乜都種吓嘅花園仔

soy :  
沙葛怕太密嗎?唔怕我都多種幾個先 ^^

借問老師前排我棵LEMON開左好多花,又好多蜜蜂來幫忙,但都一個果都冇...係咩問題呢?
=========================================

蛙太及大家好!

<沙葛>唔同番薯唔會四圍走嘅! 垂直結果範圍有限,
我諗住少果密食咋!

植物甩花跌果原因非常多, 該植物係唔係適合本土都未知呀!
我嘅<新奇士>檸檬都係唔多適合本土架, 結果數量唔多....
總之要做好修理枝條, 落定磷鉀肥谷果, 得唔得聽天任命啦!

修去弱枝弱果令對象果果更大更靚仔!

回復 花園仔 的帖子

見到花園仔老師的努力,何其壯觀啊!!!!勁
提外話.老師我想問一問你,我有一棵種咗年幾嘅老不死神秘果,一直都種唔好,請問知唔知應該點種架?佢宜家甩淨兩塊葉(仲要係半黃,但已維持咗好幾個月唔甩!!)
我已換泥,收根,收枯枝,冇虫,換盆已大約兩星期,但仍然冇起色,有冇方法可以另老化植物重新活躍起黎架????
***相要星期日先可以影到比你分析呢***

花老師好多番茄呀！如果好似你咁多番茄，我諗我會開心到唔使種其他野lu
我發覺 番茄和椒椒 就算都冇用袋都冇 果蠅 光顧 (不過就俾雀仔食咗兩個番茄，所以而家加咗個雀仔網)，係咪只係我好彩？夏季黎喇，我係咪要做好防禦措施呀？

回復 muitau 的帖子

回復 花園仔 的帖子

點解唔得唧! 仲可以種得更好更靚更多果架!
=========================
老師午安,
多謝解答蕃茄進入衰退期前因後果! 睇見你種茄種到好似攀藤植物咁,嘆為觀止呀

家中木瓜捱過寒冬後重長新葉,不過成日甩花,遵老師建議用魚雜"餵食",
不消幾日啲花苞唔甩仲大朵左,希望今年可以成功啦.

早排同個村友傾,佢話木瓜甩花係因為花苞時期已經比果蠅針左, 我就抱懷疑態度,
因為我見老師都係成瓜才笠袋,所以我都無幫啲木瓜花笠袋, 而且笠左袋咪無小動物幫佢授粉囉?!
我村友既理論唔知老師聽過未呢? 唔該!

========================================

妹頭好!
剛講過植物甩花跌果原因好多, 受<果蠅>拮拮引至跌果都係原因之一架!
你問得好, 又冇體瓜瓜BB仔時笠袋點解我啲木瓜都結果成功率咁高呢, 難道唔怕果蠅拮?
梗唔係啦! 你要留意我啲木瓜開花結果期係體9月中, 嗰時已開始入秋嘞,
果蠅數量開始減少, 除此以外我有安放誘果蠅樽體外圍嘅,
啲樽距離植區有一定距離及水平高度(90%以上壇友都係錯誤放置適得其反!)
仲有, 我棵木瓜樹結果位置約两米起, 而上嘅位置果蠅會少啲架,
就算有果蠅闖入嗰啲大多係果蠅乸, 因為果蠅公被第一防線嘅誘果蠅樽引咗大部份入去嘞,
啲果蠅乸佢地只有少部份有交配機會嘞, 就算拮咗瓜瓜只要唔係密集咁拮嘅,
啲瓜瓜仲會繼續生長膨大架, 丑樣啲啫!
當然, 唔好彩嗰啲果蠅已經交配過後拮啲瓜瓜, 而且唔止拮一次就危險嘞!
不過如果棵樹健壯啲, 瓜瓜仔夠大粒佢嘅乳液會豐富啲, 對果蠅嘅拮拮有抵抗力架!

而家果蠅越黎越多進入高峯期, 當然破壞力就勁啦!
對而家先至開花結果嘅木瓜梗係冇我舊年9月中嗰時咁着數囉!

嗱! 你睇吓呢棵木瓜都頂唔住囉! 成两個月都結唔到一個果呀!

回復 孖吉 的帖子

花老師好多番茄呀！如果好似你咁多番茄，我諗我會開心到唔使種其他野lu
我發覺 番茄和椒椒 就算都冇用袋都冇 果蠅 光顧 (不過就俾雀仔食咗兩個番茄，所以而家加咗個雀仔網)，
係咪只係我好彩？夏季黎喇，我係咪要做好防禦措施呀？
===================================

孖吉好!

你好彩囉!
嗱! 我問你壇上有幾多蕃茄椒椒種得四四正正皮光肉滑架!
主要問題咪缺少防護囉! 除咗果蠅仲有其他架馬....

