本帖最後由 花園仔 於 2011-9-6 23:46 編輯
回復點評 16194#
priscissie: 老師好, 原來要等到10/11月, 我好期待呀.......但之前我成日裝佢有無花林, 見過丁屎咁細粒既, 過幾日就黃左, 甩埋, 係天氣太熱定我棵野唔夠健康??
===========================
priscissie好!
唔使緊張吖! 咁嘅情況好多客觀條件都足以令佢甩花跌果嘅! -- 該品種對種植環境嘅適應性, 種植條件嘅少少缺失等等都會令植株出現呢啲情況嘅!
我認為應尋找吓種植過程出現照顧不足嘅地方去加以修正先, 例如睇吓植株夠唔夠壯碩, 因為植株壯碩多橫丫開花結果數量至多嘅, 所以趁未到天氣最適宜開花結果期時(結果期預10月-11月)去加強植株管理, 俾多啲水及肥料(氮肥+磷肥+鉀肥)谷吓佢, 如果植株枝葉稀疏咪氮肥, 磷肥及鉀肥都平均啲, 如果植株夠壯碩就著重谷花果嘞, 就可以少啲氮肥多啲磷肥及鉀肥囉....總之洛神花粗嘢黎啫, 好易搞嘅, 點都種到滿樹花果嘅! 嘻嘻!
今日撿查過咁大棵都未有花冧呀, 老實講都有少少心急架, 啲朋友仔等食吖馬!
|