本帖最後由 花園仔 於 2011-8-31 21:47 編輯
carlyyau 發表於 2011-8-31 13:37
老師好!嘻嘻,原來我都係幼稚園.我前幾日種咗樱桃蘿蔔,出苗勁快,一日就有也睇,雖然嚟幾日天氣好熱,蘿蔔苗都算正常.祇是鬼椒仲未有聲氣,等侍中.......
carlyyau及大家好!
哦, 我唔係指<櫻桃蘿蔔>係幼稚園小朋友先至啱佢地種,
只係佢嘅種植條件比較簡單及效果顯現穾出之馬!
<櫻桃蘿蔔>屬懶人菜, 如果泥土嘅基底肥做得好真係唔使做乜嘢工夫就有收穫架罅!
播種:
可跟據種籽包所述去做, 但亦要因應自己種植環境去調節嘅, 主要睇吓自己日照多少, 多就株距去到50mm到得, 少就唔好咁密嘞 -- 80mm啦! (出苗後隨時用碎土維護唔好俾苗苗東倒西歪)
防蟲:
主要係各種<芽蟲>, 好易對付啫, 噴噴啦! 最多係白粉蝶嘅幼蟲, 捉蟲又得, 噴噴又得! 我覺得捉蟲實際啲, 就算有漏網之魚俾佢整花啲葉都損害唔到蘿蔔仔幾多啫! 當然, 有大型網室就梗係好啦, 如果用小形防蟲網都可以防止白粉蝶搞搞震架, 但用咗網後點都影響通爽環境嘅, 害處就係芽蟲及菌菌會比唔用網多啲架. 我喜歡植株細小時用網, 到佢大棵硬淨啲就採用開放式種植嘞!
施肥:
薄肥多施囉! 初期以氮肥為主磷肥鉀肥為副(偏氮嘅均效肥咪得啦!) 到咗見到植株根部紅色及變粗就轉向磷肥鉀肥為主氮肥為副嘞, 如果冇做基底肥嘅就7-10日追一次肥啦! 有做基底肥咪可以施肥期拖長啲囉10-12日都OK架罅!
其實施肥點處理好易嘅 -- 見枝葉軟弱顏色淡唔夠青綠咪俾多少少氮肥幫佢調理吓囉! 想蘿蔔仔大啲甜啲顏色紅啲咪落多少少磷肥鉀肥鼓勵吓佢囉!
由於<櫻桃蘿蔔>嘅種籽及初苗唔受得肥架, 泥土太肥或過早施肥反而好容易醃死苗苗嘅, 所以設置基肥泥就要注意囉! 我嘅操作方式係咁嘅:
<一> 先體盤底放約1吋普通泥
<二> 跟住放入按量嘅發酵完成基肥泥, 淋水(目的係修訂及固定泥層厚度, 避免最頂層嘅普通泥鬆散蹋下與基肥泥混埋一齊)
<三> 肯定基肥泥層嘅Level正確後, 放入1吋半嘅普通泥並稍為噴濕.
<四> 按尺寸放置種籽後用噴水壺噴濕透泥土就OK啦!(錢多可以體面上灑啲類德國花泥, 節儉咪灑啲普通泥都得嘅, 做埋呢part效果幾好架!)
|