乜都種吓嘅花園仔

hftc2010 發表於 2011-8-23 06:19
老師大蕉熟到點至可以摘

hftc2010,

大蕉停止膨大後表皮顏色會漸漸變淡轉而黃化就係收割最佳時候嘞!
完全成梳蕉黃熟曬先收割係唔實際架!
(市場買到嘅蕉蕉佢地青BB就被割落黎架罅!)


我帖子內有好多有關蕉蕉嘅資料格, 你無留意啫!

回復點評  16041#

小Con子:  老師~~~我棵大大棵洛神尋日 5pm就見佢頭dup dup, 到今朝都唔起身 >~< 點算呀 ?? !!!!
========================

小Con子,

我有棵種體地嘅<燈籠椒>都係有咁嘅現象, 發覺後就嗱嗱聲用遮光網冚吓佢先嘞. 睇吓救唔救到啦!


今日晨早









今日中午







回復點評

麥煞那, 两棵種埋一齊架! 人地就咁靚佢就頭耷耷, 點會係太熱或唔夠水呢!
原因係頭耷耷嗰棵啲根生長得唔好或爛根啫!

種嘢梗會遇到啲唔想見到嘅事架, 蟲蟲梗係有架啦!
千祈唔好睇見啲芽芽就痕曬雞, 噴噴咪得囉!

嘩! 龍缸嗰棵<燈籠椒>中咗<芽芽>添! (噴咗囉!)

溫馨提示:

無論<大,細蕃茄>踏入農曆八月就係落種籽嘅時候嘞, 遲少少涼啲就梗係最好啦, 因為好多外地種類嘅<蕃茄>都係怕熱架馬!

同樣<各類生菜>到咗農曆八月都係可以落種籽架罅! 而家落嘅種籽種出黎嘅生菜好正常架(矮身盤形), 唔會學先棑種出黎咁剩係識標高嘅! 當然遲少少涼翻啲先落種籽就梗係最好啦, 因為好多外地種類嘅<生菜>都係怕熱嘅!

有壇友問<辣椒啲椒出到堆埋喺頂, 正常嗎?>

有乜唔正常喎! 每種唔同嘅辣椒自有唔同嘅形態, 上述形態係好普通而常見嘅!


曾種過两年嘅集束形結果嘅<指天椒>

近期種緊嘅集束形結果嘅<黑色指天椒>

未睇圖片前請睇吓下面嘅文章先啦!

http://big5.xinhuanet.com/gate/b ... /23/c_121898071.htm


睇見我嘅<白色長豆角>稀稀疏琉, 唔好笑呀!
我日日都有啲收吓嘅, 好林甜架!









回復點評

小Con子, 你話呢! 絲瓜除咗最惹果蠅外都好受其他蟲蟲歡迎架! 你諗吓啦!!!

晚安!

回復點評  16098#


小Con子:  收咗豆後,條梗使唔使剪咗佢?
===============================


小Con子及大家好!

千祈唔好剪呀! 條梗會出好多次豆花架!

我收豆角係一隻手揸住條梗, 一隻手揸住條豆角旋轉, 條豆角就會甩啦, 用剪體貼近豆豆嘅訂位度剪又得....

回復點評  16094#

mono:  嘩！睇見都想C
====================

Mill, 有冇咁嚴重亞?

搞掂咗嘞! 唔會再有芽芽架罅! (用咗幾分鐘啫!)









回復點評

Mill, 對付芽蟲我會用<綠油油>或<苦楝油>啵!
用邊種取決於噴灑位置, 一般噴枝葉會用<三益苦楝油>,
噴灑位置有花苞嘅會用<綠油油>, 因為佢冇咁油林林吖馬!

回復點評  16082#

hempseed:  嘩, 好大好靚呀
=================


hempseed,

剩係長枝葉都唔係全部架, 最緊要長多啲果莢啫!

回復點評  16093#

小寶:  老師好! 小寶d 茄子都有這個現像. 然後就會凋謝~
============================


小寶好!

呢個現象多數出現體啲多多葉大大林嘅植物身上嘅!
主要原因係 -- 根部生長不良或爛根....
所以努力都係盡吓人事架咋! (成功救翻機會好低架!)

嗱! 經過琴日做咗啲嘢後, 棵嘢結果都兀翻起身....
不過如果係咁做sit-up多幾次就唔樂觀嘞!

溫馨提示

<玉豆>及<四季豆>踏入農曆八月就係最佳落種籽嘅時候嘞!

溫馨提示

好多時所買嘅種籽係有顏色嘅, 嗰啲顏色係人工加以塗上架,
種籽使用農藥殺菌消毒後, 為咗容易辨識, 會加以染色嘅!
極大部份進口種籽大多用農藥處理過架!

