本帖最後由 花園仔 於 2012-7-28 00:57 編輯
roseyau 發表於 2012-7-27 15:37
老師,請問種茄子有乜心得? 我種到爛曬.
可否分亨一下有乜重點要注意的地方? ...
roseyau及大家好!
roseyau, 種茄子我冇乜心得架咋! 都係同種其他植物差唔多啫!
體茄子, 辣椒及蕃茄之中茄子係比較易種嘅植物!
只要水足肥夠陽光好就能種得到靚茄子架罅!
要注意嘅地方?
首先泥土最緊要唔好重複使用上次用黎種過茄椒類植物嘅呢土啦!
淋水要按實際情況對應, 植株細棵時唔好淋太多水以便植株追水長根, 到植株碩大葉多及結果時要保持泥土濕潤....
肥料要足夠及準確施放, 我前期喜歡用均效肥+氮, 開花結果期多用均效肥+磷肥+鉀肥並提早+咗啲補鈣嘅雞蛋殼碎(減少臍腐病爛pat pat嘅風險)....
想靚就一定要笠袋, 笠袋係因為除咗果蠅外仲有其他害蟲會侵襲果實嘅!
唔講咁多嘞, 其實朋友仔種茄子比我種得好好多 -- 植株壯碩又果多....
最大嘅原因係佢嘅泥土酸鹼度調配得適合茄子生長, 施肥嘅種類及份量準確....
朋友仔嘅茄子(前一天摘走咗幾個茄子及呢棵係最細嗰棵黎架咋!)
|