乜都種吓嘅花園仔

<雷公鑿苦瓜>陸績開花結果嘅同時今日又摘咗幾個瓜瓜....

睇吓大龍紅種嘅<印度鬼椒>現況:

花老師
咁我想問我棵苦瓜已經種左大概兩個月，我見佢底下10寸位以下真係生左側芽，仲開花添，而家先剪，還可以將養份回流谷返個果果嗎，因為佢已經落左幾個果果啦。如果可能，我天日去攪定佢。
多謝指導。

回復 nhf 的帖子

呢兩個禮拜唔得閒上嚟睇帖，頭先猛刨先前D帖，見到花老師種嘅「泰國番茄」果子又多又靚，但D葉都仍然咁綠。
我最近種咗棵車厘茄，都結咗好多果，但D葉又黃又謝，，我喺咁剪葉，就嚟剪到無葉做光合作用了，
請問花老師點解會咁，喺咪唔夠水，定唔夠肥呢？
=================================

nhf好!

車厘茄啲葉又黃又謝嘅原因好多, 唔夠水或唔夠肥都可能架!
但最大可能性係天氣異常高溫引致, 蕃茄好怕熱架!

回復 Karine 的帖子

花老師
咁我想問我棵苦瓜已經種左大概兩個月，我見佢底下10寸位以下真係生左側芽，仲開花添，
而家先剪，還可以將養份回流谷返個果果嗎，因為佢已經落左幾個果果啦。如果可能，我天日去攪定佢。
多謝指導。
==================================

Karine 好!

又唔使咁大反應嘅, 落果原因好多亦未必與腳底側芽有關嘅!
剪除1米以下側芽嘅主要原因係當植株發育生長期間,
唔俾早出嘅側芽, 怕佢影響主蔓迅速粗壯攀爬啫,
如果植株主蔓粗壯後至產生大量支蔓,
嗰啲支蔓亦會粗壯啲, 噉樣對開花結果肯定有好處嘅!

花老師，好多謝你的回覆，咁我天日睇下佢條主幹粗唔粗，幼先落手剪，我都好希望種得出個苦瓜，好似你嗰幾個咁，有一個我都願咯。

關於剪除植株腳底部份側芽原因好多嘅,
主要係將養份集中供應俾選取培養嘅精英,
茄子亦係要選枝培養架, 三幹株型或四幹株型隨你嘅啫,
我就見佢主莖手指公咁粗就暫定預留三側芽先啦!
即係體第一朵花正下方留翻三側芽, 稍後可能再選一側芽淘汰架!

未修枝條前





摘除側芽後





摘除側芽後仲精神添!

茄子而家點?
開緊花囉! 仲有好多花冧添!

缸種嘅<無花果>啲果果膨大中....

盤種嗰棵就黎OK啦, 摘咗個試食添!
好甜呀! 我再等佢表皮顏色同買翻黎嗰啲一樣就....

種體扁圓盤嘅<印度鬼椒>
枝葉茂盛啲椒椒又多又大又靚....成熟緊囉!

記得睇圖時請順手體張圖上點擊一下,
再體右上角按一下<實際大小>放大啲清楚好多架!

掹咗啲<野葛菜>實行加埋啲生魚瘦肉煲湯!

晚安!

renupu  花園仔老師.... 我顆椒唔知點解近兩天不斷落花.....點算呀???
=======================================

renupu 及大家好!

<辣椒>甩花跌果原因好多, 講過好多次嘞!
控制好水份唔好太乾太濕, 呢棑有冇落吓磷鉀肥亞?

呢隻嘢唔怕人架!



哦! <亞忠>一族體度住咗幾年架罅!

呢度種咗<迷你蕃茄仔>,<茄子>及两棵<心薯>,
新出芽嘅<心薯>就幸福囉, 有條大轆竹俾佢爬!

<淮山>都好正常吖!
講開又講, <淮山>啲葉同<心薯>都幾相似架!



<淮山>啲葉



<心薯>啲葉

Y牌<壽司青瓜>雖然唔多, 但真係好好食架!
我決定種多幾棵嘞!

今日見到两隻<果蠅>猛咁拮笠咗吉吉袋嘅<苦瓜>
拆開袋袋見到瓜瓜有個大窿,
嘩, 仲唔嗱嗱聲改變戰略咩!

花老師，
我今日剪了苦瓜㡳部的側芽，因為我見條主莖只有筷子頭咁大，兼且，㡳部無咩陽光照射，希望有幫助啦。