糖1份), 所以每份約60g

唔該晒!

順便問多樣; 海草水越浸越淺色, 係咪表示再浸斬無用? 剩下來的海草點處置?

KChong 發表於 2012-9-15 11:31
唔該晒!

順便問多樣; 海草水越浸越淺色, 係咪表示再浸斬無用? 剩下來的海草點處置? ...

係咪埋入種緊野d泥到ok呢?

我都整左好多支

tomtomtom 發表於 2012-9-9 07:30
你朋友說的方法大致上是對的，果皮及糖及水的比例為  3:1:10，即3斤果皮+1斤糖+10斤水。糖不要用白糖，用黑 ...

(舉手)  邊種果皮先得? 以下果D得唔得?

1) 橙

2) 血橙

3) 柑

4) 蜜柑

5) 檸檬

6) 桔

7) 西柚

8) 碌柚

9) 檸檬

10) 羅漢果

Christopher 發表於 2012-9-17 16:28
(舉手)  邊種果皮先得? 以下果D得唔得?

1) 橙

全部都得，不過8）請留意前面提及的水量問題。

邊度有血橙賣？

環保酵素:
成份有蔗糖、水、香蕉皮、橙皮、蘋果、薄荷、舊米,
製作四星期後
環保酵素興咗好耐~~依樽是四年前製作的,放了兩年多後像香酒般,好清香!



d氣勁到爆開蓋,加了檸檬最好氣,依架已無再整~~因為要用糖唔環保,依架d果皮多數用來做堆肥

sausau  血橙，乜來ga？紅dok dok 果d橙？  發表於 19 分鐘前

請參考小弟之相冊-澳島花草
之前有花友問我食完有冇留番粒核，見到提起所以一問

tomtomtom 發表於 2012-9-17 16:58
全部都得，不過8）請留意前面提及的水量問題。

邊度有血橙賣？

之前在瑞士都食過血橙，是西班牙來的，香港賣得很貴。老實說，我不覺得它好吃，新奇士好食點

廚餘變清潔劑
廚餘酵素製作方法
材料:黑 糖或黃糖2份、菜渣或果皮6份及水 20份(以3公升儲存容器為例,利用量 杯每100毫升為1份)
做法:
1) 把水和黑糖放進密封透明儲存容器內,順 時針方向攪勻後,放入菜渣或果皮,並預 留空間讓其發酵。發酵過程約需3個月,在 製作過程中只需將容器蓋好,便毋需擔心 產生臭氣。廚餘黏實後,便會下沉
2）需讓黑糖水蓋過廚餘,把浮起的廚餘按下 去,使其浸在液體中。(只需扭緊瓶蓋, 翻轉搖勻容器內的黑糖與廚餘,當黑糖與廚餘黏實後,便會下沉)
3）當液體呈現黑色,表示酵素正在發酵。
4）每 隔兩天扭開樽蓋排氣,然後再蓋好,此舉可防止發酵後空氣於容器內過度充斥。廚餘液應呈棕黃色,有着橘子般的氣味。
5）約3個月後,開瓶時再不會有氣味,當其轉為微啡色便代表廚餘清潔劑製作完成。
6）製作完成後,廚餘渣滓可繼續留在容器,並可和下次的廚餘再次釀製廚餘酵素。
註: 將廚餘渣滓切碎加入黑糖後沖入馬桶, 可作馬桶清潔劑;若切成小丁後曬乾,可埋在泥土裏作肥料。


廚餘酵素用法
用途 使用比例
肥料…………..........................................1酵素:100毫升水 = 1:100
殺蟲劑(昆蟲).......... .............................1酵素:1公升水 = 1:1000
空氣清新劑 ……....................................1酵素:200毫升水 = 1:200
種植、栽培花..….…..............................1酵素:500毫升 = 1:500
消毒劑 ……......…................................. 1酵素:500毫升水 = 1:500
洗衣液、清潔劑、洗髮液、沐浴露...... 1酵素:1清潔　液:10毫升水(因廚 餘酵素未能徹底去油,故須混合洗潔 液使用。)  = 1:10

ChowChow  1酵素 = ? ml  發表於 2 小時前
===========================
加番清楚少少la

我今年2月做左一桶, 主要用果皮, 因為懶得每日放氣, 所以一開始就無盍實,
最初無嘜野,但內左......一樣會有蟲浮水面, 白色肥蟲  
你地唔好學我懶扭實個盍呀


成桶野因為見過有蟲,到而家我都唔敢再開佢 ,擺左去田邊......未試過用嚟追肥,未知當肥料good 唔good !



金剛  上年我用咗整咗兩年的環保酵素淋落塊田,種出來的菜心,唐蒿,生菜,蘿蔔及其他農作物種得非常好,好好食  發表於 1 小時前
===============
咁.....有蟲....咁點算 ,dum左佢又覺得side , 唔dum又....

廚餘樽都試過, 簡單好多, 主要用個樽開底部, 放D果皮菜渣豆根入去,
加報紙又試過, 加泥又試過, <---個人覺得,因水份較易較快索去,無咁易有蚊滋仔
嘜都唔加都試過<---較易有蚊滋仔,但廚餘水份較快流入泥土,好快好明顯見到植物有改善, 花,葉,果都特別靚!
膠樽既廚餘完全乾晒發酵後,做基肥時一齊放落去, 都好明顯地....
上年種完冬瓜既一盆泥,自己覺得可能被冬瓜吸晒所有肥及益菌,
原本種嘜都唔識大/死, 落極肥追極肥都唔得,
用左廚餘做基肥,再加廚餘樽流既廚餘液,d 泥既土質平衡番, 種野都識大囉!



插住廚餘樽既辣椒,好明顯靚左好多!



ChowChow  簡單易明, 活動教學 >.^  發表於 半小時前
=====================
呢個方法最好係,唔會有蟲, 就算封唔實個盍,最多多少少蚊滋,但因唔會積水,吽唔到蟲!

金剛  上年我用咗整咗兩年的環保酵素淋落塊田,種出來的菜心,唐蒿,生菜,蘿蔔及其他農作物種得非常好,好好食  發表於 半小時前
=============================
我都覺得....用廚餘既肥超好,自己會平衡番土質, 好似唔洗理佢缺少左咩養份咁 !


Christopher  我個半月前開始用廚餘桶, E 家都有1/3桶, 我要加快速度, 做多D豆漿留多D豆渣, 填滿個桶   發表於 昨天 23:45
＝＝＝＝＝＝＝＝＝＝
豆渣對種菜最好！加油

2020 發表於 2012-9-18 18:22
廚餘樽都試過, 簡單好多, 主要用個樽開底部, 放D果皮菜渣豆根入去,
加報紙又試過, 加泥又試過,  ...

請問你個樽蓋點整?