我啲中大型蕃茄幾時都準備好架罅!

雖然網絡虛擬, 但都唔好....

嗱! 千祈唔好唔笠袋呀!

<芒果>好脆弱架, 就算笠咗袋都未必萬無一失嘅!

回復 PACO 的帖子

回復 花園仔 的帖子

見到花園仔老師的努力,何其壯觀啊!!!!勁
提外話.老師我想問一問你,我有一棵種咗年幾嘅老不死神秘果,一直都種唔好,請問知唔知應該點種架?
佢宜家甩淨兩塊葉(仲要係半黃,但已維持咗好幾個月唔甩!!)
我已換泥,收根,收枯枝,冇虫,換盆已大約兩星期,但仍然冇起色,有冇方法可以另老化植物重新活躍起黎架????
***相要星期日先可以影到比你分析呢***
===================================

PACO 好!

真係唔好意思嘞! 我冇種過<神秘果>架!

一般黎講能夠用扦插法繁植嘅植物生命力都好強嘅,
但如果植株老化, 體弱勢中苟延殘喘咗咁長時間就無必要....
何況<神秘果>只係好普通嘅植物, 種過仲好啦, 扦插法都好容易,
用種籽繁殖亦唔難, 呢度咁多<神秘果>愛好者點都幫到你格!

回復 花園仔 的帖子

仟插法都得架!?係咪剪D最有機會出芽嘅莖出黎,入泥位要斜剪再淘上生根粉就得架啦??
我上個月頭插咗幾枝桑枝,但冇淘生根粉,今個月都開始生新葉出黎了

JodieC  老師晚安... 種呢d尖椒/羊角椒幾時係時候種呢中? 因為我發左幾次苗都唔得... 唔知係味唔o岩時候呢?
======================================================

JodieC及大家好!

種辣椒主要睇吓該品種對種植時段天氣嘅適應性嘅啫! 一般都OK格!
我而家仲不停噉種植唔同品種嘅辣椒架!
唔發芽嘅原因好多, 我啲黑色指天椒曾試過成两個月至發芽呢!

嗱! 9日前體街市買咗幾隻青紅燈龍椒, 挖種籽發苗, 3日就發嘞!
你睇佢今早幾精神!

JodieC  請問老師d磷鉀肥會點落法?我最初只落骨粉+花生麩做基肥,到有花蕾先落鉀肥谷果,
但出果較瘦;學老師加入磷鉀肥做基肥,但棵野未夠壯就開花結果,點做好口
=============================================

JodieC,

好簡單, 對果木而言基底肥會係樣樣齊嘅,
初期先要將樹身長壯我會連續追薄肥嘅 -- 重氮肥, 輕磷肥及鉀肥.
到見有花苞就將肥料份量改變為 -- 重磷肥及鉀肥, 輕氮肥,
目的係催花果及結果多而甜美啫!

嗱, 睇吓我舊年分枝嘅無花果而家情況啦:







等果皮變紫色就食得嘞!







又爆果果囉!

回復 PACO 的帖子

仟插法都得架!?係咪剪D最有機會出芽嘅莖出黎,入泥位要斜剪再淘上生根粉就得架啦??
我上個月頭插咗幾枝桑枝,但冇淘生根粉,今個月都開始生新葉出黎了
======================================

PACO,
我都話冇種過<神秘果>洛!
老實講<神秘果>有乜咁神秘啵!!

如果俾我扦插咪點插桑枝咁插囉!
想大棵啲咪學<草民>兄噉高壓法都得格!

扦插<神秘果>枝條我會浸水出根後即移種體3吋軟膠盤,
等佢長出5-6塊葉後移種5吋膠盤, 待植株長到呎零高又移種8吋盤....
一路轉大盤(缸)先玩得長久啲啫!
我係咁諗啫, 千祈唔好學我 -- 呢度咁多神秘人! 嘻嘻!

先棑(光棍)扦插嘅指甲花而家情況:

嘩! 乜你啲<茄子>同<落花生>咁奀架? 俾啲肥佢先得架!!

種體發泡膠箱嘅<茄子>及<落花生>

睇吓種體扁圓盤及大龍缸嘅<茄子>啦:





種體大龍缸嘅<茄子>有花冧囉!

回復 花園仔 的帖子

唔......咁我都係試吓先!
係買返黎種唔到,唔憤氣吖麻
就係唔知種唔種到先神秘吖麻老師!!!

更新後嘅<綠薄荷>

<淮山>努力爬爬爬.....

<心薯>雖然縮體角落, 但都同<印度鬼椒>争吓架!
你向橫擴張我咪高空發展囉!

種體黃泥地嘅<印度鬼椒>成三呎直徑架!
成百隻椒, 隻隻差唔多70mm呀!

呢隻<士多啤梨>真係種得過!
少蟲害, 果多香噴噴! 正!