乜都種吓嘅花園仔

花園仔 · 發表於 2012-7-19 23:37:33

本帖最後由花園仔於 2012-7-19 23:39 編輯

晚安!

花園仔 · 發表於 2012-7-20 18:35:49

本帖最後由花園仔於 2012-7-23 20:19 編輯

大家好!

非常多謝 carlyyau, kkhope及DORA 體 17832# 帖對<黑色圓茄子>嘅關注支持及鼓勵!
今日再次鼓起勇氣將成熟嘅两個茄子採摘落黎並即時蒸熟俾多人試食, 結果完美 -- 肉質嫩滑味道好! 決定留種!!

回復點評

大家好!

fisch1216, 針對呢隻黑色圓茄子而言, 就算同批嘅種籽(種籽袋寫住果實標準尺寸), 都因各人嘅種植環境及條件不同, 所種出成熟嘅茄子大細亦有差異嘅, 要知幾時係最佳採摘時間, 好簡單啫, 當瓜瓜停止膨大時, 表皮仍黑色亮麗落去有彈性時就應該趁嫩摘食嘞! 嘻嘻!

花園仔 · 發表於 2012-7-20 21:23:20

食完菠蘿, 個頭放體報紙上邊(1-2日)等切口乾咗就用個盆仔種到生滿根再移種落地或大盆(直接都OK架!)....

得咗!

花園仔 · 發表於 2012-7-20 21:40:44

本帖最後由花園仔於 2012-7-21 23:20 編輯

<橙色小南瓜>及<壽司青瓜>啲葉都受到潛葉蠅襲擊, 唔使緊張....噴噴咪得啦!

得咗!

回復點評

wai121, 所噴嘅都係同主流一樣啫! 苦楝油(三益), 綠油油, 依天得....

花園仔 · 發表於 2012-7-20 22:39:19

本帖最後由花園仔於 2012-7-20 22:42 編輯

瘋狂開花結果中嘅<長條苦瓜>

記得睇圖時請順手體張圖上點擊一下,
跟住體張圖右上角點擊一下<實際大小>放大圖片後清楚好多架!

花園仔 · 發表於 2012-7-21 23:06:14

本帖最後由花園仔於 2012-7-21 23:30 編輯

回復點評 17843#

小丸及小寶好!

青瓜好易種啫! 唔使咁多花臣嘅! 水足肥夠陽光多就OK啦! 防蟲噴噴唔少得!
種地就俾佢出多啲瓜瓜, 大盆少啲, 細盆又少啲....自己話事嘅啫!

新種嘅<壽司青瓜>係採用剪頂及節制子蔓方式栽種嘅!

我採用嘅方法係去除6塊葉以下嘅<子蔓>, 6塊葉及以上嘅<子蔓>留一葉一乸花, 約22塊葉左右剪頂!

地上種仍容許<孫蔓>一乸花, 盆種就睇吓所用嘅盆大小, 泥土容量及有幾多<子蔓>所產嘅乸花達要求數量, 更進一步開放<孫蔓>嘅乸花數量!
即係話種體地可以俾多啲乸花開花結果, 用大盆種, 泥又多嘅容許乸花數量梗係少過地種啲啦, 用細盆種, 泥又少容許乸花數量又少過用大盆架啦.... 總之有咁大個頭先至帶咁大頂帽啦!

回復點評

花花, 正常植株就會好似上圖咁每一<子蔓>都帶上乸花嘅而且係連續嘅添! 所以要好大勇氣黎剪剪剪架! 你睇:

花園仔 · 發表於 2012-7-21 23:38:36

種嘅梗有成功失敗架啦! 今日又有棵茄子頂唔順高溫瞓咗覺囉!

花園仔 · 發表於 2012-7-21 23:40:26

好彩仲有佢地生生性性咋!

