乜都種吓嘅花園仔

<燈籠椒>膨大中





有啲仲成熟緊添啵!

<綠豆>開始成熟囉!









回復點評

小寶好! 新出綠豆好靚仔架, 啲顏色亮澤過買翻黎嗰啲好多添!

蕃薯mo, 咁你叻過我好多嘞, 到而家我都係收咗3條咋!

晚安!

老師, 我想請教吓, 種過野已收成一段時間嘅泥土, 土裡面有好多枯咗嘅根, 莖, 葉...... 點樣先可以令啲泥土回復返足夠嘅養份去種新嘅植物呢...... 係咪撈啲基肥就OK呀? 我試過用返小小舊泥發新芽, 但係發唔出喔.....

老師早，中秋節快樂！

回復點評  16245#

MilkMilk:  花老師點解你棵豆咁少葉但咁多豆? 我種的十分多葉無豆，可以點處理?
============================

MilkMilk及大家好! 中秋節快樂!

<長豆角>多葉無豆主要係受施肥影響多啫! 當植株開始萌發花苞時, 我開始以磷肥鉀肥為主氮肥為副作薄肥多施嘅方式去進行施肥工作嘞!


朵朵花都結得成豆架!

而家<秋葵>進入收穫嘅季節嘞!

睇見好多壇友對幾時至係<秋葵莢果>最佳嘅採收時期呢都搞唔清楚, (敝帖講過架罅!)再多口講幾句啦!

每種唔同種類嘅<秋葵>佢地嘅莢果大細都會唔同嘅!
因為每人嘅種植環境及條件唔同, 因此會有莢果外形大小及數量多少嘅差異架!

但適時採收係唔會有分別嘅, 當<秋葵莢果>膨大停止, 佢嘅莢果托啲鬚鬚就會甩跌! 莢果表皮顏色會轉淡.... 嗰時至採摘就聽定柴皮啦!

咁點樣至係適合採摘呢?
好簡單嘅啫, 例如我種嘅<Y牌秋葵>種得好可以成9吋長架!

我設定最多體8吋長及鬚鬚齊全及顏色未變淡時採摘, 採摘後即進行保鮮程序!
烹調設訂係深度煮食好似煮咖哩類, 烹煮時間稍長令莢果煮到淋滑!

炒食類會體莢果到7吋長時採摘!

白灼或放湯(粉)時會體6-7吋時採摘!

總之秋葵點整都好好食嘅! 先決條件係種得靚及採收合時啫!


呢幾條<秋葵莢果>係用黎煮咖哩嘅!













回復點評

hempseed, 花苞從初孕到開花好耐架, 時間長短視乎植株健康情況嘅啫, 好難一概而論嘅!

花老師, 我想問那些洛神花的果, 是否要等到紅色花萼內裡的果實自然變成啡色才摘下來, 還是綠色果實摘下來等到變成啡色; 才能取內裡的種子?

中秋節快樂!

自留種籽嘅<洛神花>好大棵呀!
(好似商場啲聖誕樹!)

花園仔老師,想請教一下,我棵桑樹最近又有桑果(我以為每年只有一次),我要不要剪晒去留番啲營養俾棵樹呀?

幾快趣! 加拿大<四季豆>出芽囉!

好甜呀!

老師, 有個問題想問呀,因為屋企老人家有種D種物,我見佢又有黃葉,有又蟲, 想幫佢打理下佢, 不過我唔知佢個兩棵係咩想上網搵資料都唔得. 問佢係咩佢只係答我係神仙草,想問下老師知唔知係咩嚟架? thx

花園仔老師你好，

讀左你個帖有幾個月，第一次提問，唔該你俾D意見。我今年三月係街到執左盤柑桔番屋企，想自己試種一下，一直有幫它剪葉剪枝，準備遲D換盤換泥。今日我先發現原來幫我剪草個園丁有係棵野到落農藥，嚇死我。佢話未有花落藥唔緊要，如果唔係有好多蟲重有菌。我有種其他野都無落藥，上網睇好似話柑桔好難種，真係會有好多菌。你個帖好似無講過種柑桔（睇到200多頁），唔該請問你有無種過柑桔，係咪可以好似種青檸咁種。唔想落藥要注意D乜野，唔該晒。

yukyo 發表於 2011-9-14 18:53
花園仔老師你好，
讀左你個帖有幾個月，第一次提問，唔該你俾D意見。我今年三月係街到執左盤柑桔番屋企，想自己試種一下，一直有幫它剪葉剪枝，準備遲D換盤換泥。今日我先發現原來幫我剪草個園丁有係棵野到落農藥，嚇死我。佢話未有花落藥唔緊要，如果唔係有好多蟲重有菌。我有種其他野都無落藥，上網睇好似話柑桔好難種，真係會有好多菌。你個帖好似無講過種柑桔（睇到200多頁），唔該請問你有無種過柑桔，係咪可以好似種青檸咁種。唔想落藥要注意D乜野，唔該晒。

===============================

yukyo及大家好!

我而家都種咗幾種柑橘類植物架, 亦有分享傳上圖片格, 慢慢睇啦!

你執翻黎嘅柑桔盤栽應該係年桔黎, 人地擺完唔要嘅, 多會落過農藥啦! 唔通人地做生意同你有機種植咩!
園丁話未有花落藥唔緊要係錯嘅! 如果唔係有機農藥毒性比較強而且殘留時間亦好耐至消失架! 就算唔係食落肚都對環境造成破壞而影響個人身體健康呢! 你叫佢用有機農藥毒噴灑咪OK啦!

我又唔覺好難種啵! 惹蟲啲囉 -- 最多係黑蝴蝶嘅蟲, 好易清理捉走啫! 有菌菌唔想落藥咪到<病蟲害篇>度問吓啦!

收咗啲椒椒

<茄子>大重囉! 被風吹到跌落地 -- 用竹枝撑翻起咪得啦!

扁圓盤嗰棵都一樣啫!

種地就穩陣好多嘞!

少少地都夠一餐啦!