浸過甩色嗰啲大多係染色素啫(當然亦會浸咗啲農藥體水度), 大多農藥係冇顏色嘅!

所以種植用嘅種籽係唔可以用黎發芽苗菜食架!

用黎發芽苗菜食嘅應該要購買發芽苗菜專用種籽或用可供食用嘅豆豆呀!


參考吓文哥仔有關種籽嘅資料吖:

http://hkplants.com/thread-26075-42-1.html

840#


種籽用農藥殺菌消毒目的係令種籽體保存期及播種後避免蟲菌侵害!


一般種籽染咗顏色嘅就係經農藥處理過嘞,
冇染色嘅種籽有冇經農藥處理過就好難講囉!

多數種籽包嘅說明會標示出該種籽有冇經農藥處理嘅,
所以用邊類種籽作種植用途都唔會有大問題.

但作為食用芽苗菜嘅發苗種籽就要小心謹慎嘞,
一定要用發芽苗菜專用種籽或用可供食用嘅豆豆黎發囉!


回復點評

小Con子,  如果啲種籽係染色嘅, 有機種植就唔合格架罅! 即係話農藥殘留期到咗植物收成都過唔到測撿啫! 所以衫兄知道我係有機種植, 如果嗰啲種籽係染咗色嘅, 佢都會叫我唔好買嘅! 就係怕最後有機會通唔過撿測啫!
至於如果用咗染色嘅種籽最短要種幾耐先好收黎食? 呢個問題根本冇意義, 總之一般植物由落種籽到收成都要成個月啦, 肯定遠比種籽商提供所落嘅農藥嘅安全期為長嘅!(跟本上你都唔知佢落咗乜嘢農藥!) 點都比食體一般市面買翻黎嘅菜菜安全啲啦!

小Con子, 染咗色嘅種籽(豆豆)即係落咗農藥啦! 如果冇落藥使乜整色整水黎提示你啵! 呵呵!!

回復點評  16102#

hempseed:  我個棵仲係細細棵,可能係因為我個度陽光唔夠,下次真係要買Y牌,同埋用D吽好嘅泥種.
=============================

hempseed,

種植條件足夠就梗係好啲啦!
不過稍欠陽光都問題唔大嘅, 你睇翻我啲前帖吖, 好多都係種體啲唔夠陽光嘅地方架(花槽或近牆邊位), 但都生長得唔錯吖, 高了了啫, 都連續出咗好多果莢架! 努力!


嗱! 我呢两棵都係種體近牆邊嘅, 隔離仲有啲高大須遮住曬有限嘅陽光添, 唔緊要格, 佢一樣會快高長大開花結果嘅!

花園仔 發表於 2008-5-22 10:27
貓貓, 靚靚及mandy大家好!

唔講得, 樣樣有D喇!

how to know the difference of 授咗粉 and not yet 授粉?

香草區有壇友話種極都種唔到<迷迭香>喎! 連插枝時常都不成功呢!
睇極諗極都唔明, 繁殖及栽種<迷迭香>有乜難度喎, 大了天氣熱就冇咁靚之馬!

今早用水吽根及泥插枝條整咗幾棵新苗!

求其剪咗幾條枝條, 用水浸住先.
整定幾個軟盤放夠泥(求其乜嘢泥都得啦!)
插枝用嘅枝條將插泥位剪走葉子(預1吋半)
盤泥濕透水, 將枝條插入.

浸水吽根嘅就唔使理(求其一,两日換吓水囉!)

搞掂曬咪將佢地放體窗邊陰涼地方, 保持泥土濕潤!

到咗浸水吽根嘅有大量白根走出黎咪OK啦!

插枝嘅見到有芽仔標出黎咪搞掂囉!
(跟住唔好淋咁濕等棵嘢出多啲根去追水!)

到棵嘢夠壯健先至移種大啲嘅盤(8吋直徑以上)!

保持泥土潤就得唔好太濕, 植株腳底位要通爽, 避免蟲菌滋生!
薄肥多施, 均效肥偏氮就OK....

annabee 發表於 2011-8-25 16:50
how to know the difference of 授咗粉 and not yet 授粉?

oic! thank you very much ar!

前日嘅<燈籠椒>

回復點評  16101#

Nancy:  嘩...睇見"千祈唔好剪呀!"呢句, 真係好驚驚...好彩睇落去呢句"用剪體貼近豆豆嘅訂位度剪又得"又開心番....哈哈!
=============================

Nancy及大家好!

真係有人摘豆角時用較剪剪咗條豆梗架!


咁就啱嘞!