花園仔 · 發表於 2012-7-21 23:45:00

露地種嘅<洛神花>

花園仔 · 發表於 2012-7-21 23:47:12

培苗中嘅菠蘿

花園仔 · 發表於 2012-7-21 23:51:42

扁圓盆種嘅<長條苦瓜>今日開咗第一朵乸花!

花園仔 · 發表於 2012-7-21 23:54:37

留種籽用嘅秋葵莢果

花園仔 · 發表於 2012-7-23 13:34:46

大家好!

溫馨提示

就算天文台黃昏掛唔掛八號風球今晚都好大風架罅! 大家都要為植物做好防風工作呀!

睇吓呢棵係乜嘢植物

花園仔 · 發表於 2012-7-23 18:37:25

大家好!

八號風球囉! 大家嘅防風工作做好未阿! 安全第一呀!

下午出咗溫馨提示後就到處做防風工作嘞, 總算搞掂曬囉!

扁圓盆嘅<長條苦瓜>今日開咗第二朵乸花, 除咗幫佢人工授粉及笠袋外仲大陣仗搞埋防風工作添!

花園仔 · 發表於 2012-7-23 19:01:05

有壇友話啲瓜瓜笠咗袋都死瓜喎! 又賴布厚焗死瓜(用食物保鮮袋都唔怕啦!), 有啲壇友仲話除咗苦瓜外就冇有怕乜都唔使笠袋咁話.... 唉!

梗唔係啦! 事實係好多乸花授粉唔成功就笠袋又有, 甚至有啲乸花未笠袋就被果實蠅拮咗嘞, 笠袋都死啦!

你睇啲果實蠅會同你客氣咩! 嗰啲誘劑捕蠅器只可以捉雄蠅架咋! 啲雌蠅咪一樣可以體第度同雄蠅搞完嘢再飛黎你嗰度拮你啲乸花或瓜瓜果果架!

花園仔 · 發表於 2012-7-23 19:19:18

本帖最後由花園仔於 2012-7-23 19:22 編輯

雖然笠袋都笠到手軟, 為咗有美味瓜瓜食辛苦啲都係值得嘅!

記得睇圖時請順手體張圖上點擊一下,
跟住體張圖右上角點擊一下<實際大小>放大圖片後清楚好多架!

花園仔 · 發表於 2012-7-23 22:13:21

有壇友問番薯葉點採收喎? 嗱, 我就係咁做架罅:

花園仔 · 發表於 2012-7-24 01:55:00

誓不低頭 -- 十號風球下嘅<長條苦瓜>

花園仔 · 發表於 2012-7-25 01:20:32

本帖最後由花園仔於 2012-7-27 00:26 編輯

回復點評 17860#

小寶老師點知道昨晚一定好大風架?

小寶及大家好!

先幾日晚約七點幾同朋友們散步, 見天上雲彩紅艷艷就覺得唔妥, 並話俾大家知風會打到黎嘞! 因當時風轉向海南各人都笑話冇可能.... 昨日飲茶返上天文台網一睇雲圖已心信不疑知道呢個風肯定深度影響本港, 可惜天文台稍前仲輕鬆話晚上5-8時考慮改掛8號風球咋! 我立刻打電話通知有關朋友話明當晚肯定掛高波打大風, 並體帖子度出溫馨提示通知各位做妥防風工作保護心愛嘅植物, 自己將所有應做嘅嘢做好後就打電話俾朋友及朋友仔睇吓使唔使幫手. 因事前防風工作做足, 風後一切如常, 感恩!

做咗嘢, 風後一切如常嘅幾盆植物 -- 長條苦瓜

順便開埋估嘞 -- 嗰棵係 <夏威夷菠蘿> 斑蘭葉啲葉脈明顯粗好多架! 嘻嘻!

花園仔 · 發表於 2012-7-25 01:29:05

<黑色圓茄子>正值開花結果時遇上打風....
唔緊要, 做多少少嘢咪冇問題啦!

風前